काठमाडौं / सरकारले नेपाल भित्रने विप्रेषण (रेमिट्यान्स) औपचारिक  क्षेत्रबाट भित्राउन प्रोत्साहन दिने भएको छ । अहिले औपचारिक क्षेत्रभन्दा हुन्डीबाट धेरै आउने र अन्य क्षेत्रमा लगानी हुन थालेपछि सरकारले यस्तो नीति ल्याउन लागेको हो । वैदेशिक रोजगारीमा जानेको संख्या बढ्दै जाने, तर रेमिट्यान्स नबढेको विषयलाई ध्यान दिँदै सरकारले आफ्नो नीति तथा कार्यक्रममा औपचारिक  क्षेत्रबाट भित्राउन प्रोत्साहन दिने व्यवस्था गरेको हो । 

मंगलबार संघीय संसद्‌को संयुक्त बैठकमा राष्ट्रपति विद्यादेवी भण्डारीबाट प्रस्तुत नीति तथा कार्यक्रममा रेमिट्यान्सलाई औपचारिक क्षेत्रबाट भित्र्याउन प्रोत्साहन दिइने उल्लेख छ ।  
पछिल्लो समय रेमिट्यान्स घट्दै जाँदा देशको अर्थतन्त्रमा समेत असर परेको थियो । वैदेशिक सञ्चिती घट्नुका साथै अन्य समस्या आउन थालेपछि सरकारले आफ्नो नीति तथा कार्यक्रममा यसलाई समेटेको हो ।