बिर्तामोड / सर्पको डसाइबाट मोरङमा एकजनाको मृत्यु भएको छ । मृत्यु हुनेमा सुनवर्षी नगरपालिका -९ का २४ वर्षीय सञ्जय सिंह रहेका छन् । बुधबार राति १२ बजेतिर उनी बाहिरबाट राति घर फर्किँदै गर्दा सर्पले डसेको थियो ।
सिंहको खुट्टामा सर्पले टोकेको प्रहरीको प्रारम्भिक अनुसन्धानबाट खुलेको प्रहरीले जनाएको छ । उपचारका लागि रंगेली अस्पताल ल्याउने क्रममा बाटैमा सिंहको मृत्यु भएको मोरङ प्रहरीका प्रवक्ता डीएसपी दीपक श्रेष्ठले बताए ।
