मकवानपुर / मकवानपुरबाट १ सय २२ किलो गाँजासहित प्रहरीले एक जनालाई पक्राउ गरेको छ । पक्राउ पर्नेमा राक्सीराङ गाउँपालिका –२ का नरबहादुर मुक्तान रहेका छन् । विशेष सूचनाको आधारमा जिल्ला प्रहरी कार्यालय मकवानपुरबाट खटिएको टोलीले उनलाई मनहरी गाउँपालिका –९ जयसिंहबाट पक्राउ गरेको हो ।उनको साथबाट प्रहरीले १ सय २२ किलो गाजा बरामद गरेको जिल्ला प्रहरी कार्यालय मकवानपुरले जनाएको छ ।
काठमाडौँ / १६ वर्षीया किशोरीलाई बलात्कार गरेको आरोपमा प्रहरीले एक युवकलाई पक्राउ गरेको छ । पक्राउ पर्नेमा सिस्ने गाउँपालिका –८ का २४ वर्षीय सञ्जय नाथ रहेका छन् । नाथ विरुद्ध जिल्ला प्रहरी कार्यालय रुकुममा १६ वर्षीया किशोरीमाथि बलात्कार गरेको जाहेरी परेपछि उनलाई पक्राउ गरेको जिल्ला प्रहरी कार्यालय रूकुम पूर्वका प्रहरी नायब उपरीक्षक गणेशबहादुर श्रेष्ठले जानकारी दिए । नाथ पत्रकार हुन् । उनले गत सोमबार ती किशोरीलाई जङ्गलमा लगेर बलात्कार गरेको आरोप छ। उनीमाथि मंगलबार किटानी जाहेरी परेको थियो।
मकवानपुर \ मकवानपुरस्थित हेटौंडामा ट्रक र बस एक आपसमा ठोकिँदा दुई जनाको मृत्यु भएको छ ।जनकपुरबाट काठमाडौँ तर्फ आइरहेको ना२ख ८७६ नं को रात्रि बसलाई विपरीत दिशाबाट आइरहेको प्रदेश (२) ०३०१ ख ५०३५ नं को ट्रकले मंगलबार राति हेटौँडा स्थित नवलपुरमा ठक्कर दिँदा बसका ती यात्रुको घटनास्थलमै मृत्यु भएको हो ।मृतक यात्रुको सनाखत भइनसकेको र अनुसन्धान जारी रहेको जिल्ला प्रहरी कार्यालयका प्रवक्ता जयश्वर रिमालले जानकारी दिएका छन् । रिमालका अनुुसार घाइते १५ यात्रु र ट्रकको चालकको हेटौँडा स्थित चुरेहिल र सहकारी अस्पतालमा उपचार भइरहेको छ ।
धनगढी / कैलालीमा चक्कु प्रहार गरी युवकको हत्या गर्ने चार जनालाई प्रहरीले पक्राउ गरेको छ । हिजो (मंगलबार) राति टीकापुर नगरपालिका –१ स्थित सिद्धार्थ होटल नजिकै दुई समुहबीचको भएको झडपमा चक्कु प्रहार गरेर लम्कीचुहा नगरपालिका –१ का भुपेन्द्र बडुवालको हत्या गरिएको प्रहरीले जनाएको छ ।पूर्व रिसिबीलाई लिएर दुवै समुहबीच भएको झडपमा बडुवालको चक्कु प्रहार गरेर हत्या गरिएको इलाका प्रहरी कार्यालय टीकापुरका प्रमुख प्रहरी नायब उपरीक्षक प्रकाश सापकोटाले जानकारी दिए । युवकको हत्यामा संलग्न भएको आशङ्कामा अनुसन्धानका लागि चार जनालाई नियन्त्रणमा लिइएको जानकारी दिए ।
विराटनगर / प्रदेश नं १ को आन्तरिक मामिला तथा कानून मन्त्रालयअन्तर्गत विपद् कार्यकारी समितिको बैठकले यही कात्तिक २ गते आएको अविरल वर्षा र त्यसपछिको बाढीपहिरोबाट प्रदेशमा भएको क्षतिको समग्र समीक्षा गरेको छ ।सोमबार समितिका अध्यक्ष तथा आन्तरिक मामिला तथा कानूनमन्त्री केदार कार्कीको अध्यक्षतामा बसेको बैठकले बाढीबाट भएको क्षति तथा प्रभावलाई सम्बोधन गर्ने निर्णय गरेको छ । वर्षा र त्यसपछिको डुबान, कटान तथा पहिरोबाट भएको क्षतिका विषयमा समग्र समीक्षा गर्दै पाँचथरको मिक्लाजुङ जोड्ने सडक सञ्चालन गर्न समन्वय गर्ने निर्णय भएको छ ।सडक अवरुद्ध भएकाले खाद्यान्न तथा नुनलगायत सामग्री अभाव भयो भन्ने गु
