काठमाडौं / काठमाडौं महानगरपालिका- १६ बालाजुमा बसले मोटरसाइकललाई ठक्कर दिँदा मोटरसाइकल चालकको मृत्यु भएको छ । मृत्यु हुनेमा नागार्जुन नगरपालिका- १ रानीवन बस्ने २८ वर्षीय रोमन थापा मगर रहेको प्रहरीले जनाएको छ ।
शनिवार बा ५ ख २८७२ नम्बरको बसले बा ७० प ६१२८ नम्बरको मोटरसाइकललाई ठक्कर दिँदा गम्भिर घाइते भएका मगरको त्रिवि शिक्षण अस्पतालमा उपचारको क्रममा मृत्यु भएको हो । बसका चालकलाई पक्राउ गरि घटना सम्बन्धमा थप अनुसन्धान भइरहेको प्रहरीले जनाएको छ ।
