झापा / कैलालीमा सोमबार एकजना पुरुषको शव शंकास्पद अवस्थामा मृत भेटिएका छन् ।
धनगढी उपमहानगरपालिका ५ शिवनगर जाई सडकखण्ड अन्तर्गत नालीमा शव भेटिएको प्रहरीले जनाएको छ । ३५ देखी ३८ वर्ष उमेरका मृतक पुरुषको सनाखत भने हुन सकेको छैन ।
धनगढी उपमहानगरपालिका –५ स्थित करेसाबारी टोलमा कलर्ड नजिकै नालीमा शव भेटिएको जिल्ला प्रहरी कार्यालय कैलालीका डीएसपी बेदप्रकाश जोशीले जानकारी दिए ।
घटनाको प्रकृति हेर्दा हत्या गरेर शव फालिएको हुनसक्ने प्रहरीको आशंका छ ।
टाउको, कान, चिउडोमा चोटपटक छ । शवको प्रकृति हेर्दा अन्यत्रै हत्या गरेर शव फालिएको हुनसक्ने देखिन्छ,’ घटनास्थलबाट डीएसपी जोशीले नेपालखबरसँग भने, ‘हामी अनुसन्धान गरिरहेका छौँ ।’
उनका अनुसार घटनास्थल नजिकै रगत लागेको काठको टुक्रा पनि भेटिएको छ ।
डीएसपी जोशीको नेतृत्वमा प्रहरी टोली अहिले घटनास्थलको अनुसन्धानमा जुटेको छ । अनुसन्धानका लागि प्रहरीले तालिम प्राप्त कुकुर पनि प्रयोग गरेको छ ।
