काठमाडौँ / आगामी मंसिर ४ गते हुने प्रतिनिधि सभा र प्रदेश सभा निर्वाचनका लागि नेपाल प्रहरीले म्यादी प्रहरीमा भर्ना खुलाएको छ ।नेपाल प्रहरीको प्रधान कार्यालयले १ लाख १५ हजार जना म्यादी प्रहरीका लागि दरखास्त आह्वान गरेको हो । योग्य र नेपाली नागरिकले यहीँ भदौ ३० गतेदेखि असोज ६ गतेसम्म म्यादी प्रहरीका लागि दरखास्त दिन सक्ने छन् ।म्यादीका लागि १८ वर्ष पूरा भई ५४ वर्ष ननाघेका र साधारण लेखपढ गर्न जान्ने हुनुपर्छ । यसरी दरखास्त दिँदा रीतपूर्वक फारम भरी सबै जिल्लाका जिल्ला प्रहरी कार्यालयमा बुझाउनुपर्ने छ ।
झापा / चितवनको माडीमा बाघको आक्रमणबाट एक जनाको मृत्यु भएको छ । मृत्यु हुनेमा माडी नगरपालिका -२ ढिकुनका ६८ वर्षीय सूर्यनाथ अधिकारी रहेका छन् ।जिल्ला प्रहरी कार्यालय चितवनका प्रवक्ता प्रहरी नायब उपरीक्षक विजयराज पण्डितका अनुसार शनिबार भैँसी चराउन सामुदायिक वनमा गएका अधिकारीलाई बाघले आक्रमण गरेको हो ।शनिबारदेखि हराएका अधिकारी आज बिहान ८ः ३० वजे मृत भेटिएका हुन् ।शव मध्यवर्ती सामुदायिक वन अमिलियामा बाघले आक्रमण गरेको जस्तो देखिएको अवस्थामा भेटिएको कार्यालयले जनाएको छ । शव परीक्षणका लागि भरतपुर अस्पताल ल्याइएको छ ।
काठमाडौँ / महाअभियोग सिफारिस समितिले आज पनि आज पनि निलम्बित प्रधानन्यायाधीश चोलेन्द्र शमशेर राणासँग बयान लिँदै छ । महाअभियोग सिफारिस समितिको बैठक मध्यान्ह १२ः ३० बजे सिंहदरबारमा बस्न लागेको हो ।आजको बैठकमा पनि निलम्बित प्रधानन्यायाधीश जबराले बयान दिने कार्यसूची रहेको समितिका सदस्य लालबाबु पण्डितले जानकारी दिए ।समितिले तयार पारेको ४२ प्रश्नमध्ये जबराले अहिलेसम्म ११ वटा प्रश्नको जवाफ दिइसकेका छन् । तर ,उनले प्रश्नको उत्तरमा भन्दा आफ्ना सहकर्मी न्यायाधीशहरू र राजनीतिक दलका शीर्ष नेतालाई आरोप लगाउन मै समय खर्च गरिरहेका छन्।प्रधानन्यायाधीश राणाविरूद्ध २०७८ फागुन २१ गते ९८ सांसदले महाभियोगको प्रस्ता
विराटनगर / इटहरी उपमहानगरपालिका –६ मा रहेको बजाज सोरुमले १ नम्बर प्रदेश प्रहरी कार्यालय विराटनगरलाई विद्युतीय अटो टेम्पो हस्तान्तरण गरेको छ । समुदाय प्रहरी साझेदारी कार्यक्रमको अवधारणा अनुरूप आज एक कार्यक्रमको आयोजना गरी सोरुमका प्रबन्धक प्रदिप सन्थालियाले चालक सहित ९ सिट क्षमता भएको एउटा विद्युतीय अटो टेम्पो १ नम्बर प्रदेश प्रहरी कार्यालयका प्रमुख प्रहरी नायब महानिरीक्षक सुदीप गिरीलाई हस्तान्तरण गरेका हुन् । कार्यक्रममा बोल्दै सन्थालियाले प्रहरी नागरिकको निम्ति अहोरात्र खटिएको हुनाले हामी सुरक्षित रहेका छौ भन्दै आगामि दिनहरुमा समेत प्रहरीलाई आवश्यक सहयोग गर्दै रहने कुरा
झापा / प्रतिनिधिसभा र प्रदेशसभाको निर्वाचन लागि समानुपातिक उम्मेदवारको बन्दसूची बुझाउने दिन नजिकिएसँगै निर्वाचन आयोगले चुनावी आचारसंहिता लगाउने तयारी गरेको छ । आगामी असोज २ र ३ गते समानुपातिक उम्मेदवारको सूची दर्ता गर्ने आयोगको कार्यतालिका छ । उम्मेदवारको सूची दर्ता पश्चात् असोजको पहिलो सातामा आचारसंहिता जारी गर्ने तयारी भएको आयोगका सहप्रवक्ता सूर्यप्रसाद अर्यालले बताए ।यसैबीच, प्रत्यक्षतर्फको मनोनयन दर्ता असोज २३ गते गर्ने गरी आयोगले निर्वाचन कार्यक्रम स्वीकृत गरेको छ । स्वीकृत कार्यसूची अनुसार असोज २३ गते बिहान १० देखि साँझ ५ बजेसम्म मनोनयन दर्ता गर्ने र सोही दिन साँझ ५ बजे उम्मेदवारको
