काठमाडौं / पछिल्लो २४ घण्टामा कोरोना सङ्क्रमणबाट ३ जनाको मृत्यु भएको छ , भने थप ८६८ जना संक्रमित भएका छन् ।स्वास्थ्य तथा जनसंख्या मन्त्रालयका अनुसार ६ हजार ७०५ जनाको परीक्षणमा ८६८ जनामा संक्रमण पुष्टि भएको हो ।स्वास्थ्य मन्त्रालयका अनुसार ३ हजार ६१४ जनाको पीसीआर परीक्षण गर्दा ४९६ जना र ३ हजार ९१ जनाको एन्टिजेन परीक्षण गर्दा ३७२ जनामा संक्रमण देखिएको मन्त्रालयको भनाइ छ ।यस्तै बुधबार कोरोना सक्रिय सङ्क्रमितको संख्या ८ हजार ८८५ पुगेको छ । पछिल्लो २४ घण्टामा ४१४ जना संक्रमणमुक्त भएका छन् ।बुधबार थपिएसँगै नेपालमा कोरोना सङ्क्रमितको कुल संख्या ११ लाख ३७ हजार ६३० पुगेको छ ।
बिर्तामोड / १४ वर्षीया बालिकालाई बलात्कार गरेको आरोपमा एक युवक पक्राउ परेका छन् । पक्राउ पर्नेमा ताप्लेजुङको फुङलिङ नगरपालिका -९ बस्ने २० वर्षीय दिपेश बिक रहेको प्रहरीले जनाएको छ । झापाको अर्जुनधारा नगरपालिका -११ नयाँ बसपार्कस्थित ताप्लेजुङ/पाँचथर होटल एण्ड लजमा साउन १८ गते राति दिपेशले ती बालिकालाई जबरजस्ती करणी गरी विवाह गर्छु भनी आफ्नै घरमा लगेर राखेको भन्ने खबर प्राप्त हुनासाथ इलाका प्रहरी कार्यालय अनारमनीबाट खटिएको प्रहरीले जिल्ला प्रहरी कार्यालय ताप्लेजुङसँगको समन्वयमा दिपेशलाई मंगलबार पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
झापा / सुनको सिक्री लुटेको आरोपमा एक युवक टोखाबाट पक्राउ परेका छन् ।पक्राउ पर्नेमा धरान उपमहानगरपालिका -११ घर भई हाल काठमाडौँ महानगरपालिका -१६ बस्ने २६ वर्षीय ज्ञानेन्द्र सेन्चुरी रहेको प्रहरीले जनाएको छ ।गत सोमबार दिउँसो सवा २ बजे टोखा नगरपालिका -८ भुवनेश्वरी मन्दिर नजिक पैदल हिँडिरहेकी ६१ वर्षीया महिलाको गलामा लगाएको सुनको सिक्री तानेर भाग्दै गरेको अवस्थामा प्रहरी प्रभाग नयाँ बसपार्कबाट खटिएको प्रहरी टोलीले सेन्चुरीलाई पक्राउ गरेको हो । उनको साथबाट प्रहरीले सुनको सिक्री १ थान, दुई टुक्रा भएको सुनको सिक्री १ बरामद गरेको छ ।
काठमाडौँ / काठमाडौँको बालाजु बाइपासस्थित एक जुत्ता कारखानामा आगलागी भएको छ। जिल्ला प्रहरी परिसर काठमाण्डुका प्रवक्ता एसपी दिनेशराज मैनालीका अनुसार बुधबार दिउँसो १२ बजेतिर जुत्ता कारखानामा आगलागी भएको हो । काठमाडौँ र ललितपुरका दमकल पुगेर आगो निभाइ रहेको प्रहरीले जनाएको छ । नेपाली सेना र सुरक्षाकर्मीसहित दमकल र तीनवटा ट्याङ्करमार्फत पनि आगो निभाउने प्रयास जारी छ । अहिलेसम्म आगलागीको कारण खुलेको छैन ।
झापा / ताप्लेजुङको एक विद्यालयमा विद्यार्थीमा कोरोना संक्रमण पुष्टि भएपछि विद्यालय बन्द गरिएको छ । मैवाखोला गाउँपालिकामा रहेको मैवाखोला माध्यमिक विद्यालय बुधबारदेखि बन्द गरिएको हो ।कक्षा १० का एक विद्यार्थीको एन्टिजेन रिपोर्ट देखिएपछि १० दिनका लागि बन्द गरिएको प्रधानाध्यापक भक्तबहादुर लिम्बूले बताए । यसैबीच विद्यालय रहेको मैवाखोला गाउँपालिका -२ मा समुदायस्तरमा कोरोना संक्रमण फैलिएको आशंका गरिएको छ ।गाउँका धेरै जना बिरामी परेको पालिका अध्यक्ष विजयप्रकाश वनेमले बताए । परीक्षणका लागि एन्टिजेन किट लगायतका सामग्री स्वास्थ्य केन्द्रमा रहेको र विशेष सावधानी अपनाउने काम भइरहेको वनेमले बताए ।
