दार्चुला— दार्चुलामा घाँस काट्न गएकी महिलाको भीरबाट लडेर मृत्यु भएको छ । नौगाड गाउँपालिका–६ खालिडाडामा एक महिलाको भीरबाट लडेर मृत्यु भएको हो।५० वर्षीया ऐति धामी घाँस काटेर घर फर्कने क्रममा घरनजिकैको जंगलमा सन्तुलन गुमाएर भीरबाट लडेकी हुन्। उनको घटनास्थलमै मृत्यु भएको जिल्ला प्रहरी कार्यालय दार्चुलाले जनाएको छ ।जिल्ला प्रहरी कार्यालयका सूचना अधिकारी छत्र रावलले घटनाबारे थप अनुसन्धान गरिरहेको जनाएको छ।
काठमाडौं— राष्ट्रिय अनुसन्धान विभागले ठूलो सङ्ख्यामा कर्मचारी माग गरेको छ ।विभागले ४० जना अनुसन्धान अधिकृत र ५० जना अनुसन्धान सहायक गरी कुल ९० जना माग गरेको हो । विभागले शुक्रबार (भदौ १३ गते) देखि असोज १२ गतेसम्म र दोब्बर दस्तुर तिरेर असोज १९ गतेसम्म आवेदनका लागि समय दिएको छ ।
अछाम— अछामको पञ्चदेवल विनायक नगरपालिका–८ स्थित छाउगोठमा सुतिरहेका दुई जनाको भीरबाट खसेको ढुङ्गाले किचेर मृत्यु भएको छ। एक जना घाइते भएकी छन्।३५ वर्षीया निम खनाल र मङ्गलसेन नगरपालिका–६ की सात वर्षीया कविता भण्डारीको घटनास्थलमै मृत्यु भएको जिल्ला प्रहरी कार्यालय अछामले जनाएको छ । उनीहरू छाउपडी प्रथाका कारण गोठमा सुतिरहेका बेला अचानक ढुङ्गा खसेको जनाइएको छ।कविताकी आमा भने घाइते भएकी छन्। उनलाई तत्कालै नजिकको स्वास्थ्यचौकीमा उपचारका लागि पठाइएको प्रहरीले जनाएको छ।घटनाको जानकारीपछि प्रहरी निरीक्षक टेकबहादुर देउवाको नेतृत्वमा प्रहरी टोली घटनास्थलतर्फ प्रस्थान गरेको जिल्ला प्रहरी प्रमुख ओमप्रकाश खनाल
बर्दिया— स्वास्थ्य बिमा गरेका बाँसगढी नगरपालिकाका बासिन्दालाई स्थानीय स्तरमै सेवा नपाउँदा उपचारका लागि बाँकेको अस्पताल धाउनु पर्ने बाध्यता कायम रहेको छ। नगरपालिकाका स्वास्थ्य संस्थामा बिमा कार्यक्रम लागु नभएकाले बिरामीहरूले सहज सेवा पाउन सकेका छैनन्।बाँसगढी नगरपालिकामा दक्ष चिकित्सक र सुविधासम्पन्न अस्पतालको अभाव छ। यही कारणले स्थानीयहरू सामान्य चेकजाँचदेखि विशेष उपचारका लागि पनि बाँकेको वैजनाथ स्वास्थ्य केन्द्र, कोहलपुर मेडिकल कलेज वा भेरी अस्पताल, नेपालगञ्ज जानुपर्ने अवस्था छ।हालसम्म बाँसगढीमा १९ हजार ७७८ जनाले स्वास्थ्य बिमा गरेका छन्। तीमध्ये तीन हजार ८२ जना ज्येष्ठ नागरिक छन्। स्वास्थ्य ब
काठमाडौं— निमित्त प्रमुख प्रशासकीय अधिकृतको भरमा सञ्चालित देशभरका सबै स्थानीय तहमा सामान्य प्रशासन मन्त्रालयले प्रमुख प्रशासकीय अधिकृत खटाएको छ। संघीय मामिला तथा सामान्य प्रशासनमन्त्री भगवती न्यौपानेले देशका कुनै पनि नगरपालिका र गाउँपालिका अब निमित्त प्रमुख प्रशासकीय अधिकृत नरहने घोषणा गरेकी छन्।निमित्तको भरमा सञ्चालित देशभरका दुईसय पालिकामा प्रमुख प्रशासकीय अधिकृत खटाइएको जानकारी मन्त्री न्यौपानले सामाजिक सञ्जालमार्फत दिएकी छन्। ‘सुशासनको मुख्य औजार कर्मचारी प्रशासन हो, यसलाई निरन्तर सुधार र परिमार्जन गर्नुपर्छ। यो काममा म निरन्तर लागिरहेकी छु,’ उनले फेसबुकमा लेखेकी छन्, ‘मैले कार्य
