झापा / डोटीमा फट्के तर्ने क्रममा सेती नदीमा खसेर एक जना गर्भवती महिलाको मृत्यु भएको छ । रोपाइ गर्नका लागि नदी पारी रहेको खेतमा जान खोज्दा आदर्श गाउपालिका- ६ की १८ वर्षीया ढुल्लु अधिकारीको फट्केबाट नदीमा खसेर मृत्यु भएको हो । गत मङ्सिरमा विवाह गरेकी उनको शव फट्के नजिकै फेला परेको थापाले बताए । गत वर्षको कात्तिकमा आएको बाढीले सेती नदीको झोलुङ्गे पुल बगाएपछि स्थानीय बासिन्दाले अस्थायी फट्के हालेर ओहोरदोहोर गरिरहेका छन् ।
काठमाडौँ / सरकारले मन्त्रिपरिषद् बैठकका महत्वपूर्ण निर्णयहरू सार्वजनिक गरेको छ । सरकारका प्रवक्ता एवम् सूचना प्रविधिमन्त्री ज्ञानेन्द्र काकीले जेठ ३१ गते बसेको मन्त्रिपरिषद् बैठकले गरेका १९ निर्णयहरू सार्वजनिक गरेका हुन् ।सरकारले सार्वजनिक खरिद पुनरावलोकन समितिका अध्यक्ष भीमकुमार ओझाले दिएको राजीनामा स्वीकृत गर्दै मोहनकृष्ण सापकोटालाई नियुक्ति गरेको छ। त्यस्तै नेपालका लागि अस्ट्रियाका अवैतनिक वाणिज्य दूत राजेशबाबु श्रेष्ठलाई अस्ट्रियाबाट प्रदान गरिने डेकोरेसन अफ अनर इन सिल्भर र द ब्रिगेड अफ गुर्खाजका भूपू सैनिकहरु धर्मराज तामाङ र वीरबहादुर थापालाई बेलायती महारानीबाट प्रदान गरिने ब्रिटिश इ
काठमाडौँ / ग्यालेक्सी फोर के टेलिभिजनमा कार्यरत सञ्चारकर्मी रवि लामिछाने आगामी संसदीय चुनावमा काठमाडौंबाट स्वतन्त्र उम्मेदवार बन्ने भएका छन् । संसदीय चुनावमा उम्मेदवारी दिन उनले आज (बिहीबार) टेलिभिजनबाट राजिनामासमेत दिएका छन् । ग्यालेक्सीको कार्यालयमा आयोजित बिदाई कार्यक्रममा टेलिभिजनका कर्मचारीहरूसँग बोल्दै लामिछानेले आजैका मितिदेखि राजनीतिमा प्रवेश गरेको बताएका हुन् ।लामिछानेले काठमाडौंको कुन निर्वाचन क्षेत्रबाट लड्ने भन्ने चाहिँ अन्तिम टुंगो लागिसकेको छैन । तर, उनले ३ नम्बर क्षेत्र रोज्ने सम्भावना प्रबल रहेको स्रोतको भनाइ छ । लामिछाने उक्त टिभीका संस्थापक तथा प्रस्तोता थिए । रविले
काठमाडौँ / प्रमुख प्रतिपक्षी नेकपा एमालेले अर्थमन्त्री जनार्दन शर्माको राजीनामा माग्दै संसद्मा अवरोध गरेको छ।सभामुख अग्निप्रसाद सापकोटाले बजेटमाथि उठेका प्रश्नको जवाफका लागि अर्थमन्त्री शर्मालाई रोस्टममा बोलाएपछि एमाले सांसदहरुले उठेर अवरोध गरेका हुन्।एमालेका सांसदहरू उठेपछि सभामुख सापकोटाले भानुभक्त ढकाललाई बोल्न दिएका थिए । ढकालले अर्थमन्त्री शर्मा विचौलियाको चङ्गुलमा फसेको भन्दै शर्माको जवाफ आफूहरूलाई नचाहिएको बताए। त्यस्तै उनले अर्थमन्त्रीको कार्यसूची नहटाएसम्म अवरोध जारी राख्ने बताए। हाल एमाले सांसदहरुले उठेर अवरोध जनाइरहेका छन्।
झापा / सङ्खुवासभामा बलात्कार कसुरमा कैद भुक्तान गरिरहेका एक जनाको मृत्यु भएको छ । जिल्ला कारागार खाँदबारीमा पाँचखपन नगरपालिका- २ स्याबुनका ३९ वर्षीय सुरेश तामाङको आज मृत्यु भएको कारागार प्रशासनले जनाएको छ ।असार १ गते साँझ खाना खाएर सकुशल सुतेका तामाङ राति अचानक बिरामी भएपछि उपचारका लागि जिल्ला अस्पताल भर्ना गरिएको थियो । अस्पतालमा उपचारका क्रममा असार २ गते बिहान ५ बजे मृत्यु भएको जिल्ला कारागार खाँदबारीका प्रमुख विनोद अधिकारीले बताएका छन् ।
