काठमाडौं – हालैको बाढीपहिरामा परी २२८ जनाको मृत्यु भएको छ भने २५ जना अझै बेपत्ता छन् । बाढी र पहिरोका कारण एक सय ५८ जना घाइते भएका छन् ।गृह मन्त्रालयका प्रवक्ता ऋषिराम तिवारीका अनुसार हालसम्म प्रभावित क्षेत्रबाट १३ हजार ७१ जनाको उद्धार गरिएको छ। सरकारको तर्फबाट खोज, उद्धार, र सहायता कार्य तीव्र रूपमा सञ्चालन भइरहेको छ । प्रभावितलाई खाद्यान्नसहित राहत सामग्री वितरण गरिएको छ भने घाइतेहरुको निःशुल्क उपचार भइरहेको छ ।प्रवक्ता तिवारीले सरकार उद्धार र राहत कार्यलाई उच्च प्राथमिकतामा राखेर अगाडि बढिरहेको र यातायात सञ्चालनका लागि अवरुद्ध राजमार्ग सुचारु गर्ने प्रयास जारी रहेको जानकारी दिनुभयो ।
काठमाण्डौ । देशभर मनसुनी वायुको प्रभाव रहेको छ। भारतको उत्तर–पूर्व असम र आसपासको क्षेत्रमा बनेको न्यून चापीय प्रणालीको आंशिक प्रभाव रहेको मौसम पूर्वानुमान महाशाखाले जनाएको छ।जसको प्रभावले हाल कोशी प्रदेश लगायत बागमती र गण्डकी प्रदेशका पहाडी भूभागमा आंशिक देखि साधरणतया बदली रही बाँकी भूभागमा आंशिक बदली देखि मौसम मुख्यतया सफा रहेको छ। कोशी प्रदेशको एक\दुई स्थानमा चट्याङ्गसहित हल्का वर्षा भइरहेको छ ।आज दिउँसो कोशी प्रदेश,मधेश प्रदेश,वाग्मती प्रदेश र गण्डकी प्रदेशमा आंशिक देखि साधारणतया बदली रही बाँकी प्रदेशमा आंशिक बदली देखि मौसम मुख्यतया सफा रहने छ । कोशी प्रदेश र बाग्मती
काठमाडौं– सिन्धुपाल्चोकको जलवीरे केन्द्रबिन्दु भएर मंगलबार दिउँसो २ बजेर २१ मिनेटमा ३.६ म्याग्निच्युडको भूकम्प गएको छ । राष्ट्रिय भूकम्प मापन केन्द्रका अनुसार यो भूकम्पको केन्द्रबिन्दु जलवीरे रहेको थियो। यसअघि, भदौ १८ गते सिन्धुपाल्चोककै शिखरपुर केन्द्रबिन्दु भएर ४.२ म्याग्निच्युडको भूकम्प गएको थियो ।
काठमाडौं— नौबिसे खण्डको झ्याप्ले खोलामा अहिले दिउँसो २ बजेसम्म गाडी चलाउन रोक लगाइएको छ ।झ्याप्ले खोलामा पहिरोका कारण एकतर्फी रहेको सडकलाई दुईतर्फी नै चलाउने गरी काम गर्नका लागि आज दिउँसो १२ बजेदेखि २ बजेसम्म सडक पूर्णरूपमा बन्द गरेर पहिरो पन्छाउने काम चलिरहेको प्रहरीले जनाएको छ ।लामो यात्रामा निस्कनुभन्दा पहिले प्रहरी कार्यालयमा सम्पर्क गर्न पनि नेपाल प्रहरीले आग्रह गरेको छ ।
काठमाडौं– अविरल वर्षाका कारण नवलपरासीको बर्दघाट नगरपालिका–४ स्थित दाउन्ने जंगलको खुर्साने खोलामा पूर्व–पश्चिम राजमार्गको रिटेनिङ वाल भत्किएपछि करिब ४ मिटर सडक भासिएको छ ।यस घटनाले विद्युत् प्रसारणको हाइटेन्सन टावर समेत ढलेको छ, जसका कारण यस सडकखण्डमा यातायात सेवा पूर्ण रूपमा अवरुद्ध भएको छ । यस समस्याको समाधानको लागि असोज १५ गते राति १० बजेदेखि असोज १६ गते बिहान ५ बजेसम्म बर्दघाट बजारदेखि दाउन्ने बजारसम्म अत्यावश्यक बाहेकका सबै सवारी साधनको आवागमन बन्द गरिने जिल्ला प्रशासन कार्यालय नवलपरासीले जनाएको छ ।
