काठमाडौं / प्रतिनिधिसभाको बैठक शुरु भएको छ । बैठकमा सरकारले प्रस्तुत गरेको आगामी आर्थिक वर्षको बजेटका विभिन्न शीर्षकमाथि छलफल जारी छ ।आज मन्त्रालयगत छलफल हुने संसद् सचिवालयले जनाएको छ । युवा मन्त्री, शहरी विकास, कृषि, शिक्षा, उद्योग, पर्यटन, परराष्ट्र, खानेपानी र अर्थ मन्त्रीले सांसदहरूले उठाएका प्रश्नको जवाफ दिने कार्यसूची छ ।सोमबार मन्त्रालयगत शीर्षकमा सांसदले उठाएका प्रश्नको सम्बन्धित मन्त्रीले जवाफ दिने कार्यक्रम थियो । तर, प्रमुख प्रतिपक्षी दल नेकपा एमालेका १५ जना सांसदले संसद्को जारी छलफल स्थगित गर्दै रासायनिक मल उपलब्ध गराउनेबारे जरुरी महत्वको प्रस्ताव पेश गरेको थियो।
एजेन्सी / यसै वर्ष कतारमा हुने फिफा विश्वकपमा छनोट खेलमा पेरुलाई हराउँदै अष्ट्रेलिया विश्वकपमा छनोट भएको छ । कन्टिनेन्टल प्लेअफको फाइनलमा पेरूलाई सडनडेथमा ५–४ ले हराउँदै अष्ट्रेलिया लगातार पाँचौ पटक विश्वकपमा छनोट भएको हो ।सोमबार राति भएको खेलको निर्धारित ९० मिनेटको समय र अतिरिक्त ३० मिनेटमा कुनै गोल नभएपछि खेलको निर्णय पेनाल्टी सुटआउटबाट लिइएको थियो । पेनाल्टीमा समेत ४–४ गोलको बराबरी भएपछि खेलको नतिजा सडन डेथबाट निस्किएको थियो । जहाँ अष्ट्रेलियाका गोलरक्षक आन्द्रे रेडमायने नायक बने । उनले पेरूका एलेक्स भालेराको पेनाल्टी बचाउँदै टोलीलाई विश्वकपमा पुर्याए । यो सँगै हाल सम्म विश्वकपमा
भैरहवा / कुवेतबाट काठमाडौंको लागि उडान भरेको जजिरा एयरको जहाज भैरहवास्थित गौतमबुद्ध अन्तर्राष्ट्रिय विमानस्थलमा अवतरण गरेको छ ।गौतमबुद्ध अन्तर्राष्ट्रिय विमानस्थलका महाप्रबन्धक गोविन्दप्रसाद दाहालका अनुसार मौसममा खराबी आउँदा जजिराको जे नाइन ५४१ को जहाज आज बिहान ४ बजेर २२ मिनेटमा भैरहवामा अवतरण भएको हो । मौसम सफा भएपछि उक्त जहाजले बिहान साढे ६ बजे काठमाडौंका लागि उडान भरेको र ६ः५० मा त्रिभुवन अन्तर्राष्ट्रिय विमानस्थलमा सकुशल अवतरण गरिसकेको दाहालले बताए । नेपालकै दोस्रो अन्तर्राष्ट्रिय विमानस्थलको रुपमा निर्मित गौतमबुद्धमा अन्तर्राष्ट्रिय जहाज डाइभर्ट भएर आएको यो पहिलो घटना हो । गौतमब
काठमाडौँ / अख्तियार दुरुपयोग अनुसन्धान आयोगले रौतहटको सेफ नेपाल नामक संस्थाका अध्यक्षविरुद्ध मुद्दा दायर गरेको छ । आर्थिक अनियमितता गरी भ्रष्टाचार गरेको अभियोगमा अख्तियारले सेफ नेपालका अध्यक्ष रामनरेश राय यादवविरुद्ध सोमबार विशेष अदालत काठमाडौंमा मुद्दा दर्ता गरेको हो ।स्थानीय गढीमाई नगरपालिकासँग सेफ नेपाल, गौर –५ रौतहटले लक्षित वर्गअन्तर्गत जनचेतनामूलक कार्यक्रम र महिला जनचेतना कार्यक्रम सञ्चालन गर्नेक्रममा एक लाख ७२ हजार २४० रुपियाँ हिनामिना गरेको अख्तियारको अनुसन्धानबाट खुलेको छ । आयोगका प्रवक्ता श्यामप्रसाद भण्डारीका अनुसार, अध्यक्ष यादवले नक्कली बिल भरपाई तयार गरी सरकारी सम
झापा / नेपाल प्रहरीको प्रहरी महानिरीक्षक (आईजीपी) नियुक्ति विरुद्ध रिट निवेदन हेर्दाहेर्दैमा राखिएको छ । कायममुकायम प्रधानन्यायाधीश दीपककुमार कार्की र न्यायाधीश डा. कुमार चुडालको पूर्ण इजलासमा परेको उक्त मुद्दाको सुनुवाइ नसकिएपछि असार ५ गतेका लागि हेर्दाहेर्दैमा राखिएको हो ।वैशाख १८ गते मन्त्रिपरिषद्ले धीरजप्रताप सिंहलाई प्रहरी महानिरीक्षक नियुक्त गरेको थियो । एआईजी विश्वराज पोखरेलले आफूभन्दा १६ महिना जुनियर एआईजी सिंहलाई आईजीपी बनाएको भन्दै सर्वोच्च पुगेका थिए । उक्त रिटमा वैशाख २२, जेठ १७ गरी दुईपटक सुनुवाइ भइसकेको छ । अन्तिम सुनुवाइका लागि ३० जेठका लागि मिति तोकिएको थियो । सो
बिर्तामोड / झापाको बिर्तामोडस्थित बीएन्डसी अस्पताल अगाडि सवारी दुर्घटना हुँदा चार जना घाइते भएका छन् । पूर्वबाट पश्चिम तर्फ जाँदै गरेको बा१५च८९६ नम्बरको बोलेरो र विपरीत दिशाबाट आउँदै गरेको ग३च५३८९ नम्बरको हात्तिगाडी एक आपसमा ठोकिँदा दुर्घटना भएको हो । दुर्घटनामा परी घाइते भएका चारै जनाको बीएन्डसी अस्पतालमा उपचार भइरहेको इलाका प्रहरी कार्यालय अनारमनीले जनाएको छ । घटनाकाे विवरण आउन बाँकी...
