म्याग्दी \ म्याग्दीका पहाडी भूगोलमा आवश्यक मापदण्ड पूरा नगरीकन विस्तार गरिएका सडक दुर्घटनाको उच्च जोखिममा परेको छ । साँघुरा र कच्ची सडक, सवारी चालकको लापरवाही, सवारी साधनको अवस्थाको चेकजाँच नगर्ने प्रवृत्ति दुर्घटनाका प्रमुख कारण मानिएका छन् । मङ्सिर १३ गते सोमबार साँझ म्याग्दीको रघुगङ्गा गाउँपालिका बेगखोलामा भएको बोलेरो जिप दुर्घटनामा पनि साँघुरो र घुम्ती नपुगेको सडकलाई नै प्रमुख कारण मानिएको छ । बेनीबाट वेग जाँदै गरेको ग १ज ७२५१ नम्बरको बोलेरो जिप घाप्पा औलको उकालो मोड नपुग्ने घुम्तीबाट २०० मिटरभन्दा तल खसेर दुर्घटनामा परेको थियो । उक्त दुर्घटनामा परेर बेगका खिम पुन, खि
झापा / देशका विभिन्न भागमा आज वर्षा र हिमपात हुने भएको छ । आज दिउँसो सुदूरपश्चिम, कर्णाली, गण्डकी, लुम्बिनी र वाग्मती प्रदेशका पहाडी भू–भागका केही स्थानमा हल्कादेखि मध्यम वर्षा हुने छन् । सुदूरपश्चिम, कर्णाली, गण्डकी, लुम्बिनी र वाग्मती प्रदेशका उच्च पहाडी र हिमाली भू–भागका केही स्थानमा मध्यमदेखि भारी हिमपातको सम्भावना रहेको जल तथा मौसम विज्ञान विभागले जनाएको छ ।आज राति सुदूरपश्चिम, कर्णाली, गण्डकी, लुम्बिनी र वाग्मती प्रदेशको पहाडी भू–भागका केही स्थानमा हल्कादेखि मध्यम वर्षाको र सो प्रदेशको उच्च पहाडी र हिमाली भू–भागको धेरै स्थानमा मध्यमदेखि भारी हिमपात सम्भावना रहेको विभागले
सङ्खुवासभा / सङ्खुवासभाको मकालु गाउँपालिका –५ चौलाखर्कमा ८ महिनाको बालकको डुबेर मृत्यु भएको छ । मृत्यु हुनेमा हर्क बहादुर तामाङको ८ महिनाको छोरा सक्षम तामाङ रहेका छन् । हिजो दिउँसो पौने ३ बजे घर नजिकैको माछा पोखरीमा डुबेर बालक घाईते भएका थिए । घाइते बालकको उपचारको क्रममा प्राथमिक स्वास्थ्य केन्द्र नुममा बेलुका पाँच बजे मृत्यु भएको हो ।
मोरङ / मोरङको विराटनगर महानगरपालिका –१५ बाट प्रहरीले लागूऔषध सहित एक जनालाई पक्राउ गरेको छ। पक्राउ पर्नेमा सुनसरी धरान उपमहानगरपालिका –१५ का २१ वर्षीय विशाल खड्का रहेका छन् । खड्कालाई आज (बुधबार) बिहान साढे ७ बजे लागूऔषध नियन्त्रण ब्युरो विराटनगरबाट खटिएको प्रहरी टोलीले पक्राउ गरेको हो । उनको साथबाट प्रहरीले लुपिजेसिक २० एम्पुल, डाईजाल्याब १० एम्पुल, एभिल २० एम्पुल, फेनारगन १० एम्पुल, डाईजोपाम १० एम्पुल, नाईट्रोसन ३० ट्याब्लेट बरामद गरेको छ ।
सङ्खुवासभा / सङ्खुवासभाको पाँचखपन नगरपालिका –५ खमारेबाट भरुवा बन्दुक सहित प्रहरीले एक जनालाई पक्राउ गरेको छ । पक्राउ पर्नेमा ५६ वर्षीय राम बहादुर राई रहेका छन् । हिजो बिहान ११ बजे विशेष सूचनाको आधारमा जिल्ला प्रहरी कार्यालयबाट खटिएको टोलीले उनलाई पक्राउ गरेको हो । पक्राउ परेका राईको साथबाट प्रहरीले एक थान भरुवा बन्दुक बरामद गरेको छ ।
