झापा / झापाको शिबसताक्षी नगरपालिका –१० माइधार चौक नजिक भित्रीसडक खण्डमा स्कारपियको ठक्करबाट पैदल यात्रीको मृत्यु भएको छ । मृत्यु हुनेमा सोही स्थानकी ७२ वर्षीया ललिता कटवाल रहेकी छन् । आज (सोमबार) बिहान सँवा ११ बजे दक्षिणबाट उत्तर तर्फ आउदै गरेको को १ च ७४१६ नम्बरको स्कारपियोले पैदल यात्री कटवाललाई ठक्कर दिँदा उनको घटनास्थालमानै मृत्यु भएको हो । स्कारपियो र चालक इलाम देउमाई नगरपालिका –३ का ३२ वर्षीय पूर्ण खतिवडा अस्थाई प्रहरी पोष्ट माईधारको नियन्त्रणमा रहेका छन् । मृतकको कानुनी प्रकृया पुरा पोस्टमार्टमको लागी दमक अस्पताल पठाइएको इलाका प्रहरी कार्यालय झिलझिलेले जनाएको छ ।
ओखलढुंगा / ओखलढुङ्गाको सुनकोशी गाउँपालिका –९ बुलडाँडामा आज बिहान भएको बलेरो दुर्घटनामा परी ४ जनाको मृत्यु भएको छ भने १२ जना घाईते भएका छन् । आज बिहान साँढे ७ बजेको समयमा ओखलढुङ्गाको च्यामनबाट ककनी मन्दिर तर्फ दर्शनार्थी बोकेर जाँदै गरेको प्रदेश–३–०१–०२२ च ९६९४ नम्बरको बोलेरो गाडी आफै अनियन्त्रित भई सडकबाट अन्दाजी ५०० मिटर तल खसेर दुर्घटना भएको हो । दुर्घटनामा परी सिद्धिचरण नगरपालिका –१० बस्ने ३५ वर्षीया मिठुमाया मगर, १६ वर्षीया तुलसा मगर, १९ वर्षीया खगेन्द्र मगर र ३६ वर्षीया शान्तामाया मगरलाई उपचारको लागी अस्पताल लैजाने क्रममा बाटोमा नै मृत्यु भएको हो । दुर्घटनाम
पोखरा //पोखरामा एमबिबिएस अध्ययनरत एक विद्यार्थीको खोलामा पौडी खेल्ने क्रममा डुबेर मृत्यु भएको छ। भारत राजस्थान घर भई हाल गण्डकी मेडिकल कलेजमा एमबिबिएस प्रथम वर्षमा अध्ययनरत २२ वर्षीय विश्वास पुनीको मृत्यु भएको हो। कास्कीको पोखरा –१७ फुस्रे खोलामा पौडी खेल्दै गर्दा बेपत्ता भएका विश्वासलाई प्रहरी टोलीले खोजी गर्ने क्रममा १० मिटर तल फेला पारेको थियो । तत्कालै उनलाई उद्धार गरी उपचारका लागि गण्डकी मेडिकल कलेजमा पठाईएकोमा उपचारको क्रममा चिकित्सकले मृतक घोषित गरेको प्रहरीले जानकारी गराएको छ ।
मुस्ताङ / मुस्ताङको कोबाङ क्षेत्रमा पर्ने मानापाथी हिमालमा आइतबार दिउँसो हिमपहिरो गएको छ । हिमपहिरो खसेपछि भागदौड गर्दा थासाङ गाउँपालिका –२ को जनआदर्श माविका ९ जना शिक्षक र विद्यार्थी घाइते भएका छन् । हिमपहिरो खसेपछि त्यसको असरबाट जोगिन भागदौड हुँदा ९ जना सामान्य घाइते भएका र उनीहरूलाई जिल्ला अस्पतालतर्फ ल्याइएको मुस्ताङका प्रहरी प्रमुख डीएसपी रामकुमार दानीले जानकारी दिए ।दानीका अनुसार हिमपहिरोका कारण कति क्षति भयो भन्ने अहिलेसम्म पुष्टि भने भएको छैन ।
विराटनगर / उदयपुर र मोरङबाट प्रहरीले लागूऔषध सहित ३ जनालाई पक्राउ गरेको छ । पक्राउ पर्नेमा उदयपुर त्रियुगा नगरपालिका –१० का ३५ वर्षीय पेशस घिमिरे, त्रियुगा नगरपालिका –१२ का २१ वर्षीय विष्णु साह र सुनसरी दुहबी नगरपालिका –३ का २३ वर्षीय शिवा चौधरी रहेका छन् । हिजो (आइतबार) दिउसो पौने ३ बजे जिल्ला प्रहरी कार्यालय उदयपुरबाट खटिएको प्रहरी टोलीले त्रियुगा नगरपालिका –११ बैकलाईनबाट घिमिरे र साहलाई लागूऔषध नाईट्राभेट २२५ ट्याब्लेट र १०० ग्राम गाँजा सहित पक्राउ गरेको हो । त्यस्तै हिजै बेलुका ५ बजे लागूऔषध नियन्त्रण ब्युरो विराटनगरबाट खटिएको प्रहरी टोलीले विराटनगर महानगरपालिका –१५ स्थित २
