बिर्तामोड / बिर्तामोडको दुई छुट्टाछुट्टै स्थानबाट नियन्त्रित लागूऔषध ब्राउनसुगर सहित २ जना पक्राउ गरेका छन् । पक्राउ पर्नेमा बिर्तामोड नगरपालिका-४ का २६ वर्षीय प्रमोद शाह र मेचीनगर नगरपालिका-१ का ३९ वर्षीय ओम चौधरी रहेको प्रहरीले जनाएको छ ।
विशेष सूचनाको आधारमा इलाका प्रहरी कार्यालय अनारमनीबाट खटिएको प्रहरी टोलीले बुधवार दिउँसो सयपत्री मार्ग स्थित श्याम सुन्दर प्रसाद राजबंशीको घरमा डेरा गरी बसेका शाहको कोठाबाट प्रहरीले २ ग्राम ३०० मिलिग्राम लागूऔषध ब्राउनसुगर, नगद ११ हजार ५४० र मोबाइल सेट ७ थान समेत बरामद गरेको हो ।
यस्तै चौधरीलाई लागूऔषध ओसार पसार भइरहेको भन्ने सूचनाका आधारमा इलाका प्रहरी कार्यालय अनारमनीबाट खटिएको प्रहरी टोलीले बुधवार अपरान्ह ४ बजे बिर्तामोड नगरपालिका-४ को एक होटलबाट ९ ग्राम लागूऔषध ब्राउनसुगर सहित पक्राउ गरेको हो ।
ब्राउनसुगर सहित पक्राउ परेका दुबै जनाको सम्बन्धमा थप अनुसन्धान गरिरहेको प्रहरीले जनाएको छ ।
