झापा / दाङबाट २२ तोला सुन र नगदसहित दाङबाट एक युवक पक्राउ परेका छन् । काठमाडौंबाट लुटेको सुन र एक लाख नगदसहित प्रहरीले युवालाई दाङबाट नियन्त्रणमा लिएको हो ।लुटपाटमा संलग्न रहेको आरोपमा घोराही उपमहानगरपालिका-८ घर भई घोराही १५ रतनपुरमा डेरा गरी बस्ने २४ वर्षीय राजेन्द्र सिंह रहेका छन् ।डीएसपी मुकुन्दप्रसाद रिजालका अनुसार काठमाडौं महानगरपालिका-७ स्थित चाबहिलमा एक जना सुन व्यवसायी पसल बन्द गरेर घरतर्फ जाँदै गर्दा सिंह सहित समूहले आँखामा खुर्सानीको धुलो छर्केर लुटपाट गरेका थिए ।सिंहलाई पक्राउ गरी काठमाडौं पठाइएको जिल्ला प्रहरी कार्यालय दाङका एसपी सुरेश काफ्लेले बताएका छन् ।
बिर्तामोड / झापाको कमल गाउँपालिका–५ सितापुरी राजमार्गमा सोमबार बेलुकी बसको ठक्करबाट एक पैदलयात्रीको मृत्यु भएको छ । लु १ ख ८८३६ नम्बरको बसले अन्दाजी ३२ वर्षीय पुरुष पैदलयात्रीलाई ठक्कर दिँदा उनको मृत्यु भएको हो । उनको उपचारको लागि दमक तर्फ लैजाँदै गर्दा बाटोमै मृत्यु भएको प्रहरीले जनाएको छ । मृतकको सनाखत हुन सकेको छैन ।ठक्कर दिने बस सहित चालक इलाका प्रहरी कार्यालय दमकको नियन्त्रणमा लिएको छ ।
इनरुवा / सुनसरीबाट प्रहरीले मानव तस्करीको आरोपमा एक जना भारतीय नागरीकलाई पक्राउ गरेको छ । पक्राउ पर्नेमा भारत, विहार राज्यस्थित सुपौलका ३२ वर्षीय मोहम्मद फिरोज रहेका छन् । सीमा प्रहरीचौकी भन्टाबारीको प्रहरी टोलीले उनलाई कोसी गाउँपालिका – ८ स्थित नेपाल र भारत सीमाबाट पक्राउ गरेको हो । काठमाडौँको शङ्खरापुर नगरपालिकाकी २० वर्षीया युवतीलाई विवाहको प्रलोभन देखाइ भारत लैजाने क्रममा फिरोजलाई पक्राउ गरेको सुनसरीका प्रहरी नायब उपरीक्षक नरेन्द्रकुमार कार्कीले जानकारी दिए । फिरोजले पीडितलाई विवाहको प्रलोभनमा पारेर भारत लैजान लागेको प्रहरी अनुसन्धानका क्रमा खुलेको छ ।&nbs
झापा / काठमाडौंको कालोपुलबाट पाँच किलो गाँजासहित दुईजना पक्राउ परेका छन् । पक्राउ पर्नेमा एक महिलासहित दुईजना छन् । काठमाडौं महानगरपालिका-७ कालोपुल डेरा गरी बस्ने झापाका ३१ वर्षीय बिरेन कपाली र इलाम घर भएकी ३९ वर्षीया सपना तामाङलाई प्रहरीले पक्राउ गरेको हो । उनीहरूको साथबाट पाँच किलो अवैध लागूऔषध गाँजा बरामद भएको छ । प्रहरीले उनीहरूको कोठामा जाँच गर्ने क्रममा उक्त गाँजा लुकाई राखेको अवस्थामा फेला पारी उनीहरूलाई पक्राउ गरेको हो ।
झापा / सिरहाको नरहा गाँउपालिका-३ खोरियाटोलमा आइतबार राति कार दुर्घटना हुँदा एक जनाको मृत्यु भएको छ । दुर्घटनामा तीन जना घाइते भएका छन् ।मृत्यु हुनेमा कारमा सवार धनुषा कमला नगरपालिका-१ का २२ वर्षीय धिरज मण्डल रहेका छन् । घाइते हुनेहरूमा धनुषाकै २० वर्षीय शुभलाल मण्डल, सोही ठाँउका ७ वर्षीय बालक आयुष मण्डल र २२ वर्षीय रोशन कुमार मण्डल रहेका छन् ।घाइतेहरूको स्थानीय अस्पतालमा उपचार भइरहेको छ । घाइते मध्ये शुभलालको अवस्था गम्भीर रहेको छ । उनलाई थप उपचारको लागि विराटनगर तर्फ पठाइएको छ ।आइतबार राति पौने ११ बजे भारतीय नम्बरको कार अनियन्त्रित भएर पल्टिएको थियो । कार चालक फरार रहेकाले खोजी भइरहेको इलाका
