काठमाडौं— बीमा प्राधिकरणका निलम्बित अध्यक्ष शरद ओझा पुनर्बहालीको माग गर्दै सर्वोच्च अदालतमा रिट दायर गरेका छन् ।
नेपाल सरकार मन्त्रिपरिषदको बैठकले गत असार ३० गते सोमबार छानबिन समिति गठन गरी निलम्बन गरेकोमा ओझाले साउन ८ गते बिहीबार दायर गरेको रिटमाथि शुक्रबार सामान्य बहस भएको थियो ।
न्यायाधीश अब्दुल अजीज मुसलमानको इजलासले अन्तरिम आदेशका लागि छलफल गर्न आज सोमबार सरकारलाई समेत बोलाएको छ । प्रधानमन्त्री तथा मन्त्रिपरिषदको कार्यालय र छानविन समितिलाई विपक्षी बनाएर दायर गरिएको रिटमाथि आज सर्वोच्च अदालतमा छलफल हुनेछ ।
योग्यता नै नपुगेको व्यक्ति फर्जी र झुठा विवरण तथा कागजात तयार पारी नेपाल सरकार मन्त्रिपरिषदमा पेस गरेको भन्दै सरकार छानबिन समिति बनाएको हो ।
