झापा / सुर्खेतको भेरिगंगा नगरपालिका छिन्चु बजारबाट रुकुमतर्फ लैजान लागिएको ६४ बोरा रासायनिक मल प्रहरीले बरामद गरेको छ ।
इलाका प्रहरी कार्यालय छिन्चुका प्रहरी निरीक्षक रमेश राईका अनुसार छिन्चु बजारको मदानेचौर नजिक स्थानीय निर्मला एग्रोभेटका सञ्चालक दयाराम अर्यालको ट्रकबाट उक्त परिमाणको रासायनिक मल बरामद गरिरहेको हो ।
‘गाडीमा ६४ बोरा मल भेटिएको हो । हामीले उहाँहरूसँग बिल मागेका थियौं । २४ बोराको बिल देखाउन उहाँले सक्नुभएन ’, प्रहरी निरीक्षक राईले भने, ‘आज कार्यालय समयमा थप कारबाही गरेर राजश्व कार्यालय नेपालगञ्जमा २४ बोरा पठाइदिन्छौं ।’
