बिर्तामोड / झापाको मेचीनगर नगरपालिका- ६ स्थित पुरानो मेचीपुलबाट लागूऔषध ब्राउनसुगर सहित १ जनालाई प्रहरीले पक्राउ गरेको छ । पक्राउ पर्नेमा इलाम सन्दकपुर गाउँपालिका- २ बस्ने २७ वर्षीय रविन गुरुङ रहेका छन् ।
सोमबार आज दिउँसो १ बजे इलाका प्रहरी कार्यालय काँकडभिट्टा र लागूऔषध नियन्त्रण ब्युरो काँकडभिट्टाबाट खटिएको संयुक्त प्रहरी टोलीले शंका लागी चेक जाँच गर्ने क्रममा गुरुङको साथबाट लागूऔषध ३ ग्राम ब्राउनसुगर बरामद गरी नियन्त्रणमा लिइएको हो ।ब्राउनसुगर सहित पक्राउ परेका गुरुङको सम्बन्धमा इलाका प्रहरी कार्यालय काँकडभिट्टाबाट थप अनुसन्धान भइरहेको प्रहरीले जनाएको छ ।
