काठमाडौँ / छोराको हत्या गरि फरार रहेका आरोपी बाबु आज पक्राउ परेका छन् । बर्दियाको बारबर्दिया नगरपालिका–११, विजयनगर बस्ने ४५ वर्षीय लौरंगलाल थारूलाई प्रहरीले नियन्त्रणमा लिएको बताइएको छ । जिल्ला प्रहरी कार्यालय, बर्दियाबाट खटिएको टोलीले गुलरिया नगरपालिका -११ इन्द्रपुरस्थित गाउँबाट उनलाई पक्राउ गरेको हो ।
लौरंगलालले २० वर्षका छोरा विवेक चौधरीलाई फुटेको बियरको बोतल प्रहार गरेर सख्त घाइते बनाएका थिए । गम्भीर घाइते भएका विवेकको उपचारार्थ अस्पताल लैजाने क्रममा बाटोमै मृत्यु भएको थियो । लौरंगलाललाई नियन्त्रणमा लिएर अनुसन्धान थालिएको बर्दिया प्रहरीले बताएको छ ।
