बिर्तामोड / विराटनगरमा स्रोत नखुलेको भारतीय रुपैयाँसहित प्रहरीले चारजनालाई पक्राउ गरेको छ । प्रहरीले सोमबार दिउँसो विराटनगर महानगरपालिका-१५ रानी सीमाबाट स्रोत नखुलेको ३ लाख ८ हजार ५ सय भारतीय रुपैयाँ सहित चार जनालाई पक्राउ गरेको हो । पक्राउ पर्नेमा सुनसरी बर्जुगाउँपालिका-१ बस्ने ३८ वर्षीय सुरज ऋषिदेव , उनकी श्रीमती ३८ वर्षीया शिव कुमारी ऋषिदेव , भारत सहरसा मानगढका २९ वर्षीय विसुनदेव मुखिया र २७ वर्षीय अविनाश मुखिया रहेका छन् भने चारजना माथि थप अनुसन्धान भइरहेको जिल्ला प्रहरी कार्यालय मोरङले जनाएको छ ।
काठमाडौं / गैरकानुनी रूपले अमेरिका प्रवेश गर्ने दश नेपालीलाई अमेरिकन सरकारले नेपाल पठाएको छ । अवैध रूपले अमेरिका प्रवेश गरेको भन्दै अमेरिकी अध्यागमन विभागले विमान चार्टर गरी उनीहरूलाई नेपाल फर्काएको हो । अध्यागमनले नेपाल फर्काउनेहरुमा राजु पौडेल, प्रविण बस्नेत, पेम्बा लामा, ध्रुव कुमार शंकर विष्ट मगर छिरिङ शेर्पा, तेज बुढाथोकी, मोहन पौडेल, तिलक राउले र बिराज केसी रहेका छन् ।अमेरिकामा लुकीछिपि बस्दै आएका उनीहरूसँग नेपाली राहदानीसमेत नभएको र भविष्यमा अमेरिका प्रवेश गर्न नपाउने गरी अध्यागमनले डिपोट गरेको जनाइएको छ ।
मोरङ / मोरङको जहदा गाउँपालिका १ लंकाटोलबाट अवैध लागूऔषध गाँजा सहित एक जनालाई प्रहरीले पक्राउ गरेको छ । पक्राउ पर्नेमा सोही स्थानका ३२ वर्षीय मुन्ना मल्लाह रहेका छन् । आइतबार दिउँसो साढे १ बजे अस्थायी प्रहरी चौकी भेडियारीबाट खटिएको प्रहरी टोलीले नेपालबाट लुकाई छिपाई भारत तर्फ लाँदै गरेको १४ केजी गाँजा बरामद गरेको हो ।गाजा सहित पक्राउ परेका मल्लाहलाई इलाका प्रहरी कार्यालय रानीले म्याद थप गरी थप अनुसन्धान गरिरहेको प्रहरीले जनाएको छ ।
काठमाडौं / प्रहरीले भन्सार छलेर ल्याएको २३ लाख ५५ हजार ३०० मूल्य बराबरको कपडा सहित काठमाडौँबाट दुई जनालाई पक्राउ गरेको छ । पक्राउ पर्नेमा काठमाडौँ महानगरपालिका-१४ बस्ने ३८ वर्षीय नीरज अग्रवाल र काठमाडौँ महानगरपालिका-१८ बस्ने ३८ वर्षीय सन्दीप कुमार रहेका छन् । महानगरीय प्रहरी परिसर काठमाडौँ र महानगरीय प्रहरी वृत्त टेकु तथा जनसेवाबाट खटिएको प्रहरी टोलीले उनीहरूलाई पक्राउ गरेको महानगरीय प्रहरी परिसर काठमाडौँका प्रवक्ता प्रहरी उपरीक्षक दिनेशराज मैनालीले जानकारी दिए । उक्त कपडा अग्रवालले काठमाडौं महानगरपालिका-२४ असनस्थित सञ्चालन गरेको हनुमान ट्रेड कन्सर्ट पसलको गोदाममा फेला परे
बिर्तामोड / धौलागिरि हिमाल आरोहणमा गएका एक ग्रिसेली आरोहीको मृत्यु भएको छ । मृत्यु हुनेमा ग्रिसेली नागरिक एनटोनिस स्यकारिस रहेका छन् । धौलागिरि हिमाल आरोहण गरेर फर्किने क्रममा बिरामी भएपछि ७ हजार ४ सय मिटरको उचाइमा उनको मृत्यु भएको सेभेन समिटका प्रबन्ध निर्देशक मिङ्मा शेर्पाले जानकारी दिए ।धौलागिरी आरोहणका क्रममा उनलाई सेभेन समिटका दावा शेर्पाले गाइड गरेका थिए । सन् १९६२ मा जन्मिएका एन्टोनिसले हालसम्म ८ हजार मिटरभन्दा माथिका सगरमाथा‚ कञ्चनजंघा‚ मनास्लु‚ ल्होत्से र अन्नपूर्ण गरी ५ वटा हिमाल आरोहण गरिसकेका छन् ।
