रौतहटमा खेतमा सिँचाइका लागि विद्युतीय मोटर जडान गर्ने क्रममा करेन्ट लागेर दुई किसानको मृत्यु भएको छ। जिल्ला अन्तर्गत छुट्टाछुट्टै स्थानमा घटेका घटनामा मोक्तार देवान (४२), कटहरीया नगरपालिका–२ जमुनिया निवासी, र रामबाबु मुखिया (४०), माधवनारायण नगरपालिका–४ विसुनपूर्वा मानपुर निवासी, को ज्यान गएको हो।
गएको राति मोक्तार देवान धान खेतमा मोटरमार्फत सिँचाइ गर्दै गर्दा करेन्ट लागेका थिए। घाइते अवस्थामै उनलाई गरुडास्थित ग्रान्डी अस्पताल पुर्याइए पनि चिकित्सकले मृत घोषणा गरेका थिए, इलाका प्रहरी कार्यालय गरुडाका डीएसपी राजन कार्कीले जानकारी दिए।
त्यसैगरी, आज बिहान करिब ७ बजे रामबाबु मुखिया पनि आफ्नै खेतमा सिँचाइको क्रममा करेन्ट लागेर गम्भीर घाइते भए। उनलाई तत्काल प्रादेशिक अस्पताल गौर पुर्याइएको थियो तर अस्पताल पुगेपछि चिकित्सकहरूले मृत घोषित गरेका थिए।
दुवै जनाको शव हाल प्रादेशिक अस्पताल गौरमा राखिएको छ र घटनाबारे आवश्यक अनुसन्धान भइरहेको डीएसपी कार्कीले बताए।
