झापा / निर्वाचन आयोगले यही वैशाख ३० गते हुने स्थानीय तह सदस्य निर्वाचन, २०७९ को मतदानको दिनका लागि सवारी आवागमन व्यवस्थापनसम्बन्धी मापदण्ड –२०७९ जारी गरेको छ।आयोगबाट यही वैशाख २२ गते स्वीकृत भएको सो मापदण्डमा उम्मेदवार वा उम्मेदवारको निर्वाचन प्रतिनिधिले मतदानको दिन सवारी साधन चलाउनका लागि तोकिएबमोजिमको ढाँचामा सम्बन्धित मुख्य निर्वाचन अधिकृत वा निर्वाचन अधिकृत समक्ष निवेदन दिनु पर्नेछ। यसरी निवेदन परेमा मुख्य निर्वाचन अधिकृत वा निर्वाचन अधिकृतले उम्मेदवारको विवरण यकिन गरी सोही निवेदनमा सिफारिस गर्नुपर्ने उल्लेख छ।उम्मेदवारबाहेक अन्य निकाय वा संस्थाले सम्बन्धित निकाय वा संस्थाको आधिकारिक
खोटाङ / खोटाङमा ४९ वर्षीय दलित महिला वडा सदस्यको मृत्यु भएको छ । रक्तचापको समस्याका कारण हलेसी तुवाचुङ नगरपालिका–४ बडहरेकी कमला परियारको मृत्यु भएको हो ।२०७४ सालको स्थानीय तहको निर्वाचनमा एमालेबाट दलित महिला वडा सदस्यमा निर्वाचित भएकी परियार रक्तचापले बेहोस अवस्थामा पुगेकी थिइन् । स्वास्थ्य संस्थामा पुर्याए लगत्तै परियारको मृत्यु भएको एमाले हलेसी तुवाचुङ नगर कमिटी अध्यक्ष डिल्ली चाम्लिङले जानकारी दिएका छन् ।
दाङ / दाङको लमहीबाट अवैध हतियारसहित दुई जनालाई प्रहरीले पक्राउ गरेको छ । पक्राउ पर्नेमा बागलुङ घुइँयाखोला घर भएका २० वर्षीय सोमु बिक र रूपन्देहीको शुद्धोधन गाउँपालिका वडा नम्बर २ का ४० वर्षीय रुकमान सुनार (कमल) रहेका छन् । प्रहरी उपरीक्षक सुरेश काफ्लेका अनुसार उनीहरूलाई वडा प्रहरी कार्यालय लमहीबाट खटिएको प्रहरी टोलीले बिहीबार बेलुकी नियन्त्रणमा लिएको हो ।विकको साथबाट पेस्तोल आकारमा निर्माण गरिएको हतियार बरामद भएको छ । उक्त हतियार उनले भारतबाट ल्याएको खुलेको छ । घटनाबारे प्रहरीले अनुसन्धान गरिरहेको प्रहरीलले जनाएको छ ।
ओखलढुङ्गा / ओखलढुङ्गाको सिद्धिचरण नगरपालिका- ५ स्थित सिद्धिचरण राजमार्गमा ट्याक्टर दुर्घटना हुँदा चालकको भएको छ । मृत्यु हुनेमा सिद्धिचरण नगरपालिका- ७ बिगुटारका २२ वर्षीय प्रेम लाक्पा शेर्पा रहेको प्रहरीले जनाएको छ । शुक्रबार दिउसो साढे १ बजे ओखलढुङ्गाको ठाडेबाट सदरमुकाम आँउदै गरेको ग १ त ३१२९ नम्बरको ट्याक्टर अनियन्त्रित भई सडकबाट १० मिटर तल खसी दुर्घटना भएको थियो । घाईते भएका ट्याक्टर चालक शेर्पाको मिसन अस्पताल ओखलढुङ्गामा उपचारको क्रममा मृत्यु भएको हो । घटना सम्बन्धमा जिल्ला प्रहरी कार्यालय ओखलढुङ्गाबाट थप अनुसन्धान भइरहेको प्रहरीले
काठमाडौं / शैक्षिक योग्यताको नक्कली प्रमाणपत्र भएको एक व्यक्तिविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ । पाँचथर तुम्वेबा गाउँपालिकामा रहेको धुवाखोला आधारभूत विद्यालयमा प्रावि शिक्षकमा रहेका विरजुकुमार गच्छदारका विरुद्ध आयोगले मुद्दा दायर गरेको हो ।अख्तियारमा उजुरी परेपछि अनुसन्धानका क्रममा नक्कली शैक्षिक प्रमाणपत्रका आधारमा विद्यालयमा नियुक्ति पाएको पुष्टि छ । भ्रष्टाचार निवारण ऐन २०५९ को दफा १६ ९१० बमोजिम सजाय मागदाबी गर्दै विशेष अदालतमा मुद्दा दर्ता गरेको अख्तियारका प्रवक्ता श्यामप्रसाद भण्डारीले बताएका छन् ।
