बिर्तामोड / झापामा घरको चार तलामाथिबाट खसेर एक जना महिलाको मृत्यु भएको छ । मृत्यु हुनेमा बिर्तामोड नगरपालिका वडा नम्बर ५ की ६२ वर्षीया मधु शर्मा आचार्य रहेकी छिन् । इलाका प्रहरी कार्यालय बिर्तामोडका डीएसपी रूगमबहादुर कुँवरका अनुसार घरको चार तलामाथि बरन्डामा फलेका करेला टिप्न खोज्दा चिप्लिएर लडेकी आचार्यको मृत्यु भएको हो ।उनलाई बिर्तासिटी अस्पतालमा उपचारका लागि लैजाँदै गर्दा बाटोमा नै मृत्यु भएको प्रहरीले जनाएको छ ।
काठमाडौँ / राष्ट्रपति विद्यादेवी भण्डारीको पछिल्लो कदमविरुद्धको पाँच वटा रिटमा आज सर्वोच्च अदालतमा सुनुवाइ हुँदैछ ।नेपाल नागरिकता ऐन २०६३ लाई संशोधन गर्न बनेको विधेयक २०७९ लाई प्रमाणीकरण नगरी भण्डारीले निस्क्रिय पारेपछि त्यसविरुद्ध सर्वोच्चमा रिट परेको थियो । छुट्टाछुट्टै पाँच वटा रिटको पेसी आजका लागि तोकिएको हो ।संघीय संसद्का दुवै सदनबाट दोहोर्याएर पारित भएको विधेयकलाई समयसीमा (१५ दिनभित्र) प्रमाणीकरण गर्नुपर्ने संवैधानिक व्यवस्था राष्ट्रपतिले उल्लंघन गरेकी थिइन् ।राष्ट्रपतिविरुद्ध अधिवक्ता सुनिलरञ्जन सिंह, सरिता थापा, सागर बराल, देव शर्मालगायतले रिट दायर गरेका हुन् ।
झापा / मकवानपुरको भीमफेदी गाउँपालिका जुरिखेतमा भएको बस दुर्घटनामा मृत्यु भएका ६ जनाको सनाखत भएको छ । अझै एक जनाको सनाखत हुन बाँकी रहेको प्रहरीले जनाएको छ ।जिल्ला प्रहरी कार्यालय मकवानपुरका प्रहरी निरीक्षक रामचन्द्र घिमिरेका अनुसार नुवाकोटका ३४ वर्षीय रघुराज न्यौपाने, बाराको झिट्कैयाका ३३ वर्षे अब्दुल्लाहा मियाँ ठकुराई, बारा जितपुरका २५ वर्षीय शेख अरमान, मकवानपुर गढी-३ का ४३ वर्षीय मदन बिक, पर्साको वीरगञ्ज ३१ का ४२ वर्षीय हृदय नारायण पंजियार र भारत मोतिहारीका ३५ वर्षीय सरदनारायण शर्माको मृत्यु भएको हो ।काठमाडौंबाट हेटौंडाका लागि छुटेको ना३ख ७८५८ नम्बरको बस भीमफेदीको आरोलोमा सडकबाट तल खसेर दुर्घ
झापा / मकवानपुरको भीमफेदीमा भएको बस दुर्घटनामा परि मृत्यु हुनेको संख्या ७ पुगेको छ । भीमफेदी गाउँपालिका जुरिखेतमा बिहीबार दिउँसो ना. ३ ख ७८५८ नम्बरको बस दुर्घटना हुँदा ६ जनाको घटनास्थलमा मृत्यु भएको हो । एक जनाको भने उपचारका लागि अस्पताल लैजाँदै गर्दा बाटोमा मृत्यु भएको हो ।काठमाडौंबाट वीरगञ्ज जाँदै गरेको उक्त बस भीमफेदीको ओरालोमा सडकबाट तल खस्दा दुर्घटनामा परेको प्रहरीले जनाएको छ । मृतकको पहिचान खुल्न बाँकी रहेको र घाइतेहरूको हेटौँडामा उपचार भइरहेको जानकारी दिएको प्रहरीले दुर्घटनाको कारण भने खुल्न बाँकी रहेको बताएको छ ।
काठमाडौँ / भक्तपुरमा १५ वर्षीया बालिकालाई जबरजस्ती करणी गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा कपिलवस्तु बुद्धभूमि नगरपालिका -३ घर भई हाल मध्यपुर ठिमी नगरपालिका -२ मगर गाउँ बस्ने ४० वर्षीय राजु नेपाली रहेका छन् । राजुले ती बालिकालाई जबरजस्ती करणी गरेको भन्ने खबर प्राप्त हुनासाथ प्रहरी वृत्त ठिमीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
