दाङ / दाङको देउखुरीमा आज बिहान टाटा सुमो गाडी दुर्घटना हुँदा ८ जना घाइते भएका छन् ।
घाइते हुनेमा १७ वर्षीया मीना घर्ती, १५ वर्षीया रबिना घर्ती, १० वर्षीय विजय घर्ती, ३५ वर्षीया जिता घर्ती, २२ वर्षीया कुमारी राना, वर्ष २२ कै लक्ष्मी खड्का, ३ वर्षका आरस खड्का, ५३ वर्षीया दिलसरी राना र लमही ६ देउपुर निवासी वर्ष ३६ को तुल्सीराम न्यौपाने
रहेका छन् ।
प्युठानको बिजुवारबाट दाङको सतबरियातर्फ जाँदै गरेको रा १ ज ७३७ नम्बरको सुमो गाडी लमही नगरपालिका –७ दुर्घटना भएको जिल्ला प्रहरी कार्यालय दाङले जनाएको छ ।
घाइतेहरूको लमहीमा नै उपचार भइरहेको छ भने एक जनाको अवस्था गम्भीर रहेको प्रहरीले जनाएको छ ।
