मकवानपुर \ मकवानपुरस्थित हेटौंडामा ट्रक र बस एक आपसमा ठोकिँदा दुई जनाको मृत्यु भएको छ ।
जनकपुरबाट काठमाडौँ तर्फ आइरहेको ना२ख ८७६ नं को रात्रि बसलाई विपरीत दिशाबाट आइरहेको प्रदेश (२) ०३०१ ख ५०३५ नं को ट्रकले मंगलबार राति हेटौँडा स्थित नवलपुरमा ठक्कर दिँदा बसका ती यात्रुको घटनास्थलमै मृत्यु भएको हो ।
मृतक यात्रुको सनाखत भइनसकेको र अनुसन्धान जारी रहेको जिल्ला प्रहरी कार्यालयका प्रवक्ता जयश्वर रिमालले जानकारी दिएका छन् ।
रिमालका अनुुसार घाइते १५ यात्रु र ट्रकको चालकको हेटौँडा स्थित चुरेहिल र सहकारी अस्पतालमा उपचार भइरहेको छ ।
