काठमाडौं । भारतीय प्रधानमन्त्री नरेन्द्र मोदीले आज तीन लाख मानिसहरुको सहभागितामा अन्तर्राष्ट्रिय योग दिवस मनाएर वल्र्ड रेकर्ड राख्दैछन् ।
शनिबार भारतको आन्ध्र प्रदेशमा आयोजित विशाल योग जमघट कार्यक्रममा भारतीय प्रधानमन्त्री मोदी सहभागि भई गिनिज बुक अफ वल्र्ड रेकर्ड स्थापित गर्न लागेका हुन् । उक्त जमघटमा तीन लाख मानिसहरुले एकै साथ योग दिवस मनाउने कार्यक्रम रहेको छ ।
अन्तर्राष्ट्रिय योग दिवसको अवसरमा आज विश्वभर विभिन्न कार्यक्रमहरू आयोजना भइरहेका छन । ११ औं अन्तर्राष्ट्रिय योग दिवस समारोहका क्रममा विशाखापट्नममा भएको कार्यक्रममा भाग लिदै, उनले योगलाई ‘उमेरभन्दा बाहिर’ उपहारको रूपमा प्रशंसा गरे जसले सबै सीमाहरू पार गर्दछ र मानवतालाई ‘स्वास्थ्य र सद्भाव’ मा एकताबद्ध गर्दछ ।
प्रधानमन्त्री नरेन्द्र मोदीले योगमार्फत प्राप्त हुने ‘आन्तरिक शान्ति’ लाई ‘विश्वव्यापी नीति’को रूपमा अँगाल्न र योगलाई सामूहिक विश्वव्यापी जिम्मेवारी बनाउन अन्तर्राष्ट्रिय समुदायलाई आग्रह गरे ।
मोदीले योगलाई केवल व्यक्तिगत वा सांस्कृतिक अभ्यासको रूपमा नभई मानवताको लागि एकताबद्ध शक्तिको रूपमा अपनाउन आह्वान गरे । ‘म यो महत्वपूर्ण अवसरमा विश्वव्यापी समुदायलाई यो अन्तर्राष्ट्रिय योग दिवसलाई मानवताको लागि योगको सुरुवातको रूपमा चिन्हित गर्न आग्रह गर्न चाहन्छु । यो त्यो दिन होस् जब आन्तरिक शान्ति विश्वव्यापी नीति बन्छ, जहाँ योगलाई व्यक्तिगत अभ्यासको रूपमा मात्र नभई विश्वव्यापी साझेदारी र एकताको लागि एक शक्तिशाली उपकरणको रूपमा अँगालिन्छ । ‘प्रत्येक देश र प्रत्येक समाजले योगलाई साझा जिम्मेवारी, सामूहिक कल्याणको लागि साझा योगदान बनाऔं’, मोदीले भने ।
भारतका विभिन्न स्थानमा भएका योग समारोहहरुमा भारतका उच्च पद्स्थ नेता, समाजसेवी, कर्मचारी र भारतीय सेनाका प्रतिनिधिहरु सहभागी भएका छन् ।
जुन २०१४ मा संयुक्त राष्ट्र संघले जुन २१ लाई विश्वव्यापी योग दिवसको रूपमा पहिलो पटक मान्यता दिएको थियो । त्यसयता हरेक वर्ष विश्वभर विभिन्न कार्यक्रमहरु गरेर यो दिवस मनाउने गरिन्छ ।
साथै पछिल्लो समय योग विश्वव्यापी अभ्यासमा परिणत भएको छ । मानव स्वास्थ्यलाई प्रकृति सँग जोड्न योगको भूमिका अब्बल रहेको छ ।