काठमाडौं— नेकपा (एमाले) को मङ्गलबार बसेको सचिवालय बैठकले ५० लाख रकम नेपाल सरकारको प्राकृतिक विपद् तथा राहत कोषमा जम्मा गर्ने निर्णय गरेको छ । मन्त्रिपरिषद्को सोमबारको बैठकले प्रारम्भिक रुपमा एक अर्ब रकम उक्त कोषमा जम्मा गर्ने निर्णय गरेको थियो ।एमालेको सचिवालय बैठक लगत्तै अहिले सिंहदरबारमा एमाले संसदीय दलको बैठक सुरु भएको छ । बैठकमा प्रधानमन्त्री एवम् पार्टीका अध्यक्ष केपी शर्मा ओलीले मुलुकमा गम्भीर प्राकृतिक विपत्तिको स्थितिमा सबैका तर्फबाट उद्धार, राहत र स्वयंसेवाको काममा लाग्न आह्वान गरेका छन् ।
काठमाडौं– ठूलो विपत्तिको सामना गरेर केही दिन खुलेको मौसममा आजदेखि कोशी प्रदेशबाट फेरि बदली सुरु भएको छ । जल तथा मौसमविज्ञान विभाग मौसम पूर्वानुमान महाशाखाका अनुसार अहिले कोशीमा बादलले ढाकिसकेको र त्यसको असर कोशीसहित मधेश प्रदेश, बागमती र गण्डकीसम्म देखिने जनाइएको छ ।मौसमविद् प्रतिभा मानन्धरका अनुसार बादल लाग्ने र हल्कादेखि मध्यम वर्षा हुनेछ । उनले भनिन्, 'विशेष गरी कोशी प्रदेशमा हल्का र मध्यम वर्षा हुने छ भने मधेस, बागमती र गण्डकी प्रदेशसम्मै फैलिनेछ, सुदूरपश्चिम, कर्णाली र लुम्बिनीमा कम नै छ ।'यो असर भोलि र पर्सिसम्मै रहने महाशाखाले जनाएको छ । तर ठूलो अनि लगातारको वर्षा भने नहुने मौसमविद्ले ब
काठमाडौं–निरन्तर वर्षाका कारण धादिङको भन्याङलेखोलामा पहिरो जाँदा पृथ्वी राजमार्गको दुबै तर्फ सवारी आवागमन अवरुद्ध भएको छ । प्रहरीले दिएको सूचनाअनुसार हालसम्म पहिरो पन्छाउन नसकिएकाले सडक खुलाउन थप समय लाग्ने बताइएको छ ।आज बिहान १२:०० बजेपछि सडक खोल्न सकिने अनुमान भए पनि २ घण्टासम्म पूर्ण रूपमा बन्द रहने जानकारी गराइएको छ। यात्रुहरूले लामो दूरीको यात्रा गर्दा सर्तकता अपनाउन र यात्रा अघि नजिकको प्रहरी कार्यालयमा सम्पर्क गर्न आग्रह गरिएको छ ।सडक अवस्था सामान्य अवस्थामा फर्किनेबारे थप जानकारीका लागि सवारी चालक र यात्रुहरूलाई केन्द्रीय प्रहरी यातायात कक्षको नम्बर १०० वा नेपाल प्रहरीको हटलाइन नम्बर १
काठमाडौं–दसैँको मुखमा वर्षाका कारण देशभरका मुख्य राजमार्ग र सडक भत्किँदा यात्रुहरूको यात्रा कष्टकर भएको छ। ठाउँठाउँमा पहिरो र सडक अवरुद्ध हुँदा गन्तव्यमा पुग्न संघर्षरत यात्रुहरू अलपत्र परेका छन्। देशभरका मुख्य राजमार्ग, विशेषगरी नागढुंगाबाट गाडीहरू सुस्त गतिमा चलिरहेका छन्। पूर्व–पश्चिम र अन्य प्रमुख राजमार्गहरू पहिरोका कारण अवरुद्ध छन्। नेपाल प्रहरीले २० भन्दा बढी स्थानमा सडक अवरुद्ध भएको जनाएको छ, जसले यातायात ठप्प बनाएको छ।यसैबीच, ८८नेपाल यातायात व्यवसायी राष्ट्रिय महासङ्घले विषम परिस्थितिका कारण दसैँको अग्रिम टिकट बुकिङ बन्द गर्ने तयारी गरिरहेको८८ छ। वरिष्ठ उपाध्यक्ष सरोज सिटौलाका अन
काठमाडौं–पूर्वपश्चिम राजमार्गको बुटवल नारायणगढ सडकखण्डको दाउन्नेमा सडक भासिएपछि हिजो साँझदेखि अवरुद्ध भएको सडक आज बिहान ९ बजेबाट एकतर्फी सञ्चालनमा आएको छ। जिल्ला प्रहरी कार्यालय पश्चिम नवलपरासीका अनुसार, रातिदेखि भएको मर्मतपछि सडक डेढ फुट तल भासिएको स्थानमा माटो र गिटी भरेर एकतर्फी सञ्चालन गरिएको हो। प्रहरीले दुबै तर्फ सञ्चालन गर्न प्रयास भइरहेको जानकारी दिए। सोमबार साँझ ५ बजेतिर सडक भासिएपछि सवारीसाधन प्रवेशमा रोक लगाइएको थियो।
Copyright © 2021 / 2026 / Esoul Media (P) Ltd. / All Rights Reserved.
