काठमाडौं / बलात्कार आरोपमा हिरासतमा रहेका क्रिकेटर सन्दीप लामिछानेमाथि अनुसन्धान गर्न जिल्ला अदालत काठमाडौंले प्रहरीलाई थप दुई दिन समय दिएको छ ।अघिल्लोपटक थपिएको चार दिनको म्याद सकिएपछि प्रहरीले आज लामिछानेलाई जिल्ला अदालतमा उपस्थित गराएको थियो । अदालतले आज दुई दिनको म्याद गरेको हो ।यसअघि जिल्ला अदालत काठमाडौँले असोज २४ गते २० गतेबाट गणना हुने गरी ७ दिनको म्याद दिएको थियो । त्यसपछि असोज ७ गते दोस्रो पटक पुनः ७ दिन म्याद थप गरेको थियो । कात्तिक २ गते थप चार दिनको म्याद अदालतले प्रहरीलाई दिएको थियो ।गत भदौ २१ मा एक नाबालिगले लामिछानेविरुद्ध जबर्जस्ती करणीको आरोपमा प्रहरी वृत्त गौशालामा उजुरी दिए
झापा / नवौं राष्ट्रिय खेलकुद प्रतियोगिताको क्रममा प्याराग्लाइडिङबाट खसेर मृत्यु भएका खेलाडी निसिम थापालाई मानार्थ स्वर्ण पदक प्रदान गरिएको छ । उनलाई प्याराग्लाइडिङ विधामै मानार्थ स्वर्ण वितरण गरिएको हो ।आर्मीका तर्फबाट प्रतिस्पर्धामा सहभागी थापाको ३० असोजमा प्याराग्लाइडिङबाटै खसेर मृत्यु भएको हो । उनको मृत्युपछि प्याराग्लाइडिङका सबै खेल बन्द गरिएको छ भने देशभर प्याराग्लाइडिङ उडाउन प्रतिबन्ध लगाइएको छ ।निसिमको अर्धकदको शालिक राखिने भएको छ । पोखरा रङ्गशालामा उनको सालिक राख्ने निर्णय राष्ट्रिय खेलकुद परिषद्ले गरेको छ । बुधबार साँझ बसेको बोर्ड बैठकले मृतक खेलाडीको सम्मानस्वरूप सालिक बनाउने नि
झापा / गण्डकी प्रदेशमा जारी नेपाली खेलकुदको कुम्भमेला नवौँ राष्ट्रिय खेलकुद प्रतियोगिता आज सम्पन्न हुँदैछ । गण्डकी प्रदेशको राजधानी पोखरा रङ्गशालामा आज विशेष समारोहकाबीच नवौँ राष्ट्रिय खेलकुदको समापन गरिनेछ ।‘एकताबद्ध देश, खेलकुदको सन्देश’ भन्ने नाराको साथ आयोजना भएको नवौँ राष्ट्रिय खेलकुदको समापनमा प्रधानमन्त्री शेरबहादुर देउवाको उपस्थिति रहनेछ । प्रतियोगिताको उद्घाटन उपराष्ट्रपति नन्दबहादुर पुनले गरेका थिए ।समापनमा १० औं संस्करणको राष्ट्रिय खेलकुद आयोजक कर्णाली प्रदेशलाई झण्डा हस्तान्तरण गरिनेछ । १०औं राष्ट्रिय खेलकुद २०८१ सालको मङ्सिरमा आयोजना हुनेछ । यस्तै, समापनमा प्रतियोगिताको विजेता टोल