हेटौंडा / मकवानपुरको भीमफेदी गाउँपालिका स्थित जुरिखेतमा मिनी बस दुर्घटना हुँदा ६ जनाको मृत्यु भएको छ ।मकवानपुरका प्रहरी उपरीक्षक वामदेव गौतमका अनुसार काठमाडौंबाट वीरगञ्ज आउँदै गरेको बा ३ ख ७८५८ नम्बरको बस भीमफेदीको ओरालोमा सडकबाट खसेर दुर्घटना हुँदा ६ जनाको घटनास्थलमै मृत्यु भएको हो । च्यापिएको अवस्थामा ६ जनाको शव निकालेको एसपी गौतमले बताए । केही बसभित्र थिचिएको आशंका छ ।जुरिखेतको माथिल्लो घुम्तीबाट खसेको बस तल्लो घुम्तीमा पुगेर अडि्डएको गौतमको भनाई छ । दुर्घटनास्थलमा अहिले पनि उद्धार कार्य चलिरहेको छ भने घाइतेहरूलाई उपचारका लागि हेटौंडा लगिएको छ ।
बिर्तामोड / इलामको चुलाचुली गाउँपालिका -५ पकुवामा झापा दमक नगरपालिका -३ बेल्डाँगी क्याम्प बस्ने ४४ वर्षीय एलबी गुरुङको खुकुरी प्रहार गरी हत्या गरेको अभियोगमा प्रहरीले ३ जनालाई पक्राउ गरेको छ । पक्राउ पर्नैमा इलाम चुलाचुली गाउँपालिका- ४ तुम्ररुक टोल बस्ने २४ वर्षीय झ्याम्ले राई सहित ३ जना रहेका छन् । झ्याम्ले सहितका ५ / ७ जनाले खुकुरी प्रहार गर्दा एलबी गुरुङ गम्भीर घाइते भएको खबर प्राप्त हुनासाथ प्रहरी चौकी पेल्टिमारीबाट खटिएको प्रहरीले उपचारको लागि लाइफलाइन अस्पताल दमक हुँदै बी एण्ड सी अस्पताल बिर्तामोड लगेकोमा उपचारको क्रममा उनको मृत्यु भएको हो । जिल्ला प्रहरी कार्यालय झापाबाट खटिएको प्
विराटनगर / मोरङको रंगेली नगरपालिका –७ स्थितबाट प्रहरीले प्रतिबन्धित लागूऔषध सहित दुई जनालाई पक्राउ गरेको छ । पक्राउ पर्नेमा सुनबर्षी नगरपालिका –४ का २५ वर्षीय अमित कुमार दाश र ३५ वर्षीय निलेश दाश रहेका छन् ।बुधबार बेलुका ६ बजे इलाका प्रहरी कार्यालय रंगेलीबाट खटिएको चेकिङ टोलीले को.३१ प ४४१४ नम्वरको मोटरसाईकल शंका लागि चेकजाँच गर्ने क्रममा पछाडि सवार रहेका अमित कुमार दासको साथबाट ३६ ग्राम ७.५० मिलिग्राम ब्राउनसुगर बरामद भएको हो ।प्रतिबन्धित लागूऔषध बरामद भएसंगै दुबै जनालाई पक्राउ गरी इलाका प्रहरी कार्यालय रङ्गेलीबाट थप अनुसन्धान भइरहेको प्रहरीले जनाएको छ ।
झापा / निर्वाचन आयोगले प्रतिनिधि सभा र समानुपातिक निर्वाचनका लागि ‘अस्थायी मतदाताको नामावली संकलन आजदेखि सुरु गरेको छ ।सर्वोच्च अदालतको आदेश अनुसार आयोगले सरकारी कर्मचारी, सुरक्षाकर्मी र कैदीबन्दीलाई समानुपातिक निर्वाचनका लागि ‘अस्थायी मतदाताको नाम संकलन गर्न थालेको हो ।सर्वोच्चले सरकारी कर्मचारी, सुरक्षाकर्मी र कैदीबन्दीलाई प्रतिनिधिसभा र प्रदेशसभा निर्वाचनमा मतदान गर्न पाउने व्यवस्था गर्न भनेको थियो । तर, आयोगले समानुपातिक निर्वाचन प्रणालीतर्फ मात्र मतदान गर्न पाउने आयोगले जनाएको छ । ती मतदाताले प्रदेश सभातर्फको समानुपातिक निर्वाचन प्रणाली तर्फ भने मतदान गर्न पाउने छैनन् ।निशान्त पोखरे
काठमाडौं / त्रिभुवन अन्तर्राष्ट्रिय विमानस्थलबाट अवैध रूपमा ल्याउँदै गरेको सुनसहित प्रहरीले तीन जनालाई पक्राउ गरेको छ । पक्राउ पर्नेमा मोरङ सुन्दर हरैचा नगरपालिका-९ घर भएका २४ वर्षीय हिमाल पौडेल, सुर्खेत वीरेन्द्रनगर नगरपालिका-१ घर भएका १९ वर्षीय कवीन्द्र विश्वकर्मा र कालीकोट पलाता गाउँपालिका-७ घर भएका २५ वर्षीय जीवराज बम रहेका छन् ।हिमालय एयरलाइन्सको उडानबाट बुधवार दिउँसो दुबईदेखि काठमाडौँ आएका उनीहरूलाई विमानस्थलको अन्तर्राष्ट्रिय आगमन टनेल गेटमा प्रहरीले जाँच गर्ने क्रममा अवैध सुन सहित पक्राउ गरेको हो । पक्राउ परेकाहरुबाट भन्सार छली ल्याएको एक/एक थान सुनको सिक्री र एक/एक थान औँठी गरी
Copyright © 2021 / 2026 / Esoul Media (P) Ltd. / All Rights Reserved.