इटहरी / सुनसरीको इटहरीमा आज बिहान देखिएको चितुवाको सकुशल उद्धार गरिएको छ । इटहरी उप- महानगरपालिका वडा नं ६ र ९ को सीमानामा पर्ने एकता टोल विकास क्षेत्रमा आज बिहान चितुवा देखा परेको थियो । चितुवालाई सुरक्षाकर्मी तथा वन्यजन्तु सम्बन्धी प्राविधिकको सहयोगमा नियन्त्रण लिइएको हो । चितुवालाई हाललाई डिभिजन बन कार्यालय इनरुवा सुनसरी पठाइएको प्रहरीले जनाएको छ ।
झापा / मकवानपुरको भिमफेदी गाउँपालिका- ९ चुनियाबाट ९६ किलो ८ सय ४० ग्राम गाँजा सहित ३ जनालाई आइतबार बिहान प्रहरीले पक्राउ गरेको छ । पक्राउ पर्नेहरुमा सोही गाउँपालिका- २ रिठ्ठेपानी बस्ने ३० वर्षीय अभिषेक लामा, कैलाश गाउँपालिका- ९ घैराङ बस्ने ३७ वर्षीय ज्ञान बहादुर गोले र सोही गाउँपालिका- १० बलमटार बस्ने ४९ वर्षीय चन्द्र लामा रहेका छन् । उक्त ठाउँमा ना २ ह ३५६६ नम्बरको अटोलाई अस्थाई प्रहरी पोष्ट नामटारबाट खटिएको प्रहरीले जाँच गर्ने क्रममा अटोको सिटमा बोराभित्र लुकाई ल्याएको अवस्थामा उक्त गाँजा फेला पारी अटो चालक अभिषेक सहित ३ जनालाई पक्राउ गरेको हो । यस सम्बन्धमा प्रहरी
झापा / सङ्खुवासभामा ९ वर्षीया बालिकालाई बलात्कार गरेको आरोपमा एक युवक पक्राउ परेका छन् । पक्राउ पर्नेमा जिल्लाको खाँदबारी नगरपालिका- २ का ३९ वर्षीय कुमार दर्जी रहेको प्रहरीले जनाएको छ । पीडित बालिकालाई दर्जीले ०७९ जेठ २० गते बलात्कार गरेको आरोपमा पीडित पक्षले आरोपित विरूद्ध जेठ २१ गते जिल्ला प्रहरी कार्यालयमा उजुरी दिएको थियो ।पीडित पक्षको उजुरीका आधारमा आरोपितलाई चैनपुर नगरपालिका- ६ चैनपुर बजारबाट पक्राउ गरिएको जिल्ला प्रहरी कार्यालयका प्रहरी निरीक्षक सरोज खनालले बताए । पक्राउ परेका दर्जीमाथि थप अनुसन्धान भइरहेको प्रहरीले जनाएको छ ।
बिर्तामोड / सुनसरीको इटहरी उप- महानगरपालिका वडा नं ६ र ९ को सीमानामा पर्ने एकता टोल विकास क्षेत्रमा चितुवा देखा परेको छ । चितुवा देखिएसँगै स्थानीहरू आतङ्कित बनेका छन् । बिहानै देखा परेको चितुवालाई हाल नियन्त्रणमा लिने प्रयास जारी छ ।चितुवा नियन्त्रणमा लिनका निम्ति अहिले कोशी टप्पु वन्यजन्तु आरक्षको उदार टोलीलाई परिचालन गरिएको छ । कुनै अप्रिय घटना हुन नदिन स्थानीयको सुरक्षार्थ हाल जुट विकास र एकता टोल क्षेत्रमा इलाका प्रहरी कार्यालयबाट प्रहरी र जिल्ला वन कार्यालयका कर्मचारीहरूको टोली खटाइएको छ । प्रहरीले भने स्थानीयलाई घरभित्रै बस्न आग्रह गरिरहेको छ ।
Copyright © 2021 / 2026 / Esoul Media (P) Ltd. / All Rights Reserved.
