झापा / भैरहवा भन्सार कार्यालयले बिना भन्सार बाहिरिन खोजेको मालबाहक ट्रक नियन्त्रणमा लिएको छ । भारतबाट नेपालका लागि भित्रिएको प्याज सहितको मालबाहक ट्रक भन्सार जाँच पास बिनै बाहिरिन खोज्दा अन्नपूर्ण टर्मिनलको सुरक्षा गार्डले सोमबार दिउँसो २ बजे रोकेका हुन् । यूपी ३१ टी ९९४१ नम्बरको प्याज सहितको ट्रक भन्सारको दोस्रो गेटबाट बाहिरीनै लाग्दा किर्ते कागज भएको आशङ्कामा टर्मिनलले रोकेको हो । भन्सार जाँचपासका लागि आउने मालबाहक ट्रक प्रवेश हुनासाथ गेटबाट गाडीको नम्बरसहित प्रवेशको इन्ट्री हुन्छ, गेटपास (बिलिङ) पछि भन्सार जाँचपासको लागि प्रक्रिया सुरु हुन्छ, जाँचपास भएपछि भन्सारले निकासी पत्र (एक्जीट नोट)
काठमाडौँ / एक लाख रुपैयाँ घुस सहित लेखा अधिकृत पक्राउ परेका छन् । सडक डिभिजन कार्यालय लहान सिरहाका लेखा अधिकृत पदम विनोद पोखरेल एक लाख रुपैयाँ घुससहित पक्राउ परेका हुन् ।सडक निर्माण कार्यको अन्तिम बिल भुक्तानीको प्रयोजनका लागि सेवाग्राहीबाट माग गरिरहेको पूर्वसूचनाको आधारमा अधिकृत पोखरेललाई रंगेहात पक्राउ गरेको अख्तियारको टोलीले उनलाई पक्राउ गरेको हो । उनीमाथि थप अनुसन्धान गरिरहेको अख्तियार दुरुपयोग अनुसन्धान आयोगको केन्द्रीय कार्यालय टङ्गालले जनाएको छ ।
बिर्तामोड / जिल्ला प्रहरी कार्यालय झापाबाट खटिएको प्रहरी टोलीले चोरी मुद्दाका फरार रहका एक प्रतिबादी पक्राउ गरेको छ । पक्राउ पर्नेमा झापा बिर्तामोड नगरपालिका वडा नम्बर ६ का २५ वर्षीय शफिक आलम रहेका छन् । मंगलबार पक्राउ परेका आलमलाई झापा जिल्ला अदालतको मिति २०७९/०३/२७ गतेको फैसला अनुसार चोरी मुद्दामा फरार रहेका र फैसला कार्यान्वयनको लागि झापा जिल्ला अदालत चन्द्रगढीमा उपस्थित गराइएको थियो । आलमलाई ६ महिना कैद, ५ हजार जरिवाना र २ सय रुपैयाँ पीडित राहत कोषमा जम्मा गर्नु पर्ने फैसला भएको थियो । अदालतको आदेश अनुसार कैद भुक्तानको लागि कारागार कार्यालय झापा पठाइएको जिल्ला प्रहरी कार्यालय झापाले जनाएको
काठमाडौं / राष्ट्रिय सभाको बैठक स्थगित भएको छ । आज बिहान ११ बजेर १ मिनेटमा बोलाइएको बैठक विशेष कारण देखाउँदै बिहीबार बिहान १० बजेसम्मका लागि स्थगित गरिएको हो । विशेष कारण भनिए पनि प्रधानमन्त्री प्रचण्डकी पत्नी सीता दाहालको निधनपछि बैठक स्थगित गरिएको स्रोतले बतायो ।
काठमाडौँ / प्रधानमन्त्री पुष्पकमल दाहाल प्रचण्ड पत्नी सीता दाहालको निधन भएको छ । आज बिहान ८ः३३ बजे नर्भिक अस्पतालमा उपचारको क्रममा उनको निधन भएको हो । अस्पतालले निधनको कारण ‘कार्डियक अरेष्ट’ भनेको छ । ६९ वर्षीया दाहाललाई बिहान ८ बजे कार्डियक अरेस्ट भएको अस्पतालले आफ्नो विज्ञप्तिमा जानकारी दिएको छ ।सीता दाहाल लामो समयदेखि दुर्लभ मानिएको पीएसपी रोगबाट ग्रस्त थिइन् । यसले मानिसको स्नायु प्रणालीमा असर गर्छ । रोगका कारण उनी हिँडडुल गर्न पनि असमर्थ थिइन् ।दाहालको पार्थिव शरीर श्रद्धाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडामा राखिने तथा २ बजे पशुपति आर्यघाटमा अन्तिम
