विराटनगर / मोरङको विराटनगर महानगरपालिका –२ स्थित नाङ्लो मःमः रेस्टुरेन्टमा आगलागी भएको छ । इश्वर बास्कोटाले सञ्चालन गरेको रेस्टुरेन्टमा आज दिउँसो १२ बजे आगलागी भएको हो ।
विराटनगर महानगरपालिकाको २ वटा दमकलले आगलागी भएको दुई घण्टापछि आगो नियन्त्रणमा लिएको मोरङ प्रहरीले जनाएको छ ।
मोरङ प्रहरीका प्रवक्ता डीएसपी राजन कार्कीका अनुसार आगलागीबाट रेस्टुरेन्ट पूर्ण रुपमा क्षति भएको छ ।
आगलागीबाट क्षतिको विवरण आउन बाकी रहेको प्रहरीले जनाएको छ । होटलको ग्यास सिलिन्डरको पाइपल लिकेज भएर आगलागी भएको प्रहरीले जनाएको छ ।
