काठमाडौँ / नेकपा माओवादी केन्द्रले प्रत्येक सदस्यबाट न्यूनतम १०० रुपैयाँ संकलन गर्ने निर्णय गरेको छ । आइतबार पार्टी अध्यक्ष पुष्पकमल दाहाल निवास खुमलटारमा बसेको पूर्वस्थायी कमिटीको बैठकले पार्टीको केन्द्रीय कार्यालयलाई सुदृढ र व्यवस्थित बनाउन रुपैयाँ संकलन गर्ने निर्णय गरेको हो ।
पूर्वस्थायी कमिटी सदस्यहरूको बैठकमा पार्टीको भातृ संगठन अखिल नेपाल क्रान्तिकारीमा देखिएको विवाद समाधानको विषयमा पनि छलफल भएको थियो । विवाद समाधानका लागि दुवै असन्तुष्ट पक्षलाई बोलाएर अध्यक्ष प्रचण्डले संवाद गर्ने तयारी गरिएको छ ।