काठमाण्डौ । हाल देशमा मनसुनी वायुको प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर आंशिकदेखि सामान्य बदली रहेको छ। कोशी, बागमती, गण्डकी र सुदूरपश्चिम प्रदेशका थोरै स्थानहरूमा हल्का वर्षा भइरहेको छ।दिउँसो देशभर सामान्यदेखि पूर्ण बदली रहनेछ। सबै प्रदेशका केहि स्थानहरूमा हल्कादेखि मध्यम वर्षाको सम्भावना रहेको छ। कोशी, बागमती र गण्डकी प्रदेशका केही स्थानहरूमा चट्याङ्गसहित भारी देखि धेरै भारी वर्षाको समेत सम्भावना रहेको छ।मधेस र लुम्बिनी प्रदेशका तराईका थोरै स्थानहरूमा हावा-हुरीको पनि सम्भावना रहेको छ। राती भने देशभर सामान्यदेखि पूर्ण बदली र
बिर्तामोड / विराटनगरमा यात्रीलाई मुक्का हान्ने युवकलाई प्रहरीले पक्राउ गरेको छ । विराटनगर महानगरपालिका ६ का २७ वर्षीय पवन साहलाई मुक्का प्रहार गर्ने १९ वर्षीय आयुष भेटवाल पक्राउ परेका हुन् । गत बुधबार राति साढे ८ बजे विराटनगर महानगरपालिका -४ दुधफार्मस्थित कोशी राजमार्गमा आयुष सहित ३ जना बा १५ च ३४४५ नम्बरको कारमा सवार थिए । कारमा १८ वर्षीय कुशल भेटुवाल र तेह्रथुमका ३० वर्षीय रोशन कार्की पनि थिए । राजमार्गमा विपरीत दिशाबाट आइरहेका साहलाई देखेपछि कारबाट ओर्लिएर उनीहरूले मुक्का हानेका थिए। मुक्का प्रहारपछि साह बेहोस भएका थिए । बेहोस भएका साहलाई आयुषले सडकमा केही परसम्म घिसारेको
बिर्तामोड / जिल्ला प्रहरी कार्यालय झापाबाट खटिएको प्रहरी टोलीले भष्ट्राचार तथा घुस र चोरी मुद्दाका फरार दुई जना प्रतिवादीलाई पक्राउ गरेको छ । पक्राउ पर्नेमा भष्ट्राचार (घुस) मुद्दाका दमक नगरपालिका–९ का ३७ वर्षीय सुवास गर्तौला र चोरी मुद्दाका बिर्तामोड नगरपालिका–५ का २२ वर्षीय सुरज भन्ने सुरेश राजवंशी रहेका छन् । गर्तौला विशेष अदालतको मिति २०७५/०७/१५ गतेको फैसला अनुसार भष्ट्राचार मुद्दामा १ महिना कैद १५ हजार रुपैयाँ जरिवाना फैसला भई फरार रहेका थिए भने राजवंशी झापा जिल्ला अदालतको मिति २०७७/०९/२३ गतेको फैसला अनुसार २ वटा चोरी मुद्दामा र मिति २०७८/१२/१० गतेको फैसला अनुसार १ वटा चोरी मुद्दामा
बिर्तामोड / मेडिकल व्यवसायी दुर्गा प्रसाईँलाई हत्याको धम्की दिई फिरौती रकम माग गरेको अभियोगमा एक व्यक्तिलाई आज सीआइबीले पक्राउ गरेको छ । पक्राउ पर्नेमा खोटाङको राहबेँसी गाउँपालिका– १ घर भई काठमाडौं महानगरपालिका– ४ चुनदेवी बस्दै आएका ४० वर्षीय रमेश गुरुङ रहेका छन् । सिआइबीका अनुसार गुरुङले प्रसाईंसँग ३० करोड रुपैयाँबाट बार्गेनिङ सुरु गरेको र ६ करोड हुँदै अन्तिममा ५ करोडमा कुरो टुङ्गिएको हो । गुरुङले असार १३ गतेदेखि प्रसाईंलाई प्रवेश लामाको नामबाट हत्याको धम्की दिँदै फिरौती मागेको बताइएको छ। फिरौती लिन आएको अवस्थामा गुरुङलाई मंगलबार महाराजगन्जबाट पक्राउ गरी आवश्यक अ
काठमाडौं / मनाङ एयरको हेलिकोप्टर सोलुखुम्बुको लिखुपिके गाउँपालिका वडा नं ५ स्थित लाम्जुरापास क्षेत्रमा दुर्घटनाग्रस्त अवस्थामा भेटिएको छ । सोलुखुम्बुबाट काठमाडौंका लागि उडान भरेको हेलिकोप्टर सर्केबाट सम्पर्कविहीन भएको थियो । उक्त हेलिकोप्टर दुर्घटनाग्रस्त अवस्थामा भेटिएको सोलुखुम्बुका प्रमुख जिल्ला अधिकारी वसन्त भट्टराईले जानकारी दिए।लाम्जुरापास डाडाँमा दुर्घटना भएको प्रारम्भिक जानकारी आएको उनको भनाइ छ । दुर्घटनास्थल सोलुखुम्बुको लिखुपिके र रामेछापको उमाकुण्ड गाउँपालिकाको सिमानामा पर्छ । दुर्घटनास्थलमा पाँच जनाको शव फेला परेको उनले जानकारी दिए। दुर्घटनाग्रस्त हेलिकोप्टर खोज्न काठमाडौंबाट
Copyright © 2021 / 2026 / Esoul Media (P) Ltd. / All Rights Reserved.