काठमाडौँ / बुधबार नेपाली बजारमा सुनको मूल्य सामान्य वृद्धि भएको छ ।नेपाल सुनचाँदी व्यवसायी महासङ्घका अनुसार मङ्गलबारको तुलनामा सुनको मूल्य प्रतितोला दुई सय रुपैयाँले बढेको हो । यससँगै छापावाल सुनको भाउ प्रतितोला ९७ हजार १ सय रुपैयाँ पुगेको छ भने तेजाबी सुनको मूल्य प्रतितोला ९६ हजार ६ सय रुपैयाँ पुगेको छ ।बुधबार चाँदीको मूल्यमा भने गिरावट देखिएको छ । चाँदीको भाउ मङ्गलबारको तुलनामा प्रतितोला १० रुपैयाँले घटेको हो । चाँदी प्रतितोला १२३० रुपैयाँमा कारोबार भइरहेको छ ।
झापा / उच्च अदालतको रिक्त २७ न्यायाधीशको आवेदन खुला गरिएकामा २७७ आकाङ्क्षीले उमेदवारी दिएका छन् । न्याय परिषद्ले पहिलोपटक उच्च अदालतको न्यायाधीश नियुक्तिका लागि मापदण्ड निर्माण गरी आवेदन माग गरेको थियो ।परिषद्ले जिल्ला न्यायाधीश, कानुन व्यवसायी, न्याय समूहका कर्मचारी, सरकारी वकिल समूहका कर्मचारी, कानुन समूहका कर्मचारी र अन्य समूह आवेदनमा माग गरेको थियो । त्यसमध्ये जिल्ला न्यायाधीशबाट ७६, कानुन व्यवसायीबाट १७४ र कर्मचारीबाट ४६ जनाको आवेदनमा परेको छ ।कूल आवेदन परेकामध्ये २५५ पुरुष र १९ महिला छन् । न्याय परिषद्का प्रवक्ता मानबहादुर कार्कीका अनुसार आवेदन परेकाहरूको प्रारम्भिक छनोटमा गरी सूची प्रका
झापा / सशस्त्र प्रहरीको टोली मालीमा शान्ति स्थापनार्थ खटिने भएको छ । शान्ति मिसनमा प्रहरी र सशस्त्रको फौंज घटिरहेको बेला सशस्त्रले अफ्रिकी देश मालीमा फर्म्ड पुलिस युनिट (एफपियू) खटाउने भएको हो । यसअघि सशस्त्रको मिसन लाइवेरिया भएपनि बन्द भएको ८ वर्ष भइसकेको छ । हाल सशस्त्रको एउटा मात्र एफपियू साउथ सुडानमा तैनाथ छ । त्यो पनि एक दुई वर्षभित्र फर्काउने संकेत राष्ट्रसंघले दिइसकेको छ ।मालीमा सेनाको इन्जिनियरिङ बटालियन समेत तैनाथ छ । संयुक्त राष्ट्रसंघले सशस्त्र प्रहरीलाई मालीमा फौंज खटाउनको लागि तयार गर्न पत्र पठाइसकेको छ । सशस्त्र प्रहरी महानिरीक्षक राजु अर्यालले आफ्नो नियुक्ति भएदेखि नै यूएन
काठमाडौं / बरिष्ठ छायाँकार विदुर पाण्डेको ५४ वर्षको उमेर आज बिहान निधन भएको छ । उनको हृदयघातका कारण निधन भएको चलचित्र प्राविधिक संघले जनाएको छ । संघका अध्यक्ष पुस्कर लामाका अनुसार पाण्डेलाई सीतापाइलास्थिति आफ्नै घरमा हृदयाघात भएपछि उपचारका लागि गङ्गालाल अस्पताल पुर्याइएको थियो । अस्पतालका चिकित्सकले उनलाई मृत घोषित गरेका हुन् । पाण्डेले ‘कागबेनी’ लगायत केही फिल्म छायांकन गरेका पाण्डे म्युजिक भिडियोका लोकप्रिय छायाँकार हुन् । उनले हजारौँ म्युजिक भिडियो र थुप्रै विज्ञापन चलचित्रमा छायांकन गरेका छन् । पाण्डेको आजै पशुपति आर्यघाटमा अन्त्येष्टि गरिने परिवारले जनाएको छ ।
झापा / संघीय संसद् अन्तर्गत राष्ट्रियसभाको बैठक आज बस्दै छ । आजको दिउँसो १ बजे बस्ने बैठकमा अध्यक्ष गणेशप्रसाद तिमिल्सिनाले राष्ट्रपतिको कार्यालयबाट प्राप्त मन्त्रपरिषद् गठन सम्बन्धी पत्रको ब्यहोरा जानकारी गराउने कार्यसूची छ । त्यस्तै कानुन, न्याय तथा संसदीय मामिला मन्त्री गोविन्दप्रसाद शर्मा कोइरालाले नेपाल सरकार, मन्त्रिपरिषद्को निर्णयबाट जारी भएको बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन, २०७१ को दफा ४२ बमोजिमको बाधा अड्काउ फुकाउ आदेश सभा समक्ष पेस गर्ने सम्भावित कार्यसूचीमा छ ।शिक्षा, विज्ञान तथा प्रविधि मन्त्री देवेन्द्र पौडेलले योगमाया आयुर्वेद व
Copyright © 2021 / 2026 / Esoul Media (P) Ltd. / All Rights Reserved.
