वीरगञ्ज— पर्सामा हैजा संक्रमण अझै रोकिएको छैन । वीरगञ्जमा थप ७५ जनामा हैजा पुष्टि भएपछि जिल्लामा कुल संक्रमितको संख्या ६ सय ९७ पुगेको छ ।
हाल १७ सरकारी र निजी स्वास्थ्य संस्थामा १९३ जना बिरामी उपचाररत छन्, तीमध्ये ३३ जना आईसीयू र चारजना एचडीयूमा छन् । अहिलेसम्म ५०४ जनालाई डिस्चार्ज गरिएको छ ।
नारायणी अस्पतालमा सबैभन्दा बढी ८३ जना उपचाररत छन्, जसमा १४ जना आईसीयूमा छन् । तराई अस्पतालमा २९ जना उपचाररत छन् भने नेशनल मेडिकल कलेज र प्रभु अस्पतालमा १०र१० जना छन् ।
स्रोत पत्ता नलाग्दा हैजा नियन्त्रण चुनौतीपूर्ण बनेको छ ।