विराटनगर / मोरङ कारागार भित्र कैदीबन्दीहरूबीच झडप भएको छ । चौकीदार किरण गुरुङले कैदीबन्दीहरू माथि यातना दिएको भन्दै मंगलबार १० बजे कारागार भित्र दोहोरो झडप भएको हो । झडपका क्रममा चौकीदार गुरूङ सहित ६ जना घाइते भएका छन् । घाइते हुनेमा शेखर राई, निर्मल ढकाल, विशाल मुक्ताङ, डिल्ली देवान र सूर्यदीप गुप्ता रहेका छन् । ज्यान मार्ने उद्योगका कैदी कार्तिक कामतको समूहले चौकीदार गुरुङ प्रशासन विरुद्ध विद्रोह गरेपछि झडप भएको थियो । झडपमा घाइते हुने कैदीबन्दीहरूलाई सामान्य चोटपटक लागेकाले उपचारको लागि कोशी अस्पताल लगिएको कारागारका निमित्त प्रमुख रामप्रसाद पोखरेलले जानकारी दिए ।
सिन्धुपाल्चोक / सिन्धुपाल्चोकको हेलम्बुमा पसलेको हत्या गरेर भागेका दुई जनालाई प्रहरीले काठमाडौँबाट पक्राउ गरेको हो । पक्राउ पर्नेमा हेलम्बु गाउँपालिका –१ का १९ वर्षीय तेन्जिङ लामा र ३० वर्षीय दावा दोर्जे लामा रहेका छन् ।तेन्जिङ र दोर्जेले गत कार्तिक १८ गते सिन्धुपाल्चोकको हेलम्बु गाउँपालिका –१ स्थित खार्चुङमा किराना पसल चलाउँदै आएका ७३ वर्षीय केर्साङ्ग लामाको हत्या गरेका थिए । केर्साङ्गको हत्यापछि उनीहरूले एक लाख ५० हजार नगद, रिचार्जकार्ड र थाङ्का लुटेर भागेका थिए ।केर्साङ्ग लामाको हत्यामा संलग्न दुवै जनालाई प्रहरीले काठमाडौँबाट पक्राउ गरिएको महानगरीय प्रहरी परिसर काठमाडौँका एसपी रमेश कुमार बस
एजेन्सी / बिरुवा हुन्छन् जुन सुन्दर हुन्छन् । फूल हेरेपछि आँखालाई अलग्गै खालको शीतलता प्राप्त हुन्छ र थकान पनि भाग्दछ ।वास्तवमा फूल केवल मानिसलाई मनपर्ने मात्र होइन अन्य जीवलाई पनि निकै लाभदायी हुन्छ । मौरी, पुतली, भमरा लगायतका कीराहरूको लागि त फूल खानाको मुख्य श्रोत नै हो । त्यसैले ढकमक्क फूलेको फूलमा मौरी, पुतली तथा भमराहरू झुम्मिएको देखिन्छ । तर संसारमा एउटा यस्तो फूल छ जसमा कहिल्यै पनि भमरा लगायतका यी कीराहरू बस्दैनन् ।यस फूलमा कहिल्यै बस्दैन भमराकहिल्यै पनि भमरा नबस्ने फूल चम्पा हो । यो फूलबाट विशेष खालको गन्ध निस्किन्छ साथै फूलमा पराग पनि हुँदैन । त्यसैले भमराहरू यो फूलक
काठमाडौँ / प्रधानन्यायाधीश चोलेन्द्र शमशेर जबराको पक्षमा प्रदर्शन गर्नेहरूलाई प्रहरीले पक्राउ गरेको छ । न्यायपालिका बचाउन भन्दै नारावाजी गर्दै नेपाल बार परिसरमा प्रवेश गर्न खोजेका केही व्यक्तिलाई प्रहरीले पक्राउ गरेको हो । तारा बराललगायत व्यक्तिहरू न्यायालय बचाऔ भन्दै प्रधानन्याधीश जबराको पक्षमा नारा लगाउँदै नेपाल बार प्रवेश गर्न खोजेका थिए । प्रदर्शनकारीलाई रोक्न खोज्दा नमाने पछि प्रहरीले उनीहरूलाई पक्राउ गरेको हो ।
धरान / सुनसरीको धरानमा श्रीमानको कुटपिटबाट श्रीमतीको मृत्यु भएको छ । मृत्यु हुनेमा धरान उप–महानगरपालिका –१५ बस्ने ३४ वर्षीया छुङकु मगर (राई) रहेकी छिन् । गत कार्तिक १८ गते बेलुका छुङकुका श्रीमान ४१ वर्षीय महेन्द्र राईले कुटपिट गर्दा उनी घाईते भएकी थिइन । घाइते छुङकुलाई केही दिन घरमै सामान्य उपचार गरी २२ गते थप उपचारको लागी बि. पी. कोइराला स्वास्थ्य विज्ञान प्रतिष्ठान घोपा लगिएको थियो ।छुङकुकाे उपचारको क्रममा मृत्यु भएको इलाका प्रहरी कार्यालय धरानले जनाएको छ । राईलाई भने प्रहरीले नियन्त्रणमा लिएको छ।
Copyright © 2021 / 2026 / Esoul Media (P) Ltd. / All Rights Reserved.
