जाजरकोट / जाजरकोटमा एक गर्भवती महिलाको करेन्ट लागेर मृत्यु भएको छ ।नलगाड नगरपालिका १० बस्ने २३ बर्षिय रमिता ध्यारको उपचारका क्रममा मृत्यु भएको हो ।
शनिबार बेलुकी साढे ६ बजे घर नजिकै रहेको धारामा लुगा धोएर लघु जलविद्युत आयोजनाको तारमा कपडा सुकाउन जादाँ ध्यारलाई करेन्ट लागेको थियो ।
करेन्ट लागेर घाईते भएकी उनको उपचारका क्रममा राति साढे ९ बजे मृत्यु भएको जिल्ला प्रहरी कार्यालय जाजरकोटले जानकारी दिएको छ ।
ध्यारलाई करेन्ट लागेको देखेर बचाउन गएका २५ बर्षिय प्रमिला ध्यार र ६५ बर्षिय बेलु ध्यार घाईते भएका छन् । घाईते उनीहरुको पश्चिम रुकुमको आठबीसकोट नगरपालिकाको नगर अस्पतालमा उपचार भईरहेको छ ।
