काठमाडौँ / पछिल्लो २४ घण्टामा नेपालभरमा थप ५४ जनामा कोरोना संक्रमण पुष्टि भएको छ । देशभर गरिएको १ हजार ७ सय २९ पिसिआर परीक्षणका क्रममा ४२ जना र २ हजार १ सय एन्टीजेन परीक्षणका क्रममा १२ जनामा कोरोना संक्रमण पुष्टि भएको हो । कोरोनाका कारण मंगलबार पनि कसैको मृत्यु नभएको स्वास्थ्य मन्त्रालयले जनाएको छ । त्यस्तै आज थप ७६ जना संक्रमणमुक्त भएका छन् ।
बिर्तामोड / इलाका प्रहरी कार्यालय बेलबारीको नव निर्मित कार्यालय भवनको समुद्घाटन भएको छ । कार्यालयको हाता भित्र आज बिहान भएको एक विशेष कार्यक्रमका बिच १ नम्बर प्रदेशका आन्तरिक मामिला तथा कानून मन्त्री माननीय केदार कार्कीले विधिवत रुपमा समुद्घाटन गरेका हुन् । भवन उदघाटनको क्रममा कार्यक्रमलाई सम्बोधन गर्दै मन्त्री कार्कीले जनताको जीउधनको सुरक्षाको प्रमुख जिम्मेवार रहेको प्रहरी सुरक्षित भयो भने मात्र सयौँ नागरिक सुरक्षित हुने हुँदा प्रहरी बस्ने भवन सुरक्षित र व्यवस्थित बनाउन प्रदेश सरकार हरदम तयार रहेको बताए ।कार्यक्रममा आफ्नो भनाई राख्नु हुँदै मोरङ जिल्लाका प्रमुख जिल्ला अधिकारी काशीराज दाह
झापा / धनुषामा आफ्नै श्रीमतीको हत्या गरेको आरोपमा प्रहरीले एकजनालाई पक्राउ गरेको छ । ३२ वर्षीया दुलारी सदाको हत्या गरेको आरोपमा गणेशमान चारनाथ नगरपालिका -६ मुसहर टोल बस्ने रेबिया सदालाई सोमबार दिउँसो प्रहरीले पक्राउ गरेको हो । मादक पदार्थ सेवन गरेका रेबियाले श्रीमती दुलारीलाई सिलौटाले छातीमा प्रहार गर्दा उनको घटनास्थलमै मृत्यु भएको भन्ने खबर प्राप्त हुनासाथ इलाका प्रहरी कार्यालय ढल्केबर र प्रहरी चौकी पोर्ताहाबाट खटिएको प्रहरीले उनलाई पक्राउ गरेको हो । प्रहरीले यस सम्बन्धमा आवश्यक अनुसन्धान गरिरहेको छ ।
झापा / कोभिड–१९ को सङ्क्रमणको महामारीका कारण रोकिएको श्री एयरलाइन्सको माउन्टेन फ्लाइट (उडान) पुनः सुरु भएको छ ।कोभिडका कारण तीन वर्षदेखि उक्त एयरलाइन्सको पर्वतीय उडान रोकिएको थियो । कोरोना सङ्क्रमण नियन्त्रणमा आउनाका साथै जनजीवन सहज भएसँगै पर्यटकको सुविधालाई ध्यानमा राख्दै पुनः माउन्टेन फ्लाइट सुरु गरिएको एयरलाइन्सका प्रवक्ता अनिल मानन्धरले जानकारी दिए ।उनका अनुसार श्री एयरलाइन्सले सीआरजे २०० सिरिजको जहाजमार्फत २५ हजार फिट उचाइमा यो उडान सेवा दिने भएको छ । उक्त उडानमा नेपालीका लागि रु १५ हजार र विदेशीका लागि २३० अमेरिकी डलर भाडादर निर्धारण गरिएको छ ।हरेक दिन बिहान ६ः३० बजेदेखि थालिन
सुनसरी / सुनसरीको दुहबीस्थित नेपाल विद्युत प्राधिकरणको ग्रिड शाखामा कार्यरत कर्मचारीको करेन्ट लागेर मृत्यु भएको छ।दुहबी नगरपालिका –३ मा रहेको नेपाल विद्युत प्राधिकरणको ग्रिड शाखामा कार्यरत बुढीगंगा गाउँपालिका –४ का ४१ बर्षीय महमत साबिर मियाको करेन्ट लागेर मृत्यु भएको हो ।सोमवार बेलुका कार्यालय पेरिमिटर भित्र पानी चलाउने मोटर जोड्ने क्रममा अचानक करेन्ट लागेर मिया घाईते भएका थिए । घाइते मियालाई उपचारको लागी बिराट मेडिकल कलेज लगिएको थियो । उनको सोही अस्पतालमा उपचारको क्रममा मृत्यु भएको ईलाका प्रहरी कार्यालय दुहबीले जनाएको छ ।