झापा / बलात्कार आरोप लागेका क्रिकेटर सन्दीप लामिछानेलाई थप ४ दिन हिरासतमा राख्न अदालतले अनुमति दिएको छ । बुधबार काठमाण्डु जिल्ला अदालतले थप ४ दिन हिरासतमा राखेर अनुसन्धान गर्न अनुमति दिएको हो ।यसअघि पहिलो पटक सात दिनका लागि र दोस्रो पटक पाँच दिनका लागि म्याद थप गरिएको थियो । १७ वर्षीया नाबालिगमाथि बलात्कार गरेको आरोप लागेका उनीमाथिको अनुसन्धान नसकिएको भन्दै प्रहरी वृत्त गौशालाले उनलाई थप हिरासतमा राख्न बुधबार तेस्रोपटक अदालतसँग अनुमति मागेको थियो ।यससँगै अदालतले उनलाई ४ दिन हिरासतमा राख्न अनुमति दिएको हो । गत भदौ ५ गते नाबालिगमाथि जबर्जस्ती करणी गरेको भन्दै भदौ २१ गते प्रहरी वृत्त गौशालामा सन्
झापा / नवौँ राष्ट्रिय खेलकुदअन्तर्गत बागलुङमा जारी आईटीएफ तेक्वान्दो प्रतियोगितामा एक नं प्रदेशले पहिलो स्वर्ण पदक जितेको छ ।१८ स्वर्ण पदकको फाइनल भइसक्दा मङ्गलबार भएको ५१–५५ किलो तौल समूहको महिला स्पाइरिङमा प्रदेश १ की कुसुम राजवंशीले स्वर्ण पदक जितेकी हुन् । उनीसँग पराजित गण्डकी प्रदेशकी हिसिला अडाइले रजत पदक पाइन् भने विभागीय टिम नेपाल आर्मीकी रीना धिमाल र सशस्त्र प्रहरी बलकी सन्जना कुमारी चौधरीले काश्य पदक जितिन् ।प्रतियोगिताको चौथो दिनमा एक नं प्रदेश स्वर्ण हात पार्न सफल भएको हो । यसअघिका खेलमा उसले दुई वटा कास्य पदक जितेको थियो । मङ्गलबार नै भएको ४२–४५ किलो तौल समूहबाट मह
पोखरा / पोखरामा जारी नवौँ राष्ट्रिय खेलकुदअन्तर्गत त्रिभुवन आर्मी क्लबकी जयरानी थारूले आफ्नै कीर्तिमान तोड्दै डबल स्वर्ण जित्न सफल भएकी छन् ।यसअघि ४०० मिटर हर्डल्समा नयाँ कीर्तिमानसहित स्वर्ण जितेकी थारुले एथ्लेटिक्सको महिलातर्फ १०० मिटर हर्डल्समा पनि स्वर्ण जितेकी हुन । जयरानीले दुईटै खेलमा नयाँ राष्ट्रिय कीर्तिमानसहित स्वर्ण पदक जित्न सफल भएकी हुन् । पोखरा रंगशालामा भएको खेलको हिट चरणमा १५.१६ सेकेन्डको कीर्तिमान बनाएकी जयरानीले सोमबार बिहानै भएको फाइनलमा १५.६९ सेकेन्ड खर्चेर पनि स्वर्ण पदक जितेकी छन् ।आइतबार भएको खेलमा जयरानीले ४०० मिटर हर्डल्समा निर्धारित दूरी १ मिनेट ०४.१३ सेकेन
झापा / नवौँ राष्ट्रिय खेलकुद प्रतियोगिताअन्तर्गत टेनिसको ‘टिम इभेन्ट’ तर्फको प्रतिस्पर्धामा पुरुषतर्फ गण्डकी प्रदेश र महिलातर्फ विभागीय नेपाली सेनाले स्वर्णपदक जितेका छन् ।पोखरा रङ्गशालास्थित टेनिस कोर्टमा आज सम्पन्न भएको खेलमा नेपालको शीर्ष बरियताका खेलाडी प्रदीप खड्काको टोली गण्डकीले समग्रमा आर्मीमाथि २–१ खेल जित्दै च्याम्पियन बनेको हो ।टिम इभेन्टको पुरुष एकलको पहिलो खेलमा सेनाका अकी जुवेन रावतले गण्डकीका अनिल शाहीलाई ६–३,६–३ सेटमा पराजित गरे । एकलको दोस्रो खेलमा गण्डकीका प्रदीप खड्काले सेनाका प्रनव खनालमाथि ६–३,७–५ सेटमा जीत निकाले ।पुरुष डबल्सतर्फको प्रतिस्पर्धामा प्रदीप र अनिलको जोडीले प्
