काठमाडौं / सशस्त्र प्रहरी बलले आफ्ना कर्मचारीलाई फ्रेन्च भाषा पढाउने भएको छ । संयुक्त राष्ट्रसङ्घले शान्ति मिसनमा फ्रेन्च भाषा जानेकालाई प्राथमिकता दिन थालेपछि सशस्त्रले केही कर्मचारीलाई फ्रेन्च पठाउन लागेको हो ।हालै सशस्त्र प्रहरीले ५० जनालाई फ्रेन्च पठाउने प्रक्रिया सुरु गरेको छ । त्यसका लागि आवेदन दिन इच्छुक कर्मचारीलाई सूचना मार्फत आह्वान गरिएको छ । आवेदक मध्येबाट छानेर भाषा पढाउन लागिएको सशस्त्रका एक अधिकारीले बताए । त्यस्तै, सशस्त्र प्रहरी बलले अन्य देशमा शान्ति मिसनमा पठाउनका लागि पनि पहल थालेको छ ।
काठमाडौं / परराष्ट्र मन्त्रालय अन्तर्गत रहेको राहदानी विभागले आइतबार पनि सेवाग्राहीलाई सेवा प्रदान गर्ने भएको छ । विभागले आज विहीवार विज्ञप्ति जारी गर्दै सो जानकारी दिएको हो ।सरकारले जेठ १ गतेबाट हप्ताको दुई दिन शनिबार र आइतबार सार्वजनिक बिदा दिँदा राहदानी लिन आउनेको चाप बढेपछि विभागले आइतबार पनि सेवा प्रदान गर्ने निर्णय गरेको हो ।विभागका अनुसार आइतबार बिहान १० बजेदेखि अपरान्ह ४ बजेसम्म सेवा प्रदान गरिने जनाएको छ ।
काठमाडौं / नेपाल स्वास्थ्य अनुसन्धान परिषद्ले यौन दुर्व्यवहार गरेको आरोपमा एक कर्मचारीलाई निलम्बन गरेको छ ।परिषद्ले इन्टर्नसिपमा आएकी युवतीलाई यौन दुर्व्यवहार गरेको अभियोगमा तालिम अधिकृत विजयकुमार झालाई निलम्बन गरेको हो ।झाले दुर्व्यवहार गरेको भन्दै युवतीले निवेदन दिएपछि परिषदले सोधपुछ गर्दा घटना भएको पाएपछि छानबिन समिति समेत गठन गरेको जनाइएको छ ।
काठमाडौँ / सशस्त्र प्रहरीका पूर्वप्रहरी नायब महानिरीक्षक (डीआईजी) रञ्जनप्रसाद कोइरालाविरुद्धको रिटको पेसी पूर्ण इजलासमा तोकिएको छ ।पूर्ण इजलासमा कायममुकायम प्रधानन्यायाधीश दीपककुमार कार्की, न्यायाधीशहरू टंकबहादुर मोक्तान र डा. कुमार चुडाल रहेका छन् ।महान्यायधिवक्ता कार्यालयले ११ साउन २०७७ मा श्रीमती गीता ढकालको हत्यामा दोषी ठहरिएको कोइरालालाई प्रधानन्यायाधीश चोलेन्द्रशम्शेर जबरा र न्यायाधीश तेजबहादुर केसीको संयुक्त इजलासले कैद सजाय घटाउन गरेका फैसलाविरुद्ध पुनरावलोकन रिट दायर गरेको हो ।रिटको सुनुवाइका लागि पहिलो पटक १० चैत २०७८ मा न्यायाधीशहरू डा. आनन्दमोहन भट्टराई, अनिलकुमार सिन्हा र सुष्मालत
वीरगन्ज / वीरगन्ज महानगरपालिका- १६ रजतजयन्ती चोकबाट स्रोत नखुलेको नगद ९ लाख ५० हजार रूपैयाँ सहित एक जना भारतीय नागरिक पक्राउ परेका छन् । पक्राउ पर्नेमा भारतको बिहार बेतिया ग्रामपञ्चायत गुर्वलिया कचहरियाटोला थाना मनुवापुल बस्ने ४२ वर्षीय संजय राम रहेका छन् । उनलाई बुधबार साँझ प्रहरीले पक्राउ गरेको हो । भारतबाट नेपालतर्फ आउँदै गरेको प्रदेश ३–०२–०११ प ८६२७ नम्बरको मोटरसाइकललाई प्रहरी चौकी इनर्वाबाट खटिएको प्रहरीले जाँच गर्ने क्रममा श्रोत नखुलेको नगद फेला पारी पक्राउ गरिएको प्रहरीले जनाएको छ । घटनाका सम्बन्धमा प्रहरीले आवश्यक अनुसन्धान गरिरहेको छ ।