बिर्तामोड / १९ वर्षीया किशोरीलाई बलात्कार गरेको आरोपमा मोरङबाट प्रहरीले एकजनालाई पक्राउ गरेको छ । पक्राउ पर्नेमा मोरङको लेटाङ -३ का ५६ वर्षीय शरणबहादुर राई रहेका छन् । शारीरिक रूपमा अशक्त ति किशोरीलाई बलात्कार गरेको भनी परिवारले दिएको किटानी जाहेरीको आधारमा उनलाई पक्राउ गरिएको जिल्ला प्रहरी कार्यालय मोरङका प्रवक्ता डीएसपी दीपक श्रेष्ठले बताए । श्रेष्ठका अनुसार पीडकले आफ्नै खेतमा रहेको टहरोमा लगेर ती युवतीलाई गत शनिबार राति बलात्कार गरेका थिए । पक्राउ परेका राईलाई जबरजस्ती करणी मुद्दा चलाउन म्याद थप गरिएको बताइएको छ ।
झापा / दशैँ बिदामा पनि सर्वोच्च अदालत खुला रहने भएको छ ।सर्वोच्च अदालतले विज्ञप्ति जारी गर्दै घटस्थापनादेखि पूर्णिमासम्म अन्य सुनुवाइ नहुने भएपनि बन्दी प्रत्यक्षीकरणको रिटमाथि सुनुवाइ हुने बताएको हो । घटस्थापनाका दिनदेखि नै अदालतका अन्य काम भने बन्द गरिएको छ । अब शनिवार र विजय दशमीको दिनबाहेक अन्य दिनमा बिहान ११ बजेदेखि अपरान्ह ३ बजेसम्म अदालत खुला रहने र बन्दी प्रत्यक्षीकरणको रिट मात्र हेरिने सर्वोच्चले जनाएको छ । बन्दी प्रत्यक्षीकरणको रिट हेर्न न्यायाधीशहरूलाई जिम्मेवारी समेत तोकिएको छ ।
काठमाडौँ / मनास्लु हिमालको तेस्रो आधार शिविरमा सोमबार गएको हिमपहिरोमा परि बेपत्ता भएकामध्ये एक जनाको मृत्यु भएको छ ।जिल्ला प्रहरी कार्यालय गोरखाका अनुसार हिमपहिरोमा परि बेपत्ता भएका सङ्खुवासभाका अनुप राईको मृत्यु भएको हो । अन्य १० जनाको भने सकुशल उद्धार गरिएको छ ।राईको शव आधार शिविरबाट निकालेर त्रिवि शिक्षण अस्पताल महाराजगञ्ज ल्याउने तयारी भइरहेको प्रहरीले जनाएको छ । सोमबार अबेरसम्म चारजनाको उद्धार गरिएको थियो । थप ६ जनाको मंगलबार बिहान उद्धार गरिएको हो ।मंगलबार बिहानैदेखि हेलिकोप्टरमार्फत पुगेको उद्वार टोलीले हिमपहिरोमा परेका निमादोर्जे शेर्पा, दावा शेर्पा, फुरिता शेर्पा, लाक्पा तामाङ, निमा श
झापा / राप्रपा अध्यक्ष राजेन्द्र लिङ्देनले दशैँको शुभकामना दिँदै देशले असफल नीति, मार्गचित्र र नेतृत्वको निरन्तरता थेग्न नसक्ने बताएका छन् । दशैँको अवसरमा स्वदेश तथा विदेशमा रहेका नेपालीमा शुभकामना व्यक्त गर्दै उनले आगामी निर्वाचनबाट देशलाई असफल नीति, असफल मार्गचित्र र असफल नेतृत्वको चक्रव्यूहबाट मुक्त गराउनुपर्ने बताएका छन् । निर्वाचन विगतका त्रुटि, कमीकमजोरी सच्याउने र नवीन नेपाल निर्माणको बाटो तय गर्ने अवसर पनि हो । देशलाई असफल नीति, असफल मार्गचित्र र असफल नेतृत्वको चक्रव्यूहबाट मुक्त गराउनैपर्छ,’ अध्यक्ष लिङ्देनले आफ्नो शुभकामना सन्देशमा उल्लेख गरेका छन् ।
एजेन्सी / रुसको उदमुर्तिया क्षेत्रको विद्यालयमा आक्रमणकारीले अन्धाधुन्ध गोली चलाउँदा कम्तीमा ५ बालबालिकाको मृत्यु भएको छ । रुसको पश्चिमी शहर इजेभस्कको एक विद्यालयमा अन्धाधुन्ध गोली चलेको रुसी सरकारी सञ्चारमाध्यमलाई उदृत गर्दै सीएनएनले जनाएको छ । रुसको सरकारी समाचार एजेन्सी टासका अनुसार अहिलेसम्म नौ जनाको मृत्यु भएको छ । त्यसमध्ये ५ जना बालबालिका छन् । मृतकमध्ये केही आक्रमणकारी हुनसक्ने समाचारमा जनाइएको छ । आक्रमणकारीहरूले बालबालिकामाथि अन्धाधुन्ध गोली चलाएर आफैलाई पनि गोली हानेको हुनसक्ने क्षेत्रीय सरकारका प्रमुख अलेक्ज्याण्डर ब्रेचालोभनले बताए । यद्यपि, यसको स्वतन्त्र पुष्टि भने हुन सकेको छैन
Copyright © 2021 / 2026 / Esoul Media (P) Ltd. / All Rights Reserved.
