एजेन्सी / सबैभन्दा लामो अन्तरिक्ष यात्राको कीर्तिमान राख्ने रुसी अन्तरिक्ष यात्रीको निधन भएको छ । अन्तरिक्ष यात्री भ्यालेरी पोल्याकोभको ८० वर्षको उमेरमा निधन भएको हो ।
उनको जन्म मस्कोको तुला शहरमा १९४२ मा भएको थियो। उनी पहिले एक चिकित्सक थिए र पछि अन्तरिक्ष यात्री बने। उनको पहिलो मिशन अगस्त १९८८ मा सुरु भयो। सो समय उनले आठ महिना अन्तरिक्षमा बिताए।
यसपछि उनले ६ वर्षपछि सबैभन्दा लामो समयसम्म अन्तरिक्षमा बसेर कीर्तिमान कायम गरे। जुन अहिलेसम्म कायमै छ । पोल्याकोभले ८ जनवरी १९९४ देखि २२ मार्च १९९५ सम्म मीर स्पेस स्टेसनमा काम गरे। यस क्रममा उनले ७ हजारभन्दा बढी पटक पृथ्वीको परिक्रमा गरेका थिए ।
पछि उनले मंगल ग्रहमा बिताएको समय र त्यहाँ जान र आउन लागेको समय बराबर भएको बताएका थिए। मिर स्पेस स्टेशन सन् १९८६ मा अर्बिटमा पठाइएको थियो । पहिले सोभियत संघको नियन्त्रणमा थियो र पछि रुसको नियन्त्रणमा आयो ।बीबीसी
