काठमाडौँ / एमसीसी सम्झौता संसदमा टेबल गर्न लागेको विरोधमा काठमाडौंमा बुधबार प्रदर्शन भएको छ । एमसीसीको विरोधमा रहेका विभिन्न राजनीतिक दलले संघीय संसद भवन नयाँ बानेश्वर वरपर प्रदर्शनलाई केन्द्रित गरेका हुन् । प्रदर्शनकारीले निषेधित क्षेत्र तोड्न खोजेपछि झडपको अवस्था आएको हो । प्रहरीले प्रदर्शनकारीलाई तितरबितर पार्न अश्रुग्यास, पानीको फोहोरा र लाठी प्रयोग गरेको छ । झडपका क्रममा केही प्रदर्शनकारी घाइते पनि भएका छन् ।
बिर्तामोड / झापामा बन्द गराउन खोज्ने चार जना बन्दकर्ता पक्राउ परेको झापाका प्रहरी प्रवक्ता डीएसपी वसन्त पाठकले जानकारी दिए । पक्राउ पर्नेहरूमा विप्लव नेतृत्वको नेपाल कम्युनिस्ट पार्टीका एक जना र वैज्ञानिक समाजवादी कम्युनिस्ट पार्टीका तीन जना रहेका छन् ।पूर्व पश्चिम राजमार्गमा टायर बालेर बन्द गराउन खोज्ने उनीहरूलाई पक्राउ गरिएको जिल्ला प्रहरी कार्यालयका प्रवक्ता पाठकले बताए ।कनकाईको दुर्गापुरबाट वैज्ञानिक समाजवादी कम्युनिस्ट पार्टीका तीन जना र काँकडभिट्टाको काली खोलाबाट विप्लव नेतृत्वको नेपाल कम्युनिस्ट पार्टीका एक जना कार्यकर्ता पक्राउ परेको उनले जानकारी दिए ।कालीखोलाबाट विप्लवका दुई जना
झापा / काठमाण्डौबाट सर्लाही जाँदै गरेको हायसमा तीन - चार जनाको समुहले तोडफोड गरेको इलाका प्रहरी कार्यालय बनेपाका प्रमुख राजन कोइरालाले जानकारी दिएका छन ।हायसमा १० जना यात्रु सवार भएको उनले बताए । अज्ञात व्यक्तिहरूले गरेको ढुंगा प्रहारबाट अगाडिको सिसा फुटेको उनले बताए । उनीहरूले अन्य सवारी साधनमा समेत तोडफोडको प्रयास गरेको उनको भनाइ छ ।तोडफोड गर्नेको खोजी भइरहेको र कानुन अनुसार कारबाही हुने जिल्ला प्रहरी कार्यालय काभ्रेका प्रहरी नायब उपरीक्षक हरि खतिवडाले जानकारी दिए ।एमसिसी सम्झौता विरुद्ध पाँच वटा कम्युनिष्ट पार्टी र एउटा मोर्चाले बुधबार नेपाल बन्द आह्वान गरेका छन् । बन्दकर्ताले नै गाडी
झापा / कैलालीमा भाइ बुहारीको सवारी चालक अनुमति पत्र (लाइसेन्स) का लागि ट्रायल दिन खोज्ने युवती पक्राउ परेकी छिन् । धनगढीको फाप्ला ट्रायल सेन्टरमा स्कुटरको ट्रायल दिन आएकी गौरीगंगा नगरपालिका –५ मसुरियाकी उमा सापकोटालाई प्रहरीले पक्राउ गरेको हो ।जिल्ला ट्राफिक प्रहरी कार्यालय कैलालीका प्रमुख प्रहरी निरीक्षक वकिल सिंहका अनुसार सापकोटा आफ्नी भाइबुहारी पुनम अधिकारीको नाममा ट्रायल दिन आएकी थिइन् । ‘पक्राउ पछि उनलाई जिल्ला प्रहरी कार्यालय कैलालीमा बुझाएका छौं । प्रहरीले उनलाई कारबाही गर्छ’ उनले भने ।
झापा / गुल्मीको मुसिकोटमा अज्ञात समूहले एम्बुलेन्समा आगजनी गरेको छ । मुसीकोट नगरपालिका -४ स्थित आफ्नै घरमा रोकेर राखेको लु २ च २३७८ को एम्बुलेन्समा राति साढे १० बजे आगजनी भएको एम्बुलेन्स चालक शंकर बगालेले बताए ।वडा नम्बर ३ र ४ का भारतीय भूतपूर्व सैनिकले एम्बुलेन्स खरिद गरेर वडा गाउँ स्वास्थ्य चौकीलाई दिएका थिए । एम्बुलेन्सको आधा भाग जलेपछि स्थानीयले आगो नियन्त्रणमा ल्याउन सफल भएका हुन् ।आगलागीबाट एम्बुलेन्सको इन्जिनको भाग पूरै जलेको छ । अहिलेसम्म प्रहरी घटनास्थल पुगेको छैन । राति नै प्रहरीलाई खबर गरेपनि अहिलेसम्म प्रहरी नआएको स्थानीयले बताए ।