पोखरा / पोखरामा जारी नवौँ राष्ट्रिय खेलकुद अन्तर्गत प्याराग्लाइडिङमा भाग लिएका सेनाका एक खेलाडीको मृत्यु भएको छ । प्याराग्लाइडिङ गर्दागर्दै अनियन्त्रित भई करिब सय मिटरमाथिबाट सराङकोटमा खस्दा नेपाल त्रिभुवन आर्मी क्लबका २६ वर्षीय निसिम थापाको मृत्यु भएको हो । कास्की प्रहरी प्रवक्ता डीएसपी सुन्दर तिवारीका अनुसार क्रस कन्ट्री प्याराग्लाइडिङ खेल चलिरहेको अवस्थामा ब्लु स्काई कम्पनीको प्याराग्लाइडिङ अनियन्त्रित भइ उडेको ५ मिनेटमै आकाशबाट जमिनमा खसेको थियो । ग्लाइडर दुर्घटनामा परेपछि उनलाई सराङकोटबाट तत्काल उपचारका लागि मेट्रोसिटी अस्पताल लगिएको थियो । चिकित्सकले उपचारको क्रममा १२ बजेर
झापा / विभागीय नेपाली सेनाले नवौँ राष्ट्रिय खेलकुद प्रतियोगितामा हालसम्म १५ स्वर्णसहित ३६ पदक जितेको छ । गण्डकी प्रदेशमा जारी उक्त प्रतियोगितामा हालसम्म ३० स्वर्ण पदकको छिनोफानो हुँदा सेनाले १५ स्वर्ण, ११ रजत र १० कास्यसहित ३६ पदक जितेको हो । यसैगरी बागमती प्रदेशले छ स्वर्ण, पाँच रजत र दुई कास्यसहित १३ पदक जितेर सेनालाई पछ्याइरहेको छ भने सशस्त्र प्रहरीको (एपिएफ) ले चार स्वर्ण, छ रजत र नौ कास्यसहित १९ पदक लिएर पदक तालिकाको तृतीय स्थानमा छ ।आयोजक गण्डकी प्रदेशले हालसम्म दुई स्वर्ण, दुई रजत र छ कास्यसहित १० पदक, नेपाल प्रहरीले दुई स्वर्ण, एक रजत र तीन कास्यसहित छ पदक तथा सुदूरपश्चिम प्र
झापा / गण्डकी प्रदेशमा नवौं राष्ट्रिय खेलकुदको कुम्भमेला आज (शुक्रबार) देखि औपचारिक रुपमा सुरु हुँदैछ। राष्ट्रिय खेलकुद परिषद्का सदस्यसचिव टङ्कलाल घिसिङका अनुसार भव्य समारोहबीच उपराष्ट्रपति नन्दबहादुर पुनले दिउँसो ४ः०० बजे खेलकुदको पोखरा रङ्गशालामा उद्घाटन गर्नेछन् । उद्घाटन समारोहका लागि उपराष्ट्रपति पुन बिहीबार नै पोखरा पुगिसकेका छन् भने युवा तथा खेलकुदमन्त्री महेश्वर गहतराजलगायत विशिष्ट व्यक्तित्वहरू पनि पोखरा पुगिसकेका बताइएको छ । उद्घाटन समारोहमा नेपाली सेना, सशस्त्र प्रहरी र नेपाल प्रहरीबाट मार्चपास, सातै प्रदेशका सांस्कृतिक झाँकी प्रदर्शनी, विद्यार्थीहरूबाट ड्
Copyright © 2021 / 2026 / Esoul Media (P) Ltd. / All Rights Reserved.
