काठमाडौँ / लालबन्दी नगरपालिका –९ स्थित पूर्वपश्चिम लोकमार्गअन्तर्गत वस्तीपुर चोकमा पूर्वबाट पश्चिमतर्फ जाँदै गरेको ना ३ ख ७९९० नं को ट्रकले ठक्कर दिँदा एक छात्रको आज बिहान मृत्यु भएको छ ।मृत्यु हुनेमा लालबन्दी –९ स्थित जनज्योति माविमा कक्षा ९ मा अध्ययनरत चन्द्रनगर गाउँपालिका –१ का १६ वर्षीय दीपेन्द्रकुमार यादव रहेका छन् । इलाका प्रहरी कार्यालय लालबन्दीका कार्यालय प्रमुख प्रहरी निरीक्षक निर्मल थापाका अनुसार ट्युसन पढ्न जाने क्रममा पैदल हिँडिरहेका बेला छात्रलाई ट्रकले ठक्कर दिएको थियो ।
बिर्तामोड / झापाको मेचीनगर नगरपालिका -१३ चारआली जङ्गलबाट नेपाली सेनाले एउटा भरुवा बन्दुक, खुकुरी र बारुद फेला पारेको छ ।नेपाली सेनाको नयाँ श्रीनाथ गणदेखि ५०० मिटर दक्षिणतर्फको जङ्गलभित्र सोमबार बिहान पौने ८ बजे दुई जना व्यक्ति बसिरहेको देखेपछि नेपाली सेनाको गस्ती टोली त्यहाँ पुगेको थियो । सेनालाई देखेपछि ती व्यक्ति त्यहाँबाट भागेको र घटनास्थलबाट बारुद लोड गरिएको एउटा भरुवा बन्दुक, बन्दुकमा प्रयोग गरिने दुई थान सिसाका डल्ला, एउटा खुकुरी, बारुद दुई पोका, सलाई र कम्मर पेटी बरामद गरिएको नयाँ श्रीनाथ गण प्रमुख सेनानी अमरजंग थापाले जानकारी दिएका छन ।‘सेनालाई देखेपछि बन्दुकसहितका सामान झाडीमा फालेर त
रौतहट / फतुवा विजयपुर ११ हिमालि बासमा ट्रिपरको ठक्करबाट एकजना माओवादी नेताको मृत्यु भएको प्रहरीले जनाएको छ । फतुवा विजयपुर ११ हिमालि बासमा ट्रिपरको ठक्करबाट मोटरसाइकल चालक माओवादी नेता खेदु चौधरीको मृत्यु भएको हो ।आइतबार राति साढे ८ बजे बा ३ ० प ८११५ नम्बरको मोटरसाइकललाई तीव्र गतिमा रहेको गुगल निर्माण सेवाको ना ८ ख ४२०२ नम्बरको ट्रिपरले ठक्कर दिएको थियो । चौधरीको घटनास्थलमै मृत्यु भएकोको हो । घटना लगतै आक्रोशित स्थानीयहरूले निर्माण सेवाको २ वटा ट्रिपरमा तोडफोड गरेका थिए ।
झापा / मौसम पूर्वानुमान महाशाखाले आज देशका पहाडी भूभागमा आंशिक बदली हुने जानकारी दिएको छ । हाल नेपालका पहाडी भूभागहरूमा आंशिक बदली रहेको छ भने तराईका केही स्थानमा हुस्सु लाग्न थालेको छ ।आज दिउँसो बागमती, गण्डकी, लुम्बिनी र कर्णाली प्रदेशमा आंशिक बदली रही बाँकी भूभागमा मौसम सामान्यतया सफा रहनेछ । आज राति भने देशभरि आंशिक बदली रहनेछ । यस्तै महाशाखाले तराईका भूभागहरूमा बिहानको समयमा हुस्सु र कुहिरो लाग्नुका साथै देशभर चिसो बढ्ने क्रममा रहेकोले चिसोबाट बच्न आवश्यक सतर्कता अपनाउन आग्रह गरेको छ ।
काठमाडौं / तीन सयौँ पृथ्वी जयन्ती तथा राष्ट्रिय एकता दिवस –२०७८ मनाउन नेपाल प्रज्ञा–प्रतिष्ठान, नेपाल सङ्गीत तथा नाट्य प्रज्ञा–प्रतिष्ठान, नेपाल ललितकला प्रज्ञा–प्रतिष्ठान र सांस्कृतिक संस्थानका पदाधिकारी सम्मिलित समिति गठन भएको छ ।कमलादीस्थित प्रज्ञा प्रतिष्ठानमा आइतबार भएको बैठकमा प्रतिष्ठानका कुलपति गङ्गाप्रसाद उप्रेतीका संयोजकत्वमा सङ्गीत तथा नाट्य प्रज्ञा–प्रतिष्ठानका कुलपति नारायणभक्त श्रेष्ठ ’रायन’, नेपाल ललितकला प्रज्ञा–प्रतिष्ठानका कुलपति कान्छाकुमार कर्माचार्य, तीनओटै प्रज्ञा–प्रतिष्ठानका उपकुलपतिहरू क्रमशः जगमान गुरुङ, हरिहर शर्मा र गोपाल चित्रकार, सङ्गीत तथा नाट्य प्रज्ञा–प्र
