झापा / संयुक्त राष्ट्रसंघको साधारणसभामा एक सय ४३ सदस्य देशले युक्रेनमाथि रुसले गरेको बर्बर र पाशविक आक्रमणको निन्दा र भर्त्सना गर्दै खेद प्रस्ताव पारित गरेका छन् । त्यसमा नेपालले पनि उक्त प्रस्तावको पक्षमा मतदान गरेको हो ।बुधबार भएको मतदानमा एक सय ४३ देशले युक्रेनको पक्षमा मतदान गरेका छन् भने पाँच देशले विपक्षमा मतदान गरे । बेलारुस, उत्तर कोरिया, निकारागुवा, रुस र सिरियाले विपक्षमा मतदान गरेका हुन् । त्यस्तै ३५ देश भने मतदानको समयमा अनुपस्थित रहेका थिए। उक्त प्रस्तावमा रुसले गरेको अन्तर्राष्ट्रिय मान्यता प्राप्त सीमाभित्र तथाकथित रुपमा गरिएको जनमत सङ्ग्रहको निन्दा गर्ने बताइएको छ ।
एजेन्सी / पाकिस्तानको जामशोरोमा यात्रुवाहक बसमा आगलागी हुँदा १८ जनाको मृत्यु भएको छ । बुधबार कराँचीबाट बाढीपीडित लिएर खैरपुर नाथन शाह फर्कँदै गरेको बस नूरियाबाद नजिकै आगलागी भएको हो । जामशोरोका पूर्व वरिष्ठ प्रहरी उपरीक्षक जावेद बलोचका अनुसार बसमा आगलागी हुँदा आठ बालबालिकासहित १८ जनाको मृत्यु भएको छ भने १७ जना घाइते भएका छन्। बसमा सवार सबै मुगरी समुदायका थिए। दुर्घटनापछि उनीहरूको तत्कालै उद्धार गरी जामशोरोस्थित लियाकत विश्वविद्यालय अस्पताल लगिएको छ। आगलागीबाट बच्न केही यात्रुले बसबाट हाम फालेका थिए।
बिर्तामोड / झापाको मेचीनगर नगरपालिका -६ गैरिगाउँ स्थितबाट भन्सार छलेर नेपाल भित्राएको लत्ताकपडा प्रहरीले बरामद गरेको छ । बुधबार दिउसो ४ बजे जिल्ला प्रहरी कार्यालय झापा र इलाका प्रहरी कार्यालय काँकरभिट्टाबाट खटिएको प्रहरी टोलीले भन्सार छली ल्याएको १६,०००० मूल्य बराबरको अवैध कपडा बरामद गरेको हो । ४ पोकामा रहेको २७० पिस भेस्टलाई आवश्यक कारवाहीको लागी मेची भन्सार कार्यालय काँकरभिट्टा बुझाइएको जिल्ला प्रहरी कार्यालय झापाका प्रहरी नायब उपरीक्षक बसन्त पाठकले जानकारी दिए ।
बिर्तामोड / नेपाली कांग्रेसको नीति विपरित गतिविधि गर्ने पार्टीका क्षेत्रीय प्रतिनिधि बिर्तामोड निवासी कुमार भट्टराईसहित पाँचजनालाई नेपाली कांग्रेसले कारबाही गरेको छ । नेपाली कांग्रेस बिर्तामोड नगर समिति र क्षेत्र नं -२ प्रदेश क समितिले पार्टी नीति विपरित गठबन्धनका साझा उम्मेद्वार विरुद्ध उम्मेद्वारी दिने भट्टराई र उनका समर्थक रामप्रसाद मैनालीलाई कारबाही गर्न जिल्ला कार्य समितिलाई सिफारिस गरेको हो ।त्यसैगरी प्रदेश क मै प्रदेशसभा सदस्यमा उम्मेद्वारी दिने क्रियाशील सदस्यहरू राजु प्रसाईँ र उनका समर्थक पर्शुराम भट्टराई एवं कमल सिटौलालाई साधारण सदस्यता समेत नरहने गरी पार्टीबाट निष्क
झापा / धनकुटा नगरपालिका -९ चिम्सुवाबाट नियन्त्रित लागूऔषध गाँजा सहित २ जनालाई प्रहरीले पक्राउ गरेको छ । विशेष सूचनाको आधारमा प्रहरी चौकी मुलघाटबाट खटिएको प्रहरी टोलीले बुधवार बिहान साँढे १० बजे शहिदभुमी गाउँपालिका-३ की ४९ वर्षीया विष्णु कुमारी राई र ४३ वर्षीय उद्धिम भनिने उमेश राईलाई ५/५ केजी लागूऔषध गाँजा सहित पक्राउ गरेको हो । लागूऔषध सहित पक्राउ परेका उनीहरूको सम्बन्धमा थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।
