काठमाडौं / काठमाडौंको गुहेश्वरी खोलामा एक युवाको शव फेला परेको छ ।खोलामा घोप्टो परेको अवस्थामा आज बिहान शव देखेपछि स्थानीय बासिन्दाले प्रहरीलाई खबर गरेका थिए । प्रहरी घटनास्थल पुगेको छ ।शव कसको हो भन्ने पहिचान खुलेको छैन ।करिब ३५ / ४० वर्ष उमेरको देखिने युवाको शव फेला परेको प्रहरीले बताएको छ । घटनाबारे अनुसन्धान भइरहेको प्रहरीको भनाइ छ ।
झापा / तीव्र गतिका कारण एम्बुलेन्स दुर्घटना हुँदा सिन्धुपाल्चोकमा एक जनाको मृत्यु भएको छ । सिन्धुपाल्चोकको लामोसाँघु- जिरी सडकखण्ड अन्तर्गत दुई किलोमा एम्बुलेन्स दुर्घटना भएको हो । मृत्यु हुनेमा स्थानीय ७५ वर्षीया मनमाया खड्का रहेको प्रहरीले जनाएको छ । एम्बुलेन्स सुनकोशी गाउँपालिका वडा नम्बर ७ स्थित दुई किलोमा गए राति बा २० च ६३२७ नम्बरको एम्बुलेन्स अनियन्त्रित भई सडक छेउको एक घरमा छिरेको थियो । उक्त एम्बुलेन्स खाडीचौर बचत तथा ऋण सहकारी संस्थाले सञ्चालन गर्दै आएको थियो । तीव्र गतिका कारण एम्बुलेन्स दुर्घटनामा परेको अनुमान छ ।
काठमाडौं / पेट्रोलियम पदार्थको मूल्यवृद्धि भएपछि पर्साको वीरगञ्जका खुद्रा ढुवानी व्यवसायीले सम्पूर्ण ढुवानी सेवा बन्द गरेका छन् ।ढुवानी व्यवसायी सङ्घ वीरगञ्जका अनुसार पेट्रोलियम पदार्थमा भएको मूल्यवृद्धिको प्रत्यक्ष प्रभाव ढुवानी व्यवसायीलाई परेको भन्दै उनीहरूले ढुवानी सेवा बन्द गरेका हुन् । पेट्रोलियम पदार्थमा अत्यधिक मूल्य वृद्धि भए पनि ढुवानी भाडामा वृद्धि नभएकाले तत्कालका लागि सबै प्रकारका ढुवानी सेवा बन्द गरिएको सङ्घका उपाध्यक्ष प्रविन कुमार कर्णले जानकारी दिए । वीरगञ्जबाट दैनिक कम्तीमा ४० देखि ६० व्यवसायीले खुद्रा सामग्री लिएर पूर्व–पश्चिमका विभिन्न सहरमा जाने गरेका थिए ।
काठमाडौँ / राहदानी विभागले (आइतबार) पनि सेवा प्रवाह गर्ने भएको छ । नीति तथा कार्यक्रममा विद्युतीय राहदानी सहज रुपमा उपलब्ध गराउन उल्लेख गरेकाले १५ गतेबाट सार्वजनिक बिदाको दिन पनि नियमित रुपमा खुल्ने भएको हो ।विभागका अनुसार सेवाग्राहीको चाप बढेकाले सार्वजनिक बिदाको दिन पनि सेवा दिन लागेको हो । अर्को व्यवस्था नभएसम्म आइतबार १० देखि ४ बजेसम्म खुल्ने भएको हो ।त्यस्तै विभागले राहदानीको लागि आवेदन दिएका सेवाग्राहीले बुकिङ गरेको सम्बन्धित मिति र समयमा विभागमा आउन अनुरोध गरेको छ ।
दैलेख / दैलेखको आठबिस नगरपालिका –२ स्थित सिस्नेमा बस दुर्घटनामा हुँदा चार जनाको मृत्यु भएको छ भने ३३ जना घाइते भएका छन् । मृत्यु हुनेमा दैलेखको दुल्लु नगरपालिका –९ का प्रेम सुनार र काशीराम पाण्डे, कालीकोटको पलता गाउँपालिका –३ का ज्ञानबहादुर बम र धनकला शाही रहेका छन् । बुधबार राति कालीकोटबाट सुर्खेत हुँदै नेपालगञ्ज जाँदै गरेको म१ख ६६० नम्बरको बस दुर्घटना भएको जिल्ला प्रहरी कार्यालय दैलेखका प्रहरी नायब उपरीक्षक भुवनेश्वर साहले जानकारी दिए । सहका अनुसार घाइतेहरूको स्थानीय स्वास्थ्य चौकी र कर्णाली प्रदेश अस्पताल सुर्खेतमा उपचार भइरहेको छ ।
