झापा / सप्तरीमा भाउजूलाई शरीरमा पेट्रोल छर्केर जिउँदै जलाएर हत्या गरेको आरोपमा देवर पक्राउ परेका छन् । पक्राउ पर्नेमा बोदे बर्साइन नगरपालिका- १ धनगढीका २१ वर्षीय परमेश्वर साह रहेका छन् । उनलाई सोमबार पक्राउ गरिएको जिल्ला प्रहरी कार्यालय सप्तरीले जनाएको छ ।
गत माघ २१ गते खाना पकाइरहेकी २७ वर्षीया राजकुमारी साहलाई शरीरमा पेट्रोल छर्केर आगो लगाएको अभियोगमा उनलाई पक्राउ गरिएको हो ।घटनापछि फरार रहेका आरोपित केही दिनदेखि घरमै बस्न थालेको सूचना पाएपछि प्रहरीले पक्राउ गरिएको प्रहरीले जनाएको छ ।