झापा / झापाको बिर्तामोडबाट प्रतिबन्धित लागूऔषध सहित प्रहरीले एक जनालाई पक्राउ गरेको छ । पक्राउ पर्नेमा बिर्तामोड नगरपालिका –५ का १९ वर्षीय कालु दास रहेका छन् । बिहीबार बेलुका साढे ५ बजे प्रहरी चौकी बिर्ताबजारबाट खटिएको प्रहरी टोलीले दासलाई बिर्तामोड –३ बाट पक्राउ गरेको हो । शङ्कालागि चेक जाँच गर्दा उनको साथबाट १ ग्राम ब्राउन सुगर बरामद गरिएको जिल्ला प्रहरी कार्यालय झापाले जनाएको छ । दासको इलाका प्रहरी कार्यालय अनारमनीबाट थप अनुसन्धान भइरहेको प्रहरीले जनाएको छ ।
कौशल भण्डारीबिर्तामोड / शनिश्चरे – सडक निर्माण गर्न सम्बन्धित निकायले बेवास्ता गरेको भन्दै स्थानीयवासीले झापाको शनिश्चरे - बिर्तामोड सडकखण्ड बन्द गर्ने भएका छन् । सरोकारवाला निकायको ध्यानाकर्षण गराउन सडक बन्द गर्नको विकल्प नभएको स्थानीय बलराम निरौलाले बताए । अर्जुनधारा -६ को कप्तानबारीदेखि बिर्तामोड सम्म को सडक भत्किदा पनि सम्बन्धित निकायले चासो नदेखाएपछि सास्ती खेप्नुपरेको स्थानीयबासीले बताउँछन् ।जिल्लाको मुख्य बजार बिर्तामोडबाट उत्तरी भेग जाने प्रमुख सडक खण्ड रहेको शनिश्चरे–बिर्तामोड सडक किनारमा रहेका घरधनीले बाटो निर्माणको माग राख्दै अवरोध गर्नेभएका ह
काठमाडौं / नेपाली राष्ट्रिय क्रिकेट टिमका कप्तान सन्दीप लामिछानेलाई पक्राउ गर्न जिल्ला अदालत काठमाडौँले अनुमति दिएको छ । लामिछानेविरुद्ध एक नाबालिग किशोरीले बलात्कारको जाहेरी दिएकी छन् । त्यसबारे अनुसन्धानका लागि लामिछानेलाई पक्राउ गर्न प्रहरीले अदालतसँग अनुमति मागेको थियो ।अदालतले पक्राउ अनुमति दिएको प्रहरी उच्च स्रोतले बताएको छ । अब प्रहरीले उनलाई कुनै पनि बेला पक्राउ गर्न सक्छ ।लामिछाने हाल देश बाहिर छन् । नेपाल क्रिकेट संघ (क्यान) का अनुसार उनले आफ्नो संलग्नता अस्वीकार गर्दै कानुनी सहायताका लागि अनुरोध गरेका छन् ।
बिर्तामोड / मोरङको रङ्गेली नगरपालिका -१ की ७६ वर्षीया कृष्णमाया बस्नेत घर नजिकै रहेको पोखरीमा डुबेको अवस्थामा मृत फेला परेकी छन् । बुधवार बिहान घरबाट निस्किएकी वृद्धाको खोजतलास गर्ने क्रममा घर देखि करिव ५०० मिटरको दूरीमा रहेको माछा पोखरीमा मृत फेला परेकी र घटना सम्बन्धमा थप अनुसन्धान भइरहेको इलाका प्रहरी कार्यालय रङ्गेलीले जनाएको छ ।
बिर्तामोड / झापाको भद्रपुर नगरपालिका -७ का राजेन्द्र गिरीको घरमा चोरी गर्ने २ जनालाई जिल्ला प्रहरी कार्यालय झापाले पक्राउ गरेको छ । यही भदौ १ गते दिउँसो गिरीको घरमा चोरी भएको भन्ने सूचनाको आधारमा चोरीमा संलग्नहरूको खोजतलासमा खटिएको प्रहरी टोलीले चोरीमा संलग्न रहेका २ जनालाई बुधवार पक्राउ गरेको हो । पक्राउ पर्नेहरुमा भद्रपुर नगरपालिका -१० का २२ वर्षीय रितिक कुमार शर्मा र भद्रपुर नगरपालिका -७ का रोशन राजवंशी रहेका छन् । उनिहरुलाई चोरी भएका मोबाइल र सुनका बिभिन्न किसिमका गरगहना सहित प्रहरीले पक्राउ गरेको हो । चोरीको आरोपमा पक्राउ परेका उनीहरूको सम्बन्धमा प्रहरीले थप अनुसन्धान गरिरहेको छ ।
Copyright © 2021 / 2026 / Esoul Media (P) Ltd. / All Rights Reserved.
