इनरुवा / लागूऔषध ब्राउन सुगर सहित प्रहरीले सुनसरीको इनरुवा नगरपालिका ५ स्थित बसपार्कबाट कार सहित ४ जनालाई नियन्त्रणमा लिएको छ । पक्राउ पर्नेको साथबाट १३० ग्राम ब्राउन सुगर बरामद भएको प्रहरीले जनाएको छ ।
पक्राउ पर्नेमा सप्तरीको हनुमाननगर कंकालिनी १४ का २० वर्षीय अमोद कुमार यादव, सप्तरीको तिलाठी कोलारी ४ का २० बर्षीय ईनर कुमार मुखिया, सप्तरी रामपुर मलहनिया १४ का २४ वर्षीय बिनोद कुमार कामत, सप्तरी तिलाठी कोलारी ४ का १९ वर्षीय रमेश मुखिया र तिलाठी कोलारी ४ का २२ वर्षीय फुल कुमार मुखिया रहेका छन् ।
लागूऔषध नियन्त्रण व्यूरो विराटनगर र जिल्ला प्रहरी कार्यलय सुनसरीको प्रहरी टोलीले बा १४ च ६१४५ नम्बरको कारसहित उनीहरुलाई पक्राउ गरेको हो ।