काठमाडौं— काठमाडौंको जडिबुटीमा शुक्रबार बिहानै स्कुटर दुर्घटना हुँदा २ जनाको मृत्यु भएको छ । मृत्यु हुनेमा स्कुटर चालक नवलपरासी स्थायी घर भई हाल भक्तपुर लोकन्थली बस्ने २२ वर्षीय शिरिस पौडेल र काभ्रेपलाञ्चोक घर भएका २३ वर्षका नितेश नेपाल रहेका छन् । बिहान करिब ३ बजेतिर जडिबुटीको आकासे पुलनजिकै सडक छेउमा रोकी राखेको बा प्र०१–००६ ख ४२४३ नम्बरको बसमा लु ४३ प ४९३८ नम्बरको स्कुटर ठोक्किएर उनीहरुको मत्यु भएको प्रहरीले जनाएको छ । दुर्घटनापछि गम्भीर घाइते भएका उनीहरुलाई राष्ट्रिय ट्रमा सेन्टर पर्याइएको थियो । उपचारको क्रममा उनीहरुको मृत्यु भएको प्रहरीले जनाएको छ ।
काठमाडौं— भक्तपुर जिल्ला अदालतले साँगा झोलुङ्गे पुल प्रकरणमा आशिका तामाङ र शरण तिरुवालाई दोषी ठहर गर्दै कैद सजाय तोकेको छ ।न्यायाधीश विश्वनाथ भट्टराईको इजलासले आपराधिक उपद्रवसम्बन्धी मुद्दामा उनीहरूलाई पाँच दिन कैद सजाय सुनाएको अदालतकी सूचना अधिकारी हिराकुमारी भण्डारीले जानकारी दिइन् । मामिला भक्तपुरको सूर्यविनायक नगरपालिका–८ मा रहेको साँगा झोलुङ्गे पुलमा शुल्क उठाउने विषयसँग सम्बन्धित छ । पुल पार गर्न तोकिएको रकम प्रति व्यक्ति २० रुपैयाँ लिँदै आएको अवस्थामा तामाङले बोर्ड च्यात्ने, शुल्क संकलनमा खटिएका कर्मचारीलाई दुर्व्यवहार गर्ने कार्य गरेको अभियोग थियो । सो घटनापछि नगरपालिकाले आपर
काठमाडौं— फेसबुक, ह्वाटस्एप, टीकटकलगायतका सामाजिक संजालमा नक्कली आईडीको प्रयोग गरी फ्रेन्ड रिक्वयस्ट पठाई साथी बनाई विभिन्न प्रलोभनमा पारी ठगी गरेको आरोपमा एक जना पक्राउ परेका छन् । पक्राउ पर्नेमा काभ्रेपलाञ्चोक घर भई कपन बस्ने २७ वर्षीय रवि लामा रहेका छन् । लामाले उपचारमा सहयोग गर्ने, रोजगारी मिलाई दिने जस्ता झुट्ठा आश्वासन देखाई नजिकको साथी बनी आफू विभिन्न समस्यामा परेको बहाना बनाई पैसा लिएपछि सम्पर्कविहीन भएको पीडितको आरोपमा काठमाडौं उपत्यका अपराध अनुसन्धान कार्यालयबाट खटेको प्रहरी टोलीले बुधबार चावाहिल गणेस्थानबाट पक्राउ गरेको हो ।उनलाई ठगी सम्बन्धी कसुरमा आवश्यक अनुसन्धान एवं का
बर्दिया— बर्दियाको बढैयाताल गाउँपालिकाबाट लागुऔषधसहित तीन जना पक्राउ परेका छन्। भारतबाट शंकास्पद रूपमा नेपाल प्रवेश गरिरहेका उनीहरूलाई बुधबार प्रहरीले नियन्त्रणमा लिएको हो।पक्राउ पर्नेमा बाँके बैजनाथ गाउँपालिका–८ टिटिहिरियाका २३ वर्षीय सरोजकुमार थारु, २३ वर्षीय रुपेश थारु र मधुवन नगरपालिका–९ का २५ वर्षीय आशिक तामाङ रहेका छन्।प्रहरीका अनुसार सरोज र रुपेशलाई बढैयाताल गाउँपालिका–७ बाट नियन्त्रणमा लिइएको हो। उनीहरूले साथमा लुकाएर ल्याएको ब्राउन सुगर जस्तो देखिने खैरो रङको गिलो पदार्थ २६० मिलिग्राम फेला परेको छ।त्यसैगरी, बढैयाताल–८ स्थित सिमापुरबाट नेपाल प्रवेश गर्दै गरेका आशिक तामाङको साथबाट ३६० म
काठमाडौं— प्रमुख प्रतिपक्षी दलको बिरोधका कारण मधेश प्रदेशसभाको आजको बैठक सुरु भएको केही समयपछि स्थगित भएको छ ।आज दिउँसो बैठक सुरु हुनासाथ प्रतिपक्षी दलका सांसदहरुले बिरोध जनाएका थिए। त्यसपछि सभामुख रामचन्द्र मण्डलले जनता समाजबादी पार्टी नेपालका प्रदेशसभा सदस्य राम अशिष यादवलाई बोल्न समय दिएका थिए।प्रदेशसभा सदस्य यादवले प्रदेश सरकारले संसद्लाई छलेर प्रतिपक्षको अनुपस्थितिमा बजेट ल्याएको हुनाले अर्थमन्त्री सुनिलप्रसाद साहको राजीनामा माग गरे । उनले प्रतिपक्षी दलका प्रदेशसभा सदस्यको उपस्थिति बिना बजेट ल्याइनु गलत भएको उल्लेख गर्दै अर्थमन्त्रीको राजीनामा नआएसम्म आफूहरुले प्रदेशसभा अवरुद्ध गर्ने बताए
Copyright © 2021 / 2026 / Esoul Media (P) Ltd. / All Rights Reserved.
