झापा / चितवनमा आफ्नै आमाको हत्या गरेको आरोपमा छोरा पक्राउ परेका छन् । माडी नगरपालिका- ६ स्याउलिवास बस्ने ५५ वर्षीय माया देवी तामाङको हत्या गरेको आरोपमा ३७ वर्षीय अर्जुन तामाङलाई सोमबार दिउँसो प्रहरीले पक्राउ गरेको हो । घरको मकै बारीमा अर्जुनले धारिलो हतियार प्रहार गर्दा आमाको मृत्यु भएको भन्ने खबर प्राप्त हुनासाथ इलाका प्रहरी कार्यालय माडीबाट खटिएको प्रहरीले उनलाई पक्राउ गरेको हो । घटना सम्बन्धमा प्रहरीले थप अनुसन्धान गरिरहेको छ ।
बिर्तामोड / गएरातिदेखि परेको अविरल वर्षाका कारण झापाको कनकाई नदीमा आएको बाढीले कम्तीमा एक सय घर डुबानमा परेका छन् ।कनकाई नगरपालिका वडा नम्बर ६ का वडा अध्यक्ष मनोज खुलालका अनुसार बाढीको भंगालो इलाका प्रहरी कार्यालय शिवगन्ज पूर्वको मानव बस्तीमा पसेपछि एक सयभन्दा बढी घर डुबानमा परेका हुन् । उनीहरूलाई सुरक्षित स्थानमा लैजाने तयारी भइरहेको वडा अध्यक्ष खुलालले बताए ।जिल्लाको मेची, निन्दा, बिरङ्ग, कनकाई, रतुवा लगायतका ठूला नदीमा पानीको सतह बढेको छ । बाढी पूर्वानुमान महाशाखाले पनि ठूला तथा साना नदीमा एक्कासि बहाव बढ्न सक्ने भएकाले तटीय क्षेत्रमा सतर्कता अपनाउन आग्रह गरेको छ ।पछिल्लो ७ घण्टा
काठमाडौं / २१ वर्षीया महिलालाई बलात्कार गरेको आरोपमा एक युवक पक्राउ परेका छन् । पक्राउ पर्नेमा सूर्यविनायक नगरपालिका- २, बालकोट बस्ने २५ वर्षीय मनिष खत्री रहेको प्रहरीले जनाएको छ । खत्रीले सूर्यविनायक- ९, बाँसघारीस्थित रुहोसा रिसोर्टमा ती युवतीलाई बलात्कार गरेको उजुरीपछि प्रहरी वृत्त जगातीबाट खटिएको टोलीले उनलाई नियन्त्रणमा लिएर अनुसन्धान गरिरहेको प्रहरीले जनाइएको छ ।
बिर्तामोड / झापाको बिर्तामोडमा रहेको बिर्तासिटी हस्पिटलका एक पुरुष कर्मचारी कोठामा मृत फेला परेका छन् । गौरादह नगरपालिका -३ का ५१ वर्षीय डिल्लीराम बाँस्तोला आज बिहान मृत भेटिएको इलाका प्रहरी कार्यालय अनारमनीका प्रमुख प्रहरी नायब उपरीक्षक रुगमबहादुर कुँवरले जानकारी दिए । अस्पतालमा ट्रली ब्वाइको रुपमा काम गर्दै आएका बाँस्तोला ड्युटी समयमा नउठेपछि गएर हेर्दा उनी मृत फेला परेको थिए । घटनाको कानुनी प्रक्रिया पूरा शवलाई गरि पोस्टमार्टमका लागी मेची अञ्चल अस्पताल भद्रपुर लगिएको प्रहरीले जनाएको छ ।
एजेन्सी / अविरल वर्षापछि गएको पहिरोमा पुरिएर सिक्किममा तीन नेपालीको मृत्यु भएको छ । मृत्यु हुनेमा २७ वर्षीय डोल्मा शेर्पा र एउटा १० र अर्को ७ वर्षको छोरा रहेको जनाइएको छ ।राजधानी गान्तोकदेखि माथि रहेको दोकान डाँडामा सोमबार राति १ : १५ मा पहिरो गएको हो ।गान्तोकका महकुमा अधिकारी रविन सेवा आफ्नो टिमसँग तत्कालै घटनास्थल पुगी उद्धार एवं खोजी कार्यमा जुटेका थिए ।मृतकहरूको शव पोस्टमार्टमका लागि पठाएको छ ।
झापा / चट्याङ लागेर कञ्चनपुरमा २ जनाको मृत्यु भएको छ । मृत्यु हुनेमा पुनर्वास नगरपालिका- ६ टाउन बजारका ४० वर्षीय देवेन्द्र श्रेष्ठको मृत्यु भएको इलाका प्रहरी कार्यालय त्रिभुवनबस्तीले जनाएको छ । ‘चट्याङ पर्दा खेतमा मेड हालिरहेका श्रेष्ठको घटनास्थलमै मृत्यु भयो र अहिले शवपरीक्षणका लागि सेती प्रादेशिक अस्पताल लगिरहेको प्रहरीले जनाएको छ ।त्यसैगरी चट्याङ परेर पुनर्वास नगरपालिका- ८ ‘क’ गाउँका २५ वर्षीया शारदा थापाको पनि घटनास्थलमै मृत्यु भएको छ ।प्रहरी अनुसार थापाको खेतमा धान रोप्दै गर्दा खेतमा मेड हाल्ने क्रममा चट्याङ लागेर मृत्यु भएको हो । प्रहरीका अनुसार मृतक थापासँगै रहेका अर्का एक व्यक्ति समेत