सङ्खुवासभा / सङ्खुवासभाको चैनपुर नगरपालिका -५ मा पानीमा डुबेर एक बालकको मृत्यु भएको छ । मृत्यु हुनेमा पेमा ओङ्दि शेर्पाका एक वर्षीय छोरा निमा साङ्गे शेर्पा रहेका छन् । शेर्पालाई सोमबार जुठेल्नामा खोले पकाउन राखिएको फोसी भाडामा रहेको पानीमा डुबी मृत अवस्थामा फेला पारेको थिए । इलाका प्रहरी कार्यालय चैनपुरबाट खटिएको प्रहरी टोलीले कानुनी प्रकृया पुरा गरी घटनाका सम्बन्धमा थप अनुसन्धान गरिरहेको जनाएको छ ।
काठमाडौँ / अमेरिकाको अध्यागमनले गैरकानुनी ढंगबाट अमेरिका प्रवेश गरेका दश जना नेपालीलाई निष्कासन गरेको छ । अध्यागमनले राजु पौडेल, प्रवीन बस्नेत, पेम्बा लामा, ध्रुब कुमार, शंकर विष्ट मगर, छिरिङ शेर्पा, तेज बुढाथोकी, मोहन पौडेल, तिलक राउतले र बिराज केसीलाई निष्कासन गरेको हो । आगामी दिनमा अमेरिका प्रवेश गर्न नपाउने गरी उनीहरूलाई त्यहाँको अध्यागमनले निष्कासन गरेको बताइएको छ । उनीहरु कहिले अमेरिका प्रवेश गरे भन्ने विषय खुलेको छैन। निष्काशित सबैलाई अमेरिकाले विमान चार्टर गरी केही दिनअघि काठमाडौं पठाएको छ । अवाञ्छित ढंगले अमेरिका प्रवेश गरेको सूचना पाएपछि त्यहाँको अध्यागमनले उनीहरूलाई प
महोत्तरी / महोत्तरीबाट प्रतिबन्धित लागूऔषध (गाजा) सहित एक जनालाई प्रहरीले पक्राउ गरेको छ । पक्राउ पर्नेमा धादिङ थाक्रे निवासी ३६ वर्षीय रमेश तामाङ रहेका छन् । विशेष सूचनाका आधारमा सशस्त्र प्रहरी छिन्नमस्ता वाहिनिवाट खटिएको प्रहरी टोलीले गएराति तामाङ पक्राउ गरेको हो । मनरासिस्वा नगरपालिका सुनौलो गाउँबाट उनी सवार ना ३ ७९३५ नम्बरको ट्रकमा ९३ केजी गाजा नियन्त्रण लिइएको हो ।थप अनुसन्धानको तामाङलाई जिल्ला प्रहरी कार्यालय महोत्तरीमा बुझाउने तयारी भैइरहेको सशस्त्र प्रहरी मधेश प्रदेशले जानकारी दिएको छ ।
लमजुङ / लमजुङमा प्रधानमन्त्री रोजगार कार्यक्रम अन्तर्गत ४४३ युवाले रोजगार पाएका छन् । मर्स्याङ्दी गाउँपालिकामा सञ्चालन गरिएको कार्यक्रममा एक हजार ३६३ पुरुष र ९३७ महिला गरि ४४३ युवाले रोजगार पाएका हुन् ।चालू आर्थिक वर्षको साउनदेखि गत फागुन महिनासम्म पालिकाका बेरोजगार युवाले रोजगार पाएको गाउँपालिका अध्यक्ष अर्जुन गुरुङले बताएका छन् ।गाउँपालिकामा सूचीकृत बेरोजगारको सङ्ख्या दुई हजार ३०० रहेकामध्ये एक हजार ३६३ पुरुष र ९३७ महिला रहेका छन् । रोजगार पाएका युवाले पालिकाका विभिन्न स्थानमा बाटो बनाउने, सिँढी बनाउने, नयाँ बाटो खोल्ने, नाली निर्माण गर्ने, मोटरबाटो सोलिङ, बाटो सफा गर्ने लगायतका काम पाए
सर्लाही / पारिश्रमिक सहकारी संस्था मोरङबाट भ्रमणको लागी प्यूठान पुगेर मोरङ तर्फ फर्कने क्रममा सर्लाहीमा बस दुर्घटना हुँदा २४ जना घाइते भएका छन् । सर्लाहीको ईश्वरपुर नगरपालिका-५ फुलजोर चोकमा प्रदेश ३-०१–००५ ख ९८६० नम्बरको बस आज बिहान पौने ४ बजे दुर्घटनामा परेको थियो ।घाइते मध्ये ५३ वर्षीया कमला श्रेष्ठ राईको अवस्था गम्भीर रहेको र उनको जनकपुरस्थित रामा मेमोरियल अस्पतालमा उपचार भइरहेको प्रहरीले जनाएको छ ।
Copyright © 2021 / 2026 / Esoul Media (P) Ltd. / All Rights Reserved.