बिर्तामोड / झापाको कन्काई नगरपालिका -३ मा मोटरसाइकल दुर्घटना हुँदा एकजनाको मृत्यु भएको छ । मृत्यु हुनेमा मोटरसाइकल चालक मोरङ उर्लाबारी -४ का ५३ वर्षीय नागेन्द्र प्रसाद कोइराला रहेको छन् । आज बिहान साँढे ११ बजेको समयमा पश्चिमबाट पूर्वतर्फ आउँदै गरेको को २५ प ४६५१ नम्बरको मोटरसाइकल आफै अनियन्त्रित भई दुर्घटना हुँदा घाईते भएका कोइरालाको उपचारको क्रममा बिर्तासिटी अस्पताल बिर्तामोडमा मृत्यु भएको इलाका प्रहरी कार्यालय अनारमनीले जनाएको छ । घटना सम्बन्धमा प्रहरीले थप अनुसन्धान गरिरहेको छ ।
झापा / धनुषाको सहिदनगर नगरपालिका -१ चिरैया बस्ने ६० वर्षीया अजोधी सहनीको हत्या गरेको अभियोगमा प्रहरी एकजनालाई पक्राउ गरको छ । पक्राउ पर्नेमा सोही ठाउँ बस्ने ५० वर्षीय श्याम सुन्दर सहनी रहेका छन् । उनीहरूबीच लेनदेनको विषयमा सोमबार राति विवाद तथा झैं- झगडा हुँदा श्याम सुन्दरले चक्कु प्रहार गर्दा गम्भीर घाइते भएका उनको न्युरो अस्पताल विराटनगरमा उपचारको क्रममा गएराति मृत्यु भएको हो । अजोधी सहनीको मृत्यु भएको भन्ने खबर प्राप्त हुनासाथ अस्थायी प्रहरी पोष्ट खरियानीबाट खटिएको प्रहरीले उनलाई बुधबार बिहान पक्राउ गरि यस सम्बन्धमा आवश्यक अनुसन्धान गरिरहेको छ ।
बिर्तामोड / प्रहरीले आज बिहान शिवसतासी नगरपालिका -१ धरमपुर चौकबाट अवैध रुपमा लुकाई छिपाई राखेको सखुवा जातको चिरान काठ बरामद गरेको छ । इलाका प्रहरी कार्यालय झिलझिलेबाट खटिएको प्रहरी टोलीले शिवसतासी -१ धरमपुर चौक बस्ने खगेन्द्र प्रसाद दाहालको घरबाट सखुवा जातको ७२.६३ क्यु . वि चिरान काठ फेला पारी बरामद गरेको हो । काठ सहित पक्राउ परेका दाहाललाई भने आवश्यक कारवाहीको लागी डिभिजन बन कार्यालय चन्द्रगढी झापा पठाइएको जिल्ला प्रहरी कार्यालय झापाका (प्रवक्ता) प्र .ना . उ बसन्त पाठकले जानकारी दिएका छन् ।
बिर्तामोड / झापाको मेचीनगरबाट प्रहरीले भन्सार छलेर नेपाल भित्राएको लत्ताकपडा बरामद गरेको छ । बुधबार राती (बिहान) १२ बजे इलाका प्रहरी कार्यालय काँकरभिट्टाबाट खटिएको प्रहरी टोलीले मेचीनगर नगरपालिका स्थितमा नेपाल तर्फ अवैध रुपमा भन्सार छली गरी ल्याई बेवारिसे अवस्थामा राखेको रु ३,५०,००० मूल्य बराबरको कपडा बरामद गरेको हो । यस्तै बुधबार राती नै २ बजे इलाका प्रहरी कार्यालय काँकरभिट्टाबाट खटिएको प्रहरी टोलीले मेचीनगर -६ स्थितमा बेवारिसे अवस्थामा राखेको रु १,५०,००० मूल्य बराबरको लत्ताकपडा बरामद गरेको छ । बरामद भएका दुवै सामानहरू आवश्यक कारवाहीको लागी मेची भन्सार कार्यालय काँकरभिट्टा बुझाउने तयारी
बिर्तामोड / मोरङको विराटनगर महानगरपालिका -१२ स्थितबाट प्रहरीले अवैध रूपमा भन्सार छली गरी नेपाल ल्याउँदै गरेको इलेक्ट्रोनिक सामानहरू बरामद गरेको छ । सोमबार बेलुका विराटनगरको दरैया स्थितमा जिल्ला प्रहरी कार्यालय मोरङबाट खटिएको प्रहरी टोलीले को १ च ३१७८ नम्बरको भेनलाई चेक जाँच गर्ने क्रममा अवैध रुपमा भन्सार छली गरी नेपाल ल्याउदै गरेको बिभिन्न प्रकारका इलेक्ट्रोनिक समानहरु बरामद गरेको हो । बरामद गरिएका करिव ४ लाख ७० हजार मूल्य बराबरका इलेक्ट्रोनिक समान र भेनलाई आवश्यक कारवाहीको लागि भन्सार कार्यालय रानी विराटनगरमा बुझाइएको छ ।
Copyright © 2021 / 2026 / Esoul Media (P) Ltd. / All Rights Reserved.