काठमाडौं / पछिल्लो समय नेपालका धेरै कम्पनीहरूले सामाजिक सञ्जाल र इन्टरनेट प्लेटफर्म मार्फत विज्ञापन गर्दा गैरकानुनी रुपमा भुक्तानी गर्ने गरेको पाइएको छ । नेपालको कानुनले यस्ता प्लेटफर्ममा विज्ञापन गर्न नेपाली कम्पनीहरूलाई छुट नदिएको कारण भुक्तानी गर्न गैरकानुनी बाटो अपनाइएको हो । विदेशी सञ्चार प्लेटफर्ममा नेपाली कम्पनीहरूले विज्ञापन गर्न पाउने नपाउने विषय उल्लेख नगरिएकाले पनि यस्ता विज्ञापनको भुक्तानी पनि गैरकानुनी रुपमा गर्दै आएका छन् । सार्वजनिक सञ्चारमाध्यममा विज्ञापन गर्न महँगो पर्ने र प्रभावकारिता पनि कम हुने भन्दै कम्पनीहरूले यस्ता प्लेटफर्ममा विज्ञापन गर्न आकर्षित भएका हु
हेटौंडा / पेट्रोलियम पदार्थको मूल्यवृद्धि विरुद्धको आन्दोलनको क्रममा हेटौडाबाट अनेरास्ववियुका नेताहरू पक्राउ परेका छन् । अनेरास्ववियुले आज मूल्यवृद्धि विरुद्ध सरकारी सवारीसाधनको चाबी नियन्त्रणमा लिएर नजिकैको प्रहरी कार्यालयमा बुझाउने कार्यक्रम राखेको थियो ।आन्दोलनको क्रममा सरकारी सवारीको चाबी थुतेपछि प्रहरीले विद्यार्थी नेताहरूलाई पक्राउ गरेको हो । प्रहरीले स्थायी कमिटी सदस्य सन्तोष पौडेल, जिल्ला उपाध्यक्ष भुवन मैनाली, सचिव पुष्कर तिमल्सिना, युवा संघका नेता राजकुमार घिमिरेलगायतलाई पक्राउ गरेको हो ।शान्तिपूर्ण आन्दोलनका क्रममा आफ्ना नेताहरूलाई गिरफ्तार गरिएको घटनाप्रति अनेरास्ववियुले खेद प्रकट
बिर्तामोड / मोरङको जहदा गाउँपालिका- २ का दिनेश कुमार राजभरलाई श्रीमतीको हत्या गरेको आरोपमा प्रहरीले पक्राउ गरेको छ । गत ज्येष्ठ ६ गते राती ९ बजे घरायसी विवादका कारण ४३ वर्षीय राजभरले आफ्नै श्रीमती ३५ वर्षीया गीता देवी राजभरलाई काठ र फलामको रडले टाउको र कम्बरमा प्रहार गरी हत्या गरेर घटना स्थलबाटै फरार भएका थिए । घटनाको जानकारी पाए लगतै जिल्ला प्रहरी कार्यालय मोरङबाट खटिएको प्रहरी टोलीले खोज तलासको क्रममा राजभरलाई ज्येष्ठ १० गते पक्राउ गरेको हो । पक्राउ परेका राजभरको मोरङ जिल्ला अदालतबाट ज्यान सम्बन्धी कसुरमा म्याद थप गरी अनुसन्धान भइरहेको जिल्ला प्रहरी कार्यालय मोरङले जनाएको छ ।
काठमाडौं / काठमाडौंको गुहेश्वरी खोलामा एक युवाको शव फेला परेको छ ।खोलामा घोप्टो परेको अवस्थामा आज बिहान शव देखेपछि स्थानीय बासिन्दाले प्रहरीलाई खबर गरेका थिए । प्रहरी घटनास्थल पुगेको छ ।शव कसको हो भन्ने पहिचान खुलेको छैन ।करिब ३५ / ४० वर्ष उमेरको देखिने युवाको शव फेला परेको प्रहरीले बताएको छ । घटनाबारे अनुसन्धान भइरहेको प्रहरीको भनाइ छ ।
झापा / तीव्र गतिका कारण एम्बुलेन्स दुर्घटना हुँदा सिन्धुपाल्चोकमा एक जनाको मृत्यु भएको छ । सिन्धुपाल्चोकको लामोसाँघु- जिरी सडकखण्ड अन्तर्गत दुई किलोमा एम्बुलेन्स दुर्घटना भएको हो । मृत्यु हुनेमा स्थानीय ७५ वर्षीया मनमाया खड्का रहेको प्रहरीले जनाएको छ । एम्बुलेन्स सुनकोशी गाउँपालिका वडा नम्बर ७ स्थित दुई किलोमा गए राति बा २० च ६३२७ नम्बरको एम्बुलेन्स अनियन्त्रित भई सडक छेउको एक घरमा छिरेको थियो । उक्त एम्बुलेन्स खाडीचौर बचत तथा ऋण सहकारी संस्थाले सञ्चालन गर्दै आएको थियो । तीव्र गतिका कारण एम्बुलेन्स दुर्घटनामा परेको अनुमान छ ।
Copyright © 2021 / 2026 / Esoul Media (P) Ltd. / All Rights Reserved.
