इनरुवा / सुनसरीबाट प्रहरीले मानव तस्करीको आरोपमा एक जना भारतीय नागरीकलाई पक्राउ गरेको छ । पक्राउ पर्नेमा भारत, विहार राज्यस्थित सुपौलका ३२ वर्षीय मोहम्मद फिरोज रहेका छन् ।
सीमा प्रहरीचौकी भन्टाबारीको प्रहरी टोलीले उनलाई कोसी गाउँपालिका – ८ स्थित नेपाल र भारत सीमाबाट पक्राउ गरेको हो ।
काठमाडौँको शङ्खरापुर नगरपालिकाकी २० वर्षीया युवतीलाई विवाहको प्रलोभन देखाइ भारत लैजाने क्रममा फिरोजलाई पक्राउ गरेको सुनसरीका प्रहरी नायब उपरीक्षक नरेन्द्रकुमार कार्कीले जानकारी दिए ।
फिरोजले पीडितलाई विवाहको प्रलोभनमा पारेर भारत लैजान लागेको प्रहरी अनुसन्धानका क्रमा खुलेको छ ।
