काठमाडौं / अनलाइन मार्फत मोबाइल फोन मगाइ ठगी गर्ने एक जनालाई महानगरिय प्रहरी बृत्त बौद्धले पक्राउ गरेको छ । पक्राउ पर्नेमा सोलुखुम्बु जिल्ला नाम्चे घर भई चाबहिल सरस्वतीनगर बस्ने बर्ष १९ का उर्गेन टासी शेर्पा रहेका छन् ।अनलाइनबाट महँगा मोबाइल सेट मगाउने र घर गएर पैसा लिएर आउँछु भन्दै फरार हुने गरेका शेर्पालाई प्रहरीले पक्राउ गरेको हो । प्रहरीले उनको साथबाट ३ थान मोबाइल र १४ हजार रुपैयाँ बरामद गरेको छ ।
पाल्पा / पाल्पामा बिहीबार साँझ मोटरसाइकल दुर्घटना हुँदा एक जनाको मृत्यु भएको छ । हुँगीबाट ताहुँतर्फ जाँदै गरेको लु ६७ प ४७८५ नम्बरको मोटरसाइकल रम्भा गाउँपालिका–२, सुरुमडाँडामा दुर्घटना हुँदा चालक २३ वर्षीय रविन दमैको मृत्यु भएको हो ।मोटरसाइकल आफैं अनियन्त्रित भई सडकदेखि २ सय मिटर तल खस्न पुग्दा दमैको घटनास्थलमै मृत्यु भएको जिल्ला प्रहरी कार्यालयले जनाएको छ । पूर्वी रुकुमको भुमे गाउँपालिका–४ स्थायी घर भएका मृतक दमै रम्भा गाउँपालिका पाल्पामा भूकम्प प्रभावित क्षेत्र हेर्ने इञ्जिनियरका रुपमा कार्यरत रहेको बुझिएको छ ।घटनाको विषयमा थप अनुसन्धान भइरहेको जिल्ला प्रहरी कार्यालयले जनाएको छ ।
तुलसीपुर / दाङको तुलसीपुर उपमहानगरपालिका– ५ ‘ङ’ लाइनस्थित जुत्ता गोदाममा आगलागी हुँदा पाँच जनाको मृत्यु भएको छ ।आगलागीमा परी एक जना घाइते भएका छन् ।आगलागी हुँदा धुवाँमा निसासिएर चार जना पुरुष र एकजना बालिका गरी पाँच जनाको मृत्यु भएको इलाका कार्यालय तुलसीपुरका प्रहरी नायब उपरीक्षक श्यामु अर्यालले जनाएका हुन् । आगो कम भएपछि बिहान साढे ७ बजेतिर घरको तेस्रो तलाबाट ३ जना र चौथो तलाबाट २ जनाको शव निकालिएको उनले बताएका छन् । मृतकको पहिचान हुन बाँकी रहेको छ । त्यस्तै घाइतेलाई उपचारका लागि राप्ती प्रादेशिक अस्पताल तुलसीपुर पठाइएको छ ।विद्युतको मिटर पड्किंदा आगलागी भएको अनुमान गरिएको छ
काठमाडौं / नेपाल प्रहरीमा तीन वटा प्रहरी अतिरिक्त महानिरीक्षकको दरबन्दी थप गरिएको छ । गत सोमबार बसेको मन्त्रिपरिषद् बैठकले तीन जना एआईजीको दरबन्दी थप गर्ने निर्णय गरेको हो ।गत पुस २३ गते दरबन्दी थप सम्बन्धी प्रस्ताव प्रहरी प्रधान कार्यालयले गृह मन्त्रालय मार्फत मन्त्रिपरिषद् पठाएको थियो ।प्रहरीमा हाल प्रशासनतर्फ एआईजीका पाँच वटा दरबन्दी छन् । महानगरीय प्रहरी कार्यालय, अपराध अनुसन्धान विभाग, मानव स्रोत एवं प्रशासन विभाग, कार्य विभाग र नेपाल प्रहरी प्रशिक्षण प्रतिष्ठानमा एआईजीको दरबन्दी रहेको छ । दरबन्दी थपिएसँगै नेपाल प्रहरीमा प्रशासनतर्फ एआईजीका दरबन्दी ८ पुगेको छ ।
जन्ती / बोकेको ट्याक्टर दुर्घटना हुँदा उदयपुरमा एक जनाको मृत्यु भएको छ भने, १९ जना घाइते भएका छन्। उदयपुरगढी गाउँपालिका-७ नागबेलीस्थित मदनभण्डारी लोकमार्गमा बिहीबार बिहान करिब १० बजे ट्याक्टर दुर्घटना भएको जिल्ला प्रहरी कार्यालय उदयपुरका प्रहरी नायब उपरीक्षक बेदप्रसाद गौतमले जानकारी दिएका हुन्। त्रियुगा नगरपालिका-१६ रातापानीबाट नेपालटारतर्फ विवाहको जन्ती बोकेर जाँदै गरेको प्र २ -०१-००१ त १०९६ नम्बरको ट्याक्टर आफैं अनियन्त्रित भई सडकमा पल्टिएर दुर्घटना भएको थियो । दुर्घटनामा परी त्रियुगा-१४का १९ वर्षीय मिलन मग्रातीको घटनास्थलमै मृत्यु भएको प्रहरी नायब उपरीक्षक गौतमले बताएका छन्।