धनकुटा / वैदेशिक रोजगारीको सिलसिलामा ९ वर्ष अघि मलेसिया पुगेका धनकुटा नगरपालिका–२ लामीघरका ३७ वर्षीय हर्कबहादुर राई सम्पर्क विहिन भएका छन् । उनि अहिलेसम्म परिवारको सम्पर्कमा नआएको भन्दै उनका परिवारले खोजी गरि दिन सरकार सक्षम अनुरोध गरेका हुन् ।हर्कबहादुरकी आमा सुचिम्माका अनुसार मलेसिया पुगेको डेढ वर्षसम्म हर्कवहादुर परिवारसँग सम्पर्कमा थिए । त्यस यता सम्पर्क भएको छैन् । हर्कवहादुरका दुई छोरा र एक छोरी छन् ।
काठमाडौं / नेपाल सुनचाँदी व्यवसायी महासङ्घका अनुसार छापावाल सुनको मूल्य बुधबार १६ सय रुपैयाँले घटेर ९५ हजार १ सय रुपैयाँमा कारोबार भइरहेको छ ।तेजाबी सुन प्रतितोलामा ९४ हजार ६ सय रुपैयाँमा कारोबार भइरहेको छ ।यस्तै, चाँदीको मूल्य पनि आज ३५ रुपैयाँले घटेर १ हजार २ सय ८५ रुपैयाँमा कारोबार भइरहेको महासङ्घले जनाएको छ ।
झापा / उदयपुर गढी गाउपालिका ७ उदयपुरको बाघखोर कोल्टे सडक खण्डमा मंगलबार साँझ भएको ट्रिपर दुर्घटनामा परी १ जनाको मृत्यु भएको छ भने ३ जना घाईते भएका छन् । उक्त सडक खण्डबाट बालुवा बोकेर जाँदै गरेको पवित्रा निर्माण कम्पनीको स १ क १९० नम्बरको ट्रिपर अचानक ब्रेक फेल भई सडकबाट अन्दाजी ४० मिटर तल खसेर दुर्घटना हुँदा उक्त ट्रिपरमा सवार रहेका ४ जना घाईते भएका थिए । घाईते चारै जनालाई उपचारको लागी जिल्ला अस्पताल उदयपुर पठाइएकोमा उपचारको क्रममा स्थानीय १९ वर्षीय उज्जल खपाङ्गीको मृत्यु भएको जिल्ला प्रहरी कार्यालय उदयपुरले जनाएको छ । अन्य घाईतेहरुको उपचार भइरहेको तथा घटना सम्बन्धमा थप अनुसन्धान भइर
झापा / दैलेखको महाबुङ गाउँपालिका –४ फागुमा जिप दुर्घटना हुँदा एक जनाको मृत्यु भएको छ , भने अन्य छ जना घाइते भएका छन् । सदरमुकाम नारायण नगरपालिकादेखि महाबुङ गाउँपालिकाको कासीकाँध जाँदै गरेको वाग्मती प्रदेश ०१–०२६ च ५२६४ नम्बरको बोलेरो मंगलबार साँझ दुर्घटना भएको दैलेख प्रहरीले जनाएको छ । जिल्ला प्रहरी कार्यालय दैलेखका प्रहरी प्रमुख भुवनेश्वरप्रसाद शाहले दुर्घटनामा मृत्यु हुनेमा महाबुङ गाउँपालिका –५ का ४० वर्षीय रामबहादुर हमाल रहेको बताए । घाइते अन्य छ जनालाई उपचारका लागि अस्पताल पठाइएको भए पनि उनीहरूको परिचय खुलिसकेको छैन ।
झापा / महानगरीय प्रहरी परिसरका अनुसार एमसीसीको विरोधमा जबरजस्ती बन्द गराउँदै हिँड्ने २५ बन्दकर्तालाई उपत्यकाका विभिन्न स्थानबाट प्रहरीले पक्राउ गरेको छ ।मोहन वैद्य नेतृत्वको नेकपा क्रान्तिकारी माओवादी, नेत्रविक्रम चन्द नेतृत्वको नेपाल कम्युनिस्ट पार्टी, ऋषि कट्टेल नेतृत्वको नेकपा, आहुती नेतृत्वको वैज्ञानिक समाजवादी पार्टी र कर्णजित बुढाथोकी नेतृत्वको नेकपा माओवादी केन्द्र समाजवादी तथा सीपी गजुरेल नेतृत्वको देशभक्त गणतान्त्रिक मोर्चा नेपाल पार्टीले बन्द गराएका हुन् ।
Copyright © 2021 / 2026 / Esoul Media (P) Ltd. / All Rights Reserved.
