बिर्तामोड / मोरङ जहदा गाउँपालिका ४ रामचोक स्थित लोहन्द्रा पुल मुनि खोलामा घाईते भेटिएका साइकल यात्रीको मृत्यु भएको छ । मृत्यु हुनेमा ३५ वर्षीय राजेश ऋषिदेव रहेका छन् । हिजो बेलुका पौने ७ बजे ऋषिदेव घाईते अवस्थामा रहेको जानकारी पाए लगत्तै सिमा प्रहरी चौकी पोखरियाबाट प्रहरी टोली खटि गई घाइतेलाई उद्धार गरि उपचारको लागी कोशी अस्पताल विराटनगर पठाइएको थियो । घाईते ऋषिदेवको उपचारको क्रममा पौने ८ बजे मृत्यु भएको हो । घटना सम्बन्धमा थप अनुसन्धान भइरहेको इलाका प्रहरी कार्यालय रङ्गेलीले जनाएको छ ।
झापा / दाङमा भारतीय जन्ती सबार जिप पल्टिँदा २२ जना घाइते भएका छन् । घाइतेमध्ये तीन जनाको अवस्था गम्भीर रहेको प्रहरीले जनाएको छ ।जिल्ला प्रहरी कार्यालय दाङका अनुसार घाइते सबैको लमहीमा उपचार भइरहेको छ ।भारतको उत्तर प्रदेशको शङ्करपुरबाट दाङको राजपुर खरदरियामा बेहुली लिन आउँदै गरेको जिप शुक्रबार राति गढवा गाउँपालिका –५ चिसापानीमा दुर्घटनामा परेको हो ।
झापा / कैलालीमा लागू औषधसहित ३ जनालाई प्रहरीले पक्राउ गरेको छ ।पक्राउ पर्नेमा धनगढी उप - महानगरपालिका ३ बस्ने २० वर्षीय सुरेन्द्र कोली, प्रकाश बि क र एकेन्द्र बिष्ट रहेको डीएसपी वेदप्रकाश जोशीले जानकारी दिए ।उनीहरूले बिष्टले चलाएको ध उ म न पा ६८६ नम्बरको अटोमा चालकको सिटमुनि लुकाई छिपाई राखेको अवस्थामा ८८ ट्याब्लेट नाइट्रोभेट र २८ ट्याब्लेट स्पाइस बरामद गरिएको प्रहरीले जनाएको छ ।
बिर्तामोड / झापाको मेचीनगर १४ दुवागढीमा रहेको मगमग चाउचाउ कारखानामा भीषण आगलागी भएको छ । आज (शनिबार) बिहान करिब ५ बजेदेखि लागेको आगो निभाउने प्रयास जारी भएपनि हालसम्म नियन्त्रणमा आउन नसकेको प्रहरीले जनाएको हो।आगो नियन्त्रणका लागि नेपाल प्रहरी, सशस्त्र प्रहरी, नेपाली सेना र स्थानीयबासीको सहयोगमा झापा तथा मोरङका करिब १ दर्जन दमकलले प्रयास गरिरहेको भएपनि नियन्त्रणमा आइसकेको छैन आगलागीबाट मानवीय क्षति नभएको प्रहरीले जनाएको हो । आगलागीको कारण र क्षतिको विवरण भने आउन बाँकी रहेको छ ।
झापा / सर्लाहीको हरिपुर नगरपालिका -९ पिडारीमा रहेको पानी फ्याक्ट्रीमा आगलागी हुदाँ लाखौंको धनमाल जलेर नष्ट भएको छ ।विद्युतको तार सर्ट भई आगलागी हुदाँ पानी फ्याक्ट्रीमा रहेको ३ वटा मेसिन र नगद जलेर खरानी बनेको छ । ३ वटा मेसिनको अनुमानित मूल्य २० लाख नगद ३ लाख ३० हजार जलेर नष्ट भएको जिल्ला प्रहरी कार्यालय सर्लाहीले जनाएको छ । आगलागीमा परि कुनै मानवीय क्षति नभएको जिल्ला प्रहरी कार्यालय सर्लाहीका प्रहरी नायब उपरीक्षक माधव प्रसाद बुढाथोकीले जानकारी दिएका छन् । आगोलाई स्थानीयवासी र प्रहरीको सहयोगमा ३० मिनेटपछि नियन्त्रणमा लिइएको प्रहरीले जनाएको छ ।