रूपन्देही / रूपन्देहीमा आफ्नै पसलमा काम गर्ने १४ वर्षीया बालिका बलात्कार गरेको आरोपमा एक जना पक्राउ परेका छन् । पक्राउ पर्नेमा सैनामैन नगरपालिका- ३ मुर्गिया बस्ने ६० वर्षीय मइते थापा रहेको प्रहरीले जनाएको छ । बुधबार पक्राउ गरेको छ । ती बालिकालाई थापाले लामो समयदेखि बलात्कार गर्दै आएको प्रहरीले जनाएको छ । घटनाबारे जानकारी पाए लगतै इलाका प्रहरी कार्यालय रन्यौराबाट खटिएको प्रहरी टोलीले उनलाई बुधबार पक्राउ गरेको हो । पक्राउ परेका थापा माथि थप अनुसन्धान भइरहेको प्रहरीले जनाएको छ ।
झापा / कैलालीमा १६ वर्षीया किशोरीलाई बलात्कार गरेको आरोपमा एक युवक पक्राउ परेको छन् । पक्राउ पर्नेमा जानकी गाउँपालिका- २ बडरिया बस्ने २२ वर्षीय हरि शंकर चौधरी रहेको प्रहरीले जनाएको छ ।चौधरीले ती किशोरीलाई जेठ २७ गते राति आफ्नै घरमा बलात्कार गरेको प्रहरीले जनाएको छ । घटनाबारे जानकारी पाउन साथ इलाका प्रहरी कार्यालय टिकापुरबाट खटिएको प्रहरीले उनलाई बुधबार पक्राउ गरि थप अनुसन्धान गरिरहेको छ ।
काठमाडौं / काठमाडौं उपत्यकाका विभिन्न स्थानबाट नेपाल प्रहरीको लागू औषध नियन्त्रण ब्युरोले ५० केजी हेरोइन बरामद गरेको छ । लामो अपरेसनपछि अहिलेसम्मकै ठूलो परिमाणमा हेरोइन बरामद गरिएको ब्युरोले जनाएको छ । यसबारे विस्तृत विवरण आज दिउँसो साढे २ बजे पत्रकार सम्मेलन गरेर सार्वजनिक गर्ने ब्युरोको तयारी छ ।
बिर्तामोड / सुनसरीको कोशी गाउँपालिका २ स्थितबाट प्रहरीले कटुवा पेस्तोल र लागूऔषध सहित १ जनालाई पक्राउ गरेको छ । पक्राउ पर्नेमा इटहरी उप- महानगरपालिका- ३ सुनसरी घर बताउने १९ वर्षीय रोहित राई रहेको प्रहरीले जनाएको छ । गोप्य सूचनाका आधारमा इलाका प्रहरी कार्यालय लौकहीबाट खटिएको प्रहरी टोलीले हिजो बिहान कोशी गाउँपालिका- २ स्थितबाट राईलाई कटुवा पेस्तोल १ थान, गोलीको खोका १ थान, लागूऔषध डाइजापाम १० एम्पुल, नाइट्रोजन १० ट्याबलेट, लिजेसिक ३ एम्पुल, ट्रामाडोल ३३७५ पिस सहित पक्राउ गरेको हो । कटुवा पेस्तोल र लागुऔषध सहित पक्राउ परेका उनको जिल्ला प्रहरी कार्यालय सुनसरीबाट थप अनुसन्धान भइरहेको प्रहरीले जनाए
चितवन / सामुदायिक वनमा निउरो टिप्न गएकी एक महिला बाघको आक्रमणमा परी बेपत्ता भएकी छिन् । जिल्ला प्रहरी कार्यालय चितवनका अनुसार भरतपुर महानगरपालिका –२७ बस्ने २३ वर्षीय रेखा बस्नेतलाई बाघले आक्रमण गरेको हो । स्थानीय राधाकृष्ण सामुदायिक वनमा निगुरो टिप्न आएकामध्ये उनलाई बिहीबार बिहान करिब ७ बजेतिर बाघले आक्रमण गरको प्रहरीले जनाएको छ ।बस्नेतसहित करिब १० जनाको समूह निउरो टिप्न गएकोमा बस्नेतलाई बाघले आक्रमण गरेर जङ्गलतर्फ लगेको सूचना अधिकारी नरहरि अधिकारीले बताए । बाघले जङ्गलतर्फ लगेको भन्ने सूचना प्राप्त हुनासाथ नेपाल प्रहरी, नेपाली सेना सहितको टोलीले खोजीकार्य जारी राखेको छ । ह
Copyright © 2021 / 2026 / Esoul Media (P) Ltd. / All Rights Reserved.