झापा / सिन्धुलीको दुधौली नगरपालिका-५ ठाकुरखोला ३ नम्बर पुलमा आइतबार साँझ जन्ती सवार टिपर पल्टिँदा दुई जनाको मृत्यु भएको छ । सोही दुर्घटनामा २४ जना घाइते भएका छन् ।घाइतेमध्ये चार जनाको अवस्था गम्भीर रहेको छ । हिजो साँझ सवा ८ बजे, बाणेगाउँबाट कटारीतर्फ जाँदै गरेको ना३ख ७४९० नम्बरको टिपर अनियन्त्रित भई सडकमै पल्टिएको हो ।दुर्घटनामा गम्भीर घाइते भएका टिपरमा सवार उदयपुरको कटारी नगरपालिका-२ का १९ वर्षीय दिपेन्द्र कुमार र २४ वर्षीय अजय दनुवारको उपचारका क्रममा जिल्ला अस्पताल सिन्धुलीमा मृत्यु भएको हो । गम्भीर घाइते चार जनालाई थप उपचारका लागि काठमाडौं लगीएको छ ।अन्य घाइतेहरूको विराटनगर
बिर्तामोड / सुनसरीको इनरुवा नगरपालिका-४ बाट नियन्त्रित लागूऔषध ब्राउनसुगर सहित २ जनालाई प्रहरीले पक्राउ गरेको छ । लागूऔषध ब्राउनसुगरको ओसारपसार भइरहेको भन्ने विशेष सूचनाका आधारमा जिल्ला प्रहरी कार्यालय सुनसरी र लागू औषध नियन्त्रण ब्युरो विराटनगरबाट खटिएको प्रहरी टोलीले कोशी गाउँपालिका-८ का २२ वर्षीय मिथुन कुमार यादव र १९ वर्षीय प्रमोद कुमार सरदारलाई पक्राउ गरेको हो । उनीहरूको साथबाट प्रहरीले ९६ ग्राम लागूऔषध ब्राउनसुगर तथा लागूऔषध ओसार पसारमा प्रयोग गरिएको बि आर ३८ एस ०६२३ भारतीय नम्बरको मोटरसाइकल समेत बरामद गरेको छ । घटना सम्बन्धमा जिल्ला प्रहरी कार्यालय सुनसरीले थप अनुसन्धान गरिर
काठमाडौं / काठमाडौंको मध्य बानेश्वरमा युवकमाथि खुकुरी प्रहार गरिएको छ । गत बिहीबार अछामको मंगलसेन नगरपालिका -३ घर भई मैतीदेवी बस्ने ३१ वर्षीय कमन सिंह बोगटीलाई उनकै साथीले खुकुरी हानेका थिए ।खुकुरी हानेको घटना महानगरीय प्रहरी वृत बानेश्वरले गुपचुप राखेको छ । खुकुरी प्रहार गरेको ३ दिन भैसकेको छ । तर, आरोपीलाई प्रहरीले पक्राउ गरेको छैन । खुकुरी प्रहारबाट कमन सिंह बोगटी घाइते भएका छन् । बोगटीको शरीरमा ४४ वटा टाँका लगाइएको छ । उनी नेकपा एमाले निकट युवा सङ्घमा आवद्ध छन् ।पीडित परिवारले अछाम घर भएका ३८ वर्षीय कपील भण्डारीले खुकुरी हानेको दाबी गरेका छन् । कमन सिंह र कपिल पहिले सँगै बस्थे । युवकमाथि ख
काठमाडौं / तास खेलिरहेको अवस्थामा प्रहरीले १० जनालाई पक्राउ गरेको छ । तारकेश्वर नगरपालिका-९ मनमैजुस्थित जगत डंगोलको घरमा तास खेलिरहेको अवस्थामा सोही ठाउँ बस्ने बागलुङ खुङ्ला गाउँपालिका-८ घर भएका ३९ वर्षीय युवराज कँडेल लगायत १० जनालाई शनिबार राति प्रहरीले पक्राउ गरेको हो ।महानगरीय प्रहरी वृत्त बालाजुबाट खटिएको प्रहरीले उनीहरूलाई नगद १ लाख ९ हजार ७ सय ४५ रुपैयाँ र ३ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
झापा / नुवाकोटमा मादक पदार्थ सेवन गरी आमाको हत्या गर्ने एक जना पक्राउ परेका छन् । आफ्नै ६५ वर्षीया आमा कान्छी बलामीको हत्या गरेको अभियोगमा ककनी गाउँपालिका-१ नयाँबस्ती बस्ने ३३ वर्षीय भीम बहादुर बलामीलाई शनिबार राति प्रहरीले पक्राउ गरेको हो । भीम बहादुरले मादक पदार्थ सेवन गरी आफ्नै आमालाई घनले टाउकोमा हानेर हत्या गरी शव घरभित्र पत्करले छोपी राखेको भन्ने खबर प्राप्त हुनासाथ प्रहरी चौकी ओखरपौवा र प्रहरी चौकी ककनीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
Copyright © 2021 / 2026 / Esoul Media (P) Ltd. / All Rights Reserved.