अछाम / अछाममा मलामी बोकेको ट्याक्टर दुर्घटना हुँदा एक जनाको मृत्यु भएको छ भने २४ जना घाइते भएका छन् । जिल्लाको पञ्चदेवल विनायक नगरपालिका –४ कालिकास्थान टोट्केसालमा भे १ त ८९३७ नम्बरको ट्याक्टर दुर्घटना हुँदा सोही नगरपालिका –१ का अमरनाथ धमलाको घटनास्थलमै मृत्यु भएको हो । हाइड्रोलिक लिक भएर ट्याक्टर ट्रलीको पल्टिँदा दुर्घटनामा परेको थियो । दुर्घटनामा घाइते भएकाहरूलाई उपचारका लागि मंगलसैन ल्याइँदै गरेको जिल्ला प्रहरी कार्यालय अछामका प्रमुख प्रहरी नायब उपरीक्षक रविराज थपलियाले जानकारी दिए ।
झापा / सिरहाको लहान नगरपालिकामा दैनिक ज्यालादारीमा भर्ती भएका ८१ जना कर्मचारीलाई हटाएको छ ।नवनिर्वाचित मेयर महेशप्रसाद चौधरीले विभिन्न नाममा कार्यकर्ता भर्ती गरेर नगरपालिकाको राजश्व दोहन मात्रै गरेको भन्दै ज्यालादारी कर्मचारी हटाएको बताए ।‘मेयरको सुरक्षादेखि घरमा समेत काम गर्ने, मेयरको भाइको सुरक्षाको लागि भनेर खटाइएका, वडाहरूमा विभिन्न पद दिएर राखिएका ज्यालादारी कर्मचारी हटाएको हौं,’ उनले भने, ‘हामी काम गर्ने सक्षम कर्मचारी राख्छौँ । सकेसम्म सरकारी, निजामती कर्मचारीको व्यवस्था गर्छौ नत्र अति आवश्यक स्थानमा मात्रै करारका कर्मचारी राख्छौँ ।’चौधरीका अनुसार ज्यालादारी कर्मचारीको लागि नगरपालिकाबाट
बिर्तामोड / इलामको देउमाई नगरपालिकाका नवनिर्वाचित मेयर सूर्यप्रसाद पोखरेलले विद्यालयहरूमा आइतबार बिदा नदिने आदेश गरेका छन् ।जेठ ९ गते पदभार ग्रहण गर्दै उनले सामुदायिक विद्यालयमा शनिबार एक दिन मात्र विदा गरी बाँकी ६ दिन यथावत रुपमा पठनपाठन हुने निर्णय गरेका हुन् ।नगरपालिकाका शिक्षा, युवा तथा खेलकुद शाखाका प्रमुख रुपेन्द्रप्रसाद न्यौपानेले सबै विद्यालयमा पत्राचार गर्दै मेयरको आदेश अनुसार पठन पाठन गराउन आग्रह गरेका छन् ।सरकारले जेठ १ देखि सामुदायिक विद्यालयहरूमा पनि आइतबार सार्वजनिक बिदा दिएको छ । तर देउमाईका मेयर पोखरेलले भने आइतबार बिदा नदिने निर्णय गरेका हुन् ।
बिर्तामोड / झापाको बिर्तामोड नगरपालिका वडा नं -५ का बस्ने ३८ वर्षीय डाल कुमार राईको घरको कोठामा जुवा जन्य खेल खेलिरहेको अवस्थामा प्रहरीले ५ जनालाई पक्राउ गरेको छ । गोप्य सुचानको आधारमा इलाका प्रहरी कार्यालय अनारमनीबाट खटिएको प्रहरी टोलीले उनीहरूलाई नगद १, ७४, ६३५ तिन बुक तास र १५ थान कौडा सहित पक्राउ गरेको हो । पक्राउ पर्नेहरुमा इलाम सूर्योदय नगरपालिका -१० का ३० वर्षीय दिल कुमार श्रेष्ठ , बिर्तामोड नगरपालिका -५ का ३१ सन्जिप घतानी , ४२ वर्षीय ससुहाङ चेम्जोङ, ३८ वर्षीय डाल कुमार राई , र मेचीनगर नगरपालिका -२ का ४८ वर्षीय भूपू राई रहेको प्रहरीले जनाएको छ । पक्राउ परेका उनीहरू
बिर्तामोड / राप्रपाका केन्द्रीय सदस्य तथा नेपाल सनातन धर्म संस्कृति सङ्गठनका अध्यक्ष पुष्पराज पुरुष भनिने पुष्पराज पौडेललाई प्रहरीले पक्राउ गरेको छ । अर्काको जग्गाको किर्ते कागज बनाई ८ करोडभन्दा बढी रकम ठगी गरेको आरोपमा महानगरीय प्रहरी परिसर काठमाडौंको टोलीले पौडेललाई पक्राउ गरेको हो ।महानगरीय प्रहरी परिसर काठमाडौंका एसएसपी विश्वराज पोखरेलले दिएको जानकारी अनुसार पौडेलसहित सुनसरीको धरान- ९ घर भइ काठमाडौं- १० मा बस्दै आएका ५९ वर्षीय गोकुल श्रेष्ठलाई पनि प्रहरीले पक्राउ गरेको छ ।अर्काको नाममा भएको जग्गालाई नक्कली लालपुर्जा देखाएर कीर्ते कागजात खडा गरी उनीहरूले ८ करोड ३७ लाख रुपैयाँ ठगी गरेक
Copyright © 2021 / 2026 / Esoul Media (P) Ltd. / All Rights Reserved.
