झापा / गत पुस ८ गते दिउँसो प्रहरीको मोटरसाइकल लिएर फरार भएका घोराही कारागारका फरार नाइके यमराज परियार भारतमा पक्राउ गरिएको छ । भारतबाट आजै उनलाई घोराही ल्याइनेछ ।
सिआइबीको टोली पनि परियारको खोजीमा लागेको थियो । उनी बस्ने ठाउँको एकीन गरेपछि दुई दिन अगाडि डीएसपी मुकुन्दप्रसाद रिजाल भारत पुगेका थिए ।
गएराति रिजालले आफ्नो फेसबुकमा त्यसको संकेत गरेका थिए । उनले ‘मिसन एनकाई ओभर’ लेखेका थिए ।कर्तव्य ज्यान मुद्दामा साढे ७ वर्ष कैद भुक्तान गरिसकेका नाइके परियारलाई जिल्ला अदालतले २० वर्ष कैद सजाय तोकेको थियो ।