काठमाडौं / आगामी बैशाख ३० गते हुने स्थानीय तहको निर्वाचनका दिन सरकारले आन्तरिक तर्फका सबै उडान बन्द गर्ने भएको छ । उक्त दिन आन्तरिक उडान बन्द नभए पनि अन्तर्राष्ट्रिय तर्फका उडान भने खुला नै रहने छन् ।अन्तर्राष्ट्रिय उडान तर्फका यात्रुलाई पासपोर्ट, भिसा र हवाई टिकटको आधारमा विमानस्थल सम्म र विमानस्थलबाट यात्रुको बास स्थानसम्मको आवागमन सहजीकरण गरिने जनाइएको छ ।
भोजपुर / भोजपुरको षडानन्द नगरपालिका -१४ बिहिबारे बजार स्थितमा आगलागी हुँदा बालिकाको आगोमा जलेर मृत्यु भएको छ, भने उनका बुवा, आमा दुवै जना घाईते भएका छन । मृत्यु हुनेमा २ वर्षीया छोरी रेश्मा तामाङ रहेको र धनी खेममणी तामाङ, निजको श्रीमती मिना तामाङ आगोमा परि घाइते भएका छन् । बिहीबार बेलुका ७ बजे स्थानीय खेममणी तामाङको ढुंगा माटोले बनेको टिनको छानो भएको २ तले घरमा आगलागी भई घर पुर्णरुपमा जली नष्ट भएको थियो । घाईते भएकाहरूको उपचारको लागि स्वास्थ्य विज्ञान प्रतिष्ठान घोपा धरान लगिएको छ । उक्त आगो फस्ट राईफल गण दिङ्लाबाट खटिएको नेपाली सेनाको टोली, नेपाल प्रहरी र स्थानियको
इलाम / इलामको करफोक माध्यमिक विद्यालयको निर्माणाधीन भवनबाट लडी १ जनाको मृत्यु भएको छ । सूर्योदय नगरपालिका-१२ मा विहीवार बेलुका ५ बजे जितपुर नगरपालिका-५ गकुलियाका २५ वर्षीय पुकार चौधरी निर्माणाधीन भवनबाट झरेर मृत्यु भएको हो । विद्यालयको को माथि टिन लगाउने क्रममा उनी भवनबाट झरेका हुन् । उपचारको लागि झापा बुधबारे स्थित सिटी हस्पिटल लगिएको चौधरीको उपचारको क्रममा मृत्यु भएको हो । घटना सम्बन्धमा थप अनुसन्धान भइरहेको इलाका प्रहरी कार्यालय पशुपतिनगरले जनाएको छ ।
काठमाडौं / बैशाख ३० गते हुन लागेको स्थानीय तहको निर्वाचनको दिनमा आन्तरिक तर्फका उडान नहुने भएको छ । बुद्ध एयरले ट्राभल एलर्ट जारी गरी यस दिन उडान नहुने जानकारी गराएको हो । यति एयरलाइन्सका प्रवक्ता सुदर्शन बर्तौलाका अनुसार समेत सो दिन कम्पनीका कुनै पनि उडान नहुने भएका छन् । हवाई यातायात बन्द हुने भएपनि अन्तर्राष्ट्रिय उडानका लागि जहाज भने नियमित हुने भएका छन् ।निर्वाचन आयोगले यो दिन विदेश जाने यात्रुको सहजिकरणका लागि सवारी साधनलाई समेत चल्ने व्यवस्था मिलाउन सरकारलाई पत्राचार गरेको छ ।
सुर्खेत / सुर्खेतमा नेपाली एमाले र कांग्रेसका कार्यकर्ताबीच झडप भएको छ । सिम्ता गाउँपालिका–६ बादेपिपलमा बिहीबार राति ११ बजे एमाले र कांग्रेसका कार्यकर्ताबीच झडप भएको हो ।झडपमा नेपाली कांग्रेसबाट वडा अध्यक्षका उम्मेदवार उपेन्द्र सिंह र उनका समर्थक सुरजसिंह ठकुरी घाइते भएका छन् । प्रहरीले अवस्था नियन्त्रणमा लिन दुई सेल अश्रु ग्यास फायर गरेको जिल्ला प्रहरी कार्यालय सुर्खेतले जनाएको छ ।अहिले अवस्था सामान्य रहेको र घटनाका विषयमा अनुसन्धान भइरहेको जिल्ला प्रहरी कार्यलयका सुर्खेतले जनाएको छ ।
Copyright © 2021 / 2026 / Esoul Media (P) Ltd. / All Rights Reserved.
