झापा / सिरहामा एक पुरुषको शव इनार भित्र फेला परेको छ । जिल्लाको गोलबजार नगरपालिका- २ टुर्किया निवासी ज्ञानचन्द्र भनिने ४८ वर्षीय विष्णुदेव साहको शव बिहीवार बिहान इनारभित्र फेला परेको प्रहरीले जनाएको छ ।
बुधबार साँझ पत्नीका लागि औषधि लिएर तुरुन्तै फर्किहाल्छु’ भन्दै साइकलमा गएका उनी राति अबेरसम्म पनि नफर्किएपछि खोजतलास गर्ने क्रममा बिहान गाउँ नजिकैको इनारभित्र साइकल सहित उनको शव फेला परेको हो ।
घटनाबारे थप अनुसन्धान भइरहेको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक सुभास बुढाथोकीले जानकारी दिए ।
