सिमकोट / हुम्लाको खार्पुनाथ गाउँपालिका-२ थालीको झोबन्ना र भात्खानका गरी १०
घरधुरी पहिरोको उच्च जोखिममा छन् ।
दुई दिनको लगातारको
वर्षाले झोबन्नाका ६ र भात्खानका ४ वटा घर
उच्च जोखिममा रहेको स्थानीयवासी हरिबहादुर रावलले जानकारी दिएका छन् । मङ्सिरदेखि
चैतसम्म बसोबास हुने यस क्षेत्रमा गाउँको माथि पट्टिबाट पहिराको लेदो बग्न थालेको
रावलले जानकारी दिएका छन्।
गाउँको
माथिपट्टि खेतीयोग्य जमीन रहेकाले माथिबाट बगेर आउने पानीले लेदो बनाएर बगेर आउँदा
घरहरू पहिराको जोखिममा परेका छन् । यो समय झोबन्ना र भात्खानमा गाईवस्तु
पालनपोषणका लागि लैजाने हो । उक्त क्षेत्रमा वडा नं २ का १० घरपरिवार बसोबास गर्दै
आएको छ । यो क्षेत्रमा बस्तीमाथि जताततै भिरालो र भिर भएकाले थप जोखिम बढेको हो ।
झोबन्ना र
भात्खान क्षेत्रमा सिंह रावल, कर रावल, माने रावल, अज रावल, लब छत्याल, नैनबहादुर छत्याल, कुस छत्याल, बिर्ख छत्याल, डिल्ली रावल, छत्त रावल, बुदे रावल, भगर रावललगायतका परिवार बसोबास गर्दै आएको
छ ।