झापा / झापाको अर्जुनधारा नगरपालिका –११ बसपार्कबाट ब्राउन सुगरसहित प्रहरीले एक जनालाई पक्राउ गरेको छ । पक्राउ पर्नेमा अर्जुनधारा नगरपालिका –६ का ३४ वर्षीय सुवास खवास रहेका छन् । हिजो राती ८ बजे अस्थाई प्रहरी पोष्ट बसपार्कबाट खटिएको प्रहरी टोलीले खवासलाई ब्राउन सुगरसहित पक्राउ गरेको हो । पक्राउ परेका खवासको साथबाट प्रहरीले १ ग्राम ५०० मिलिग्राम ब्रउन सुगर बरामद गरेको छ ।
काठमाडौँ / काठमाडौँको थापाथलीबाट एयर गनसहित प्रहरीले एक जनालाई पक्राउ गरेको छ । पक्राउ पर्नेमा काठमाडौँ महानगरपालिका –११ थापाथलीमा डेरा बस्ने कैलालीका २१ वर्षीय जितेन्द्र नाथ रहेका छन् । नाथले कोठामा अवैध हातहतियार लुकाई राखेको भन्ने सूचनाको आधारमा महानगरीय प्रहरी प्रभाग कोटेश्वरबाट खटिएको प्रहरी टोलीले उनलाई सोमबार साँझ पक्राउ गरेको हो । पक्राउ परेका नाथको साथबाट प्रहरीले एक थान एयर गन बरामद गरेको छ । पक्राउ परेका नाथमाथि थप अनुसन्धान भइरहेको प्रहरीले जनाएको छ ।
रौतहट / रौतहटको चन्द्रनिगाहपुर गौर सडकखण्ड अन्तर्गत झुन्खुनवा चोक नजिक शनिवार राति कार दुर्घटना हुँदा चार जनाको मृत्यु छ । मृत्यु हुनेमा भारत विहार राज्यको पूर्वी चम्पारण जिल्लाको पताही थाना बेतौनाका २५ वर्षीय दिनानाथ साह, ३० वर्षीय अरुण साह, २८ वर्षीय दिलिप महतो र २७ वर्षीय अमित महतो रहेका छन् । झुन्खुनवाबाट गौर तर्फ जाँदै गरेका युके १२ सि २९०० भारतीय नम्बरको स्वीफ्ट कार गए राति ९ बजे अनियन्त्रित भई दुर्घटना हुँदा सवार चारैजनाको मृत्यु भएको थियो । मदिरा सेवनगरि तीब्र गतिमा चलाएको कार अनियन्त्रित भई सडक भन्दा २० मिटर छेउमै रहेको ठुलो खाडलमा खसेको थियो । मृतकको पहिचानक
सुर्खेत / कर्णाली प्रदेशको राजधानी सुर्खेत गिरीघाटमा अटोरिक्सा दुर्घटना हुँदा एकजनाको मृत्यु भएको छ । बाङ्गे सिमलबाट गिरीघाटतर्फ जाँदै गरेको भे१ह ८४४ नंको रिक्सा दुर्घटना हुँदा ४४ वर्षीया जमरा शाहीको मृत्यु भएको प्रदेश प्रहरी कार्यालयका प्रवक्ता एवं प्रहरी उपरीक्षक माधवप्रसाद श्रेष्ठले जानकारी दिएका छन् । घाइते शाहीको कर्णाली केयर अस्पतालमा उपचारका क्रममा मृत्यु भएको उनले बताए ।दुर्घटनामा घाइते वीरेन्द्रनगर नगरपालिकाका ५३ वर्षीय लक्ष्मीबहादुर शाही र २० वर्षीय जगत शाही सामान्य उपचारपछि घर फर्किएका छन् । रिक्सा आफैँ अनियन्त्रित भएर सडकको कल्भर्टमा ठोक्किएर दुर्घटना भएको बताइएको
रोल्पा / रोल्पामा आइतबार बिहान भएको जिप दुर्घटनामा परी तीन जनाको मृत्यु भएको छ भने तीन जना घाइते भएका छन् । रोल्पाका प्रहरी प्रमुख डीएसपी नरेशराज सुवेदीका अनुसार दुई पुरुष र एक महिलाको घटनास्थलमै मृत्यु भएको हो। मृतकको पहिचान भइसकेको छैन। थप तीन जना घाइतेलाई उद्धार गरि अस्पताल पुर्याइएको डीएसपी सुवेदीले जानकारी दिए । डीएसपी सुवेदीका अनुसार माडी गाउँपालिका –६ हान्निङ भन्ने ठाउँबाट घर्ती गाउँतर्फ जाँदै गरेको यात्रुबाहक पिकअप जिप बिहान ११ बजेतिर दुर्घटनामा परेको थियो। दुर्घटनाको कारण खुलेको छैन।
Copyright © 2021 / 2026 / Esoul Media (P) Ltd. / All Rights Reserved.
