काठमाडौं / नेपाल राष्ट्र बैंकले पुराना नोटबाट
ब्रिक्रेट बनाई इन्धनको रुपमा प्रयोग गर्न मिल्ने बनाएको छ ।
नोट पुरानो भएमा वा च्यातिए पछि सर्वसाधारणले साटेका नोटलाई बैंक तथा वित्तीय
संस्थाले जलाएर नष्ट गर्दै आएका
थिए । यसअघि राष्ट्र बैंकको बैंकिङ विभागमा
सटही गरि बजारमा पठाउन
नमिल्ने नोटलाई जलाउने गरिएको थियो ।
जलाएर नष्ट गरिने उक्त नोटलाई अब मेसिनले टुक्र्याएर ब्रिकेट बनाइ इन्धनको रुपमा प्रयोग गर्न मिल्ने व्यवस्था गरेको राष्ट्र बैंकले जनाएको छ ।
बिक्रेट बनाउन नेदरल्याण्डबाट नोट सेडिङ मेसिन ल्याईएको छ । उत्पादित बिक्रेटबाट आगो ताप्न र उद्योग कारखानामा प्रयोग गर्न सकिने राष्ट्र बैंकका प्रवक्ता देवकुमार ढकालले जानकारी दिएका छन् ।
एक साता अघि ल्याइएको उक्त मेसिनलाई गभर्नर र डेपुटी गभर्नरले परीक्षण गरेका थिए । कार्यक्रममा परीक्षणका रुपमा ५ सय बण्डल नोटलाई सेडिङ गरिएको थियो । मेसिनले नोटलाई धुलो बनाएर इन्धनको रुपमा प्रयोग हुने सानो गोलो आकारको डल्लो बनाएको थियो ।
