पाँचथर / पाँचथरको हिलिहाङ गाउँपालिका-७ स्थित मेची राजमार्गमा ट्रक अनियन्त्रित भई दुर्घटना हुँदा चालकको घटना स्थलमै मृत्यु भएको छ ।
मृत्यु हुनेमा शनिबार पाँचथर फालेलुङ गाउँपालिका-१ का २७ वर्षीय प्रेम कुमार गौली रहेको प्रहरीले जनाएको छ । शनिबार राती पौने ९ बजे ताप्लेजुङबाट फिदिम तर्फ आँउदै गरेको ना.२ ख ८३१६ नम्बरको ट्रक अनियन्त्रित भई दुर्घटना भएको हो ।
घटना भए लगतै जिल्ला प्रहरी कार्यालय पाँचथरबाट खटिएको प्रहरी टोलीले ट्रकलाई जेसिविको सहयोगमा उठाएको थियो । मृतक लासको कानुनी प्रकृया पुरा गरी पोस्टमार्टमको लागि जिल्ला अस्पताल पाँचथर पठाइएको प्रहरीले जनाएको छ ।