धनगढी / कैलालीको पचमुडिया सबडिभिजन वन कार्यालयका सहायक वन अधिकृतलाई कालो मोसो दल्ने एक जनालाई प्रहरीले पक्राउ गरेको छ । अधिकृत विश्वराज पण्डित माथि मोसो दलेर फरार रहेका नेपाल कम्युनिष्ट पार्टी (नेकपा) का कार्यकर्ता भजनी नगरपालिका –९ का ३९ वर्षीय पहल पुनमगरलाई जिल्ला प्रहरी कार्यालय कैलालीले पक्राउ गरेको हो । पुन मगरलाई बुधबार पक्राउ गरेर अभद्र व्यवहार शीर्षकमा मुुद्दा दर्ता गरी अनुसन्धान भइरहेको जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीले जानकारी दिए । गत माघ १७ गते विप्लवका कार्यकर्ताको समूहले वन अधिकृत पण्डितलाई चन्दा आतङ्कको विरोध गरे
काठमाडौं / कालीगण्डकी करिडोर दैनिक ६ घण्टा बन्द हुने भएको छ । करिडोर अन्तर्गत बेनी–जोमसोम खण्डमा पर्ने मुस्ताङको थासाङ गाउँपालिकामा सडक चक्लाबन्दी गर्न लागिएका कारण बन्द गर्ने निर्णय गरिएको जिल्ला प्रशासन कार्यालय मुस्ताङले जनाएको छ ।जिल्ला सुरक्षा समितिको निर्णय अनुसार आगामी फागुन १ गतेदेखि फागुन १५ गतेसम्म सडक दैनिक ६ घण्टा बन्द गरिने छ । काभ्रे र बाँदरजुङको कडा चट्टानलाई विस्फोटक पदार्थ प्रयोग गरी फुटाउनुपर्ने भएकाले बिहान १० बजेदेखि दिउँसो ४ बजेसम्म सडक बन्द हुने जनाइएको छ ।
काठमाडौं / ६ दिनदेखि हराइरहेका काठमाडौं गोकर्णेश्वरका एक युवकको शव फेला परेको छ । काठमाडौंको गोकर्णेश्वर नगरपालिकाका २७ वर्षका शिशिर भण्डारीको शव बुधबार ओख्रेनी जाने बाटोमा बाग्मती किनारमा भेटिएको काठमाडौं प्रहरी परिसरका एसपी दिनेश मैनालीले जानकारी दिएका छन् ।भण्डारी २० माघदेखि हराएको भनी महानगरीय प्रहरी वृत्त वौद्धमा उजुरी परेको थियो । शव भेटिएको सूचना पाएपछि प्रहरी परिसर काठमाडौं र अपराध महाशाखाको टोली घटनास्थल पुगेर अनुसन्धान सुरु गरेको छ ।
झापा / कर्णाली प्रदेश प्रहरी कार्यालय सुर्खेतले कर्तव्य ज्यान मुद्दाका फरार दोषीलाई २० वर्षपछि पक्राउ गरेको छ । आफ्नै श्रीमतीको हत्या गरेर फरार रहेका महावै गाउँपालिका –३ कालीकोट घर भई हाल वीरेन्द्रनगर नगरपालिका –१० सुर्खेतस्थित बुद्बुदे टोल बस्ने ४५ वर्षीय धनराज सिंहलाई प्रदेश प्रहरी कार्यालयको विशेष टोलीले पक्राउ गरेको प्रवक्ता एवं प्रहरी वरिष्ठ प्रहरी उपरीक्षक राजेन्द्रसिंह खड्काले जानकारी दिए ।वि सं २०५८ साउन २८ गते आफ्नै श्रीमतीको हत्या गरी कर्तव्य ज्यान मुद्दामा दोषी ठहर सिंहलाई सुर्खेत जिल्ला अदालतले पुर्पक्षका लागि २०५८ भदौ १४ गते कारागार चलान गरेको थियो । प्रहरीका अनुसार उनी २०५८ माघ २
काठमाडौं / सरकारले घोषणा गरेको स्थानीय तह निर्वाचनबारे गृह र अर्थ मन्त्रालयका अधिकारीहरूबीच छलफल भएको छ ।गृह मन्त्रालयमा भएको छलफलमा गृहमन्त्री बालकृष्ण खाँण र अर्थमन्त्री जनार्दन शर्मासहित मन्त्रालयका अधिकारीहरू सामेल भएका थिए । उनीहरूबीच निर्वाचन लक्षित बजेटबारे छलफल भएको हो ।नेपाल प्रहरी र सशस्त्र प्रहरीसहितका सुरक्षा निकायका लागि आवश्यक पर्ने सवारी साधन र बन्दोबस्तीका सामानबारे छलफल भएको सहसचिव डा भीष्मकुमार भुसालले जानकारी दिएका छन ।
Copyright © 2021 / 2026 / Esoul Media (P) Ltd. / All Rights Reserved.