काठमाडौं / सरकारले ३२ जना सहसचिवको सरुवा गरेको छ । शुक्रबार संघीय मामिला तथा सामान्य प्रशासन मन्त्रालयले मन्त्रीस्तरीय निर्णय गर्दै ३२ जना सहसचिवको सरुवा तथा पदस्थापन गरेको हो ।
बिर्तामोड / झापाको कमल गाउँपालिका -४ स्थित पूर्व पश्चिम राजमार्गमा बलेरोको ठक्करबाट स्कुटर चालकको मृत्यु भएको छ । मृत्यु हुनेमा झापा शिवशताक्षी -८ का ४१ वर्षीय नर बहादुर गहतराज रहेका छन । हिजो बेलुका सवा ३ बजे पूर्व तर्फ जाँदै गरेको मे १ च ११६७ नम्बरको बलेरोले विपरित दिशा तर्फ आँउदै गरेको मे ६ प २७१६ नम्बरको स्कुटरलाई ठक्कर दिदा गम्भिर घाईते भएका स्कुटर चालक गहतराजको उपचारको क्रममा दमक लाइफ लाइन अस्पतालमा मृत्यु भएको हो । दुर्घटनामा संलग्न बलेरो र चालक मोरङ रङ्गेलीका दीपक अधिकारीलाई प्रहरीले नियन्त्रणमा लिई थप अनुसन्धान भइरहेको छ ।
झापा / जनकपुर उपमहानगरपालिका –६ महाराज सागर पोखरी छेउबाट अन्दाजी ७ महिनाको बालकको अपहरण भएको घटनामा संलग्न रहेको अभियोगमा ३ जनालाई बिहीबार प्रहरीले पक्राउ गरेको छ ।पक्राउ पर्नेहरूमा गणेशमान चारनाथ नगरपालिका –१० डुमरीया बस्ने ३५ वर्षीया मनिषा देवी मुखिया, औरही गाउँपालिका–१ पौडेश्वर घर भई हाल जनकपुर उपमहानगरपालिका –८ डेरा गरी बस्ने २० वर्षीया किरण राम र जनकपुर उपमहानगरपालिका –७ भ्रमपुरा डेरा गरी बस्ने महोत्तरी लोहरपट्टी नगरपालिका –४ घर भएका २२ वर्षीय कृष्ण कुमार यादव रहेका छन् ।उक्त पोखरी छेउमा ६ वर्षीया दिदीले खेलाई रहेको अवस्थामा ती बालकलाई अन्दाजी ३५ वर्षीया महिलाले लिएर भागेको भन्ने खबर
बिर्तामोड / सुनसरीको धरान उपमहानगर पालिका १६ स्थितबाट प्रतिबन्धित लागूऔषध ब्राउनसुगरसहित १ जनालाई प्रहरीले पक्राउ गरेको छ ।पक्राउ पर्नेमा धरान १६ का २४ वर्षीय प्रविण भुजेल रहेका छन् । बिहीबार बेलुकी साढे ५ बजे संघीय प्रहरी इकाई कार्यालय धरानबाट सादा पोशाकमा खटिएको प्रहरी टोलीले विशेष सूचनाको आधारमा भुजेलको कोठा खानतलासी गर्दा ३ ग्राम ब्राउन सुगर बरामद गरेको थियो ।प्रतिबन्धित लागूऔषध ब्राउन सहित पक्राउ परेका भुजेको इलाका प्रहरी कार्यालय धरानबाट थप अनुसन्धान भईरहेको छ ।
झापा / आज बिहान अचानक विद्युत् चुहावट भई आगलागी हुदाँ बर्दिवास नगरपालिका –९ का ब्रह्मदेव महतोको गोठमा आगलागी भएको छ । आगलागीमा आठ लाख बराबरको सरसामान जलेर नष्ट भएको प्रहरी नायब उपरीक्षक प्रकाश विष्टले बताएको छन् ।
Copyright © 2021 / 2026 / Esoul Media (P) Ltd. / All Rights Reserved.