बागलुङ / बागलुङमा जिप दुर्घटना हुँदा एक जनाको मृत्यु भएको छ भने तीन जना घाइते भएका छन् । मृत्यु हुनेमा बाग्लुङ नगरपालिका –८ को वडा सचिवमा कार्यरत बागलुङ –७ का ४५ वर्षीय श्याम शर्मा रहेका छन् । आज (बुधबार) बिहँबाट बागलुङ बजार जाँदै गरेको बा१८ च ५६७७ नम्बरको पिकअप बागलुङ–अक्षत्रेखण्ड अन्तर्गत काठेखोला –१ खहरेमा दुर्घटना भएको हो । दुर्घटनामा परी बागलुङ नगरपालिका –१ रामरेखाका ४० वर्षीय टङ्कबहादुर बोहोरा, ४४ वर्षीय दिनेश गिरी र २५ वर्षीय अजय शिवाकोटी घाइते भएका छन् । तीनै जनाको धौलागिरि अस्पताल बागलुङमा उपचार भैरहेको जिल्ला प्रहरी कार्यालय बागलुङका सूचना अधिकारी इकवाल हवारीले जानकारी
काठमाडौँ / कानुन व्यवसायिहरूले प्रधानन्यायाधीशको विषयमा अन्योल भएको भन्दै प्रश्न उठाएपछि आज (बुधबार) को सुनुवाइ प्रभावित भएको छ । प्रधानन्यायाधीशले काम गर्न नसकेको अवस्थामा कायममुकायम प्रधानन्यायाधीशको जिम्मेवारी दिनुपर्ने संवैधानिक व्यवस्था रहेको बताउँदै आज प्रधानन्यायाधीश को हो ? भन्दै कानुन व्यवसायिहरूले प्रश्न उठाएपछि सुनुवाइ प्रभावित भएको हो । संविधानको धारा १२९ को (६) मा प्रधानन्यायाधीश कुनै कारणले आफ्नो पदको काम गर्न असमर्थ भएमा वा प्रधानन्यायाधीश सर्वोच्च अदालतमा उपस्थित नहुने अवस्था भएमा सर्वोच्च अदालतको वरिष्ठतम न्यायाधीशले कायम मुकायम प्रधानन्यायाधीश भई काम गर्ने व्यवस्था
महोत्तरी \ महोत्तरीको लोहारपट्टी नगरपालिका ६ मा आज बिहान हत्या गरिएको अवस्थामा एक महिलाको शव फेला परेको छ । जिल्ला प्रहरी कार्यालयका प्रहरी उपरीक्षक दिनेशकुमार आचार्यका अनुसार स्थानीयवासी सुरेन्द्र मण्डलकी पत्नी ३५ वर्षीया रुबी मण्डलको हत्या गरिएको अवस्थामा शव उनको आफ्नै घरको बरण्डामा राखिएको अवस्थामा फेला परेको हो ।टाउकोभरी घाउ चोट रहेको अनुहार र शरीरका अन्य भागमा पनि विभिन्न चोटपटक रहेको अवस्थामा महिलाको शव फेला परेको प्रहरी उपरीक्षक आचार्यले बताएका छन् ।पति सुरेन्द्र रोजगारीका क्रममा भारतको पञ्जाब बस्दै आएका र महिलाको हत्या पारिवारिक समस्याका कारण भएको प्रहरीको
काठमाडौँ / सर्वोच्च अदालतमा आज (बुधबार) देखि गोला प्रक्रियाद्वारा मुद्दाको पेसी तोकिएको छ । नेपालमा पहिलो पटक सर्वोच्च अदालतमा गोला प्रणालीबाट पेसी तोकिएको हो ।गोला प्रथाबाट पेसी तोकिएको पहिलो दिन आज दुईवटा एकल इजलास सहित कुल १० वटा इजलास गठन भएका छन् । ‘कमन ल’ प्रणाली अपनाउने अन्य मुलुकमा जस्तै नेपालमा पनि कुन मुद्दा कुन न्यायाधीशले हेर्ने भन्ने निर्णय गर्ने अन्तिम अधिकार प्रधानन्यायाधीशमा थियो । तर, प्रधानन्यायाधीश चोलेन्द्रशमशेर जबराले उक्त अधिकारको व्यापक दुरुपयोग गरेको गुनासो बढेसँगै सर्वोच्चका न्यायाधीशहरूले पूर्ण बैठक बसी गोला प्रणालीबाट पेसी तोक्ने व्यवस्था गरेका हुन् । प्रध
जनकपुर / ढल्केबर खण्डअन्तर्गत धनुषाको महेन्द्रनगरमा मोटरसाइकल दुर्घटना हुँदा आज (बुधबार) एकको मृत्यु भएको छ। काठमाडौंबाट ज१२प ५२२५ नं को मोटरसाइकलमा घर फर्किने क्रममा दुर्घटना हुँदा चालक धनुषाको कमला नगरपालिका–३ लगमा निवासी विजय मोरबैता यादवको मृत्यु भएको हो।दुर्घटनामा गम्भीर घाइते यादवलाई तत्कालै उपचारका लागि जनकपुरस्थित प्रादेशिक अस्पताल ल्याउने क्रममा बाटोमै मृत्यु भएको जिल्ला प्रहरी कार्यालयले जनाएको छ।
Copyright © 2021 / 2026 / Esoul Media (P) Ltd. / All Rights Reserved.