काठमाडौं / वर्षाका कारण आन्तरिक तर्फको चार गन्तव्यमा उडान प्रभावित भएको छ। त्रिभुवन अन्तर्राष्ट्रिय विमानस्थल कार्यालयका अनुसार पोखरा, लुक्ला, सुर्खेत, तुम्लिङटार लगायत गन्तव्यका उडान प्रभावित भएको हो।मंगलबार विहानै देखि प्रभावित विराटनगर, भैरहवा तर्फको उडान भने खुल्ने क्रममा रहेको विमानस्थल कार्यालयले जनाएको छ।मंगलबार बुद्ध, यती, श्री, सौर्य, गुण, सीता, समिट, तारा लगायत वायुसेवा कम्पनीको कुल एक सय २८ वटा उडान तालिका रहेको विमानस्थल कार्यालयले जनाएको छ।यस अघि विभिन्न वायुसेवा कम्पनीको दैनिक एक सय ३५ वटा उडान हुँदै आएको थियो। नागरिक उड्डयन प्राधिकरणले सबै वायुसेवा कम्पनीको क्षमता अनु
काठमाडौं / नेपाल कम्युनिष्ट पार्टी एकता राष्ट्रिय अभियानका संयोजक बामदेव गौतमले नयाँ राजनीतिक दल खोल्ने भएका छन् । नयाँ पार्टी घोषणा गर्न गौतमले आज पत्रकार सम्मेलन गर्न लागेका छन् । मंगलबार दिउँसो ३ बजे रिपोर्टर्स क्लबमा पत्रकार सम्मेलन गरेर उनले नयाँ दलको घोषणा गर्ने एकता राष्ट्रिय अभियानका प्रचार विभाग प्रमुख निमकान्त पाण्डेले जानकारी दिए । गौतमको नयाँ पार्टीमा ७० जना केन्द्रीय कमिटी सदस्य रहने जनाइएको छ । नेकपा विभाजन पश्चात् छुट्टै अभियानमा रहेका गौतमले आफू पक्षधरको भेला गर्दै आएका थिए । नेकपालाई पुनर्जीवित गर्ने प्रयासमा रहेका उनी पनि एकीकरण हुने अवस्था नबनेपछि नयाँ दल गठन गर्न लागेक
बिर्तामोड / देशभर मनसुनी वायुको प्रभाव रहँदा आज बिहानै देखि कर्णाली, प्रदेश –१ र मधेस प्रदेशका एकदुई स्थानमा तथा बाँकी प्रदेशका केही स्थानमा मेघ गर्जन र चट्टयाङसहित हल्कादेखि मध्यम वर्षा भइरहेको छ ।जल तथा मौसम विज्ञान विभागका अनुसार आज दिउँसो देशभर सामान्यदेखि पूर्ण बदली रहनेछ । देशका धेरै स्थानमा हल्कादेखि मध्यम वर्षाको सम्भावना रहेको छ । भारी वर्षाको सम्भावना रहेका क्षेत्रमा भू–क्षय, पहिरो तथा गेग्रान बहावको जोखिम रहेको विभागले जनाएको छ । नदी, नाला तथा खहरे खोलाहरूमा पानीको सतह बढ्न सक्ने तथा यातायात क्षेत्रसमेत प्रभावित हुन सक्ने भएकाले आवश्यक सतर्कता अपनाउन विभागले आग्रह गरेको छ ।
काठमाडौँ / घुसकाण्डमा मुछिएका काठमाडौं जिल्ला अदालतका न्यायाधीश राजकुमार कोइराला निलम्बित भएका छन् । न्यायाधीश कोइराला र अधिवक्ता रुद्र पोखरेलबीच इच्छाराज तामाङको मुद्दाको विषयलाई लिएर भएको घुस प्रकरण बाहिरिएपछि न्यायपरिषद् बैठकले छानबिन समिति बनाएको थियो ।छानबिन समिति गठन बारेको सूचना सोमबार राजपत्रमा प्रकाशित भएसँगै उनी निलम्बनमा परेका हुन् । परिषद्का सदस्य रामप्रसाद श्रेष्ठको अध्यक्षतामा गठित जाँचबुझ समितिलाई ४५ दिनभित्र प्रतिवेदन पेश गर्न कार्यादेश दिइएको छ ।
Copyright © 2021 / 2026 / Esoul Media (P) Ltd. / All Rights Reserved.