कनकाई / झापाको कनकाई नगरपालिका –८ सुरुङ्गा कार दुर्घटनामा हुदाँ दुई जना घाइते भएका छन् ।पूर्वबाट पश्चिम जाँदै गरेको बा १३ च २३०७ नम्बरको कार अनियन्त्रित भई राजमार्ग किनारमा पल्टिएको हो । कार पल्टिँदा चालक कनकाई –३ का ३३ वर्षीय सुलभ मैनाली र कारमा सवार ३५ वर्षीय सरोज पोखरेल घाइते भएको सुरुङ्गा प्रहरीले जनाएको छ । उपचारका लागि उनीहरूलाई बि एन्ड सी अस्पताल बिर्तामोड लगिएको छ ।
काठमाडौँ / काठमाडौँ उपत्यकामा मागको एक तिहाइ मात्र पानी आपूर्ति हुने गरेको छ । उपत्यकामा दैनिक करिब ४३ करोड लिटर पानीको माग भए पनि काठमाडौँ उपत्यका खानेपानी लिमिटेडले त्यसको एक तिहाईभन्दा कम अर्थात् करिब १३ करोड लिटर मात्र उत्पादन एवं वितरण गर्छ । पुस, माघ र फागुनमा दैनिक १३ करोड लिटर पानी दिन सकिए पनि चैत र वैशाखमा भने दैनिक ११ करोड लिटर पानी मात्र वितरण हुने गरेको लिमिटेडले जनाएको छ । वर्षायाममा भने करिब १६ करोड लिटर पानी वितरण हुने गरेको छ । सुक्खा मौसम लागेसँगै काठमाडौँ उपत्यकामा खानेपानीको अभाव हुन्छ । पुसपछि उपत्यकाका स्रोतको पानी कम हुँदै जान थालेपछि खानेपान
झापा / पाँच वर्षदेखि सञ्चालनमा रहेको रुकुम पश्चिमको आठबीसकोट नगरपालिका –९ स्थित सिस्ने हिमाल बालगृह बन्द भएको छ ।अभिभावक नभएका बालबालिकालाई आश्रय दिन बालगृह स्थापना गरिएको थियो । बालगृह सञ्चालकका छोराले बालगृहमा रहेकी एक बालिकामाथि बलात्कार गरेको घटना सार्वजनिक भएपछि बाल गृह बन्द गराइएको हो ।एक महिना अघि उक्त घटना सार्वजनिक भएकै दिन आठबीसकोट नगरपालिकाले बाल गृहका बालबालिकालाई अन्यत्र स्थानान्तरण गरेको थियो । उनीहरूलाई अहिले राष्ट्रिय बाल अधिकार केन्द्र काठमाडौंमा पठाइएको छ ।बालगृह सञ्चालक सुनिता चनाराका छोरा २२ वर्षीय कुश्माकर चनाराले १३ वर्षीया बालिकामाथि बलात्कार गरेर गर्भ समेत रहेको सार्वजन
काठमाडौं / काठमाडौंको शंकरापुर नगरपालिका –३ जर्सिङपौवा स्थित रिसोर्टमा युवती मृत अवस्थामा फेला परेको प्रहरीले जनाएको छ । जर्सिङपौवाको लाङटाङ ईको रिसोर्टमा कार्यरत ओखलढुंगा मानेभन्ज्याङ गाउँपालिका –९ घर भएकी १९ वर्षीया उर्मिला आले मगर मृत अवस्थामा भेटिएकी हुन् ।उर्मिला र सो रिसोर्टमा काम गर्ने मोरङ लेटाङका अर्जुन मगरसँगै सुतेका थिए ।चिसोका कारण कोइला बालेर सुतेका उनीहरु बिहान अबेरसम्म नउठेपछि रिसोर्ट सञ्चालकले ढोका फुटाएर हेर्दा उर्मिला मृत फेला परेकी हुन् ।अचेत अवस्थामा फेला परेका अर्जुन उपचारपछि होसमा आएका छन् ।उर्मिला र अर्जुन लिभिङ टुगेदरमा थिए । झ्याल ढोका बन्द गरेर सुतेको हुनाले निसासिएर
कैलाली / कैलालीमा एक युवकको विभत्स हत्या भएको छ । जानकी गाउँपालिका –९ घर भएका २५ वर्षीय अर्जुन दासको हत्या भएको हो । दासको शव शनिबार स्थानीय अमरावती सामुदायिक वनमा उनले लगाएको कपडाले रुखमा बाँधेको अवस्थामा फेला परेको जिल्ला प्रहरी कार्यालय कैलालीका डीएसपी वेद प्रकाश जोशीले जानकारी दिए । जोशीका अनुसार दासको टाउको र शरीर काटेर छुट्याएको थियो । शव बाँधेको ठाउँ नजिकै टाउको फेला परेको उनले बताए । दास गाउँमै मजदुरी गर्थे । बुवा–आमा भारतमा बस्छन् । उनी पत्नी र दुईवटा बच्चासँगै कैलालीमा बस्दै आएका थिए ।प्रहरीले हत्याबारे दुई युवकबीच कुराकानी भएको फोन रेकर्ड पनि भेटाएको छ ।मृतक अरुणको सा
Copyright © 2021 / 2026 / Esoul Media (P) Ltd. / All Rights Reserved.
