चितवन— चितवनको नारायणी नदीमा आइतबार दिउँसो बग्दै गरेका एक अन्दाजी ४० वर्षीय पुरूषलाई सशस्त्र प्रहरी बलले सकुशल उद्धार गरेको छ।भरतपुर महानगरपालिका–१ स्थित नारायणी नदीमा ती पुरूष बगिरहेको अवस्थामा देखिएपछि सशस्त्र प्रहरी बल आइआरटी पोस्ट पुलचोकबाट खटिएको टोलीले तिनको उद्धार गरेको हो। प्रहरी सहायक निरीक्षक गंगाराज गोले लामाको नेतृत्वमा रहेको टोलीले ती व्यक्तिलाई उद्धार गरेको सशस्त्र प्रहरी बलका सहप्रवक्ता एवं डिएसपी शैलेन्द्र थापाले जानकारी दिए।उद्धारपछि उनलाई तत्काल भरतपुर सरकारी अस्पताल लगिएको र हाल उनको स्वास्थ्य अवस्था सामान्य रहेको प्रहरीले जनाएको छ। तर, ती व्यक्तिको परिचय भने अहिलेसम्म खुल्न
सप्तरी — सप्तरी जिल्लाको हनुमाननगर कङ्कालिनी नगरपालिका–१ स्थित भलुवा जाने बाँधको भित्री सडकमा आइतबार बिहान दुई मोटरसाइकल एक आपसमा ठोक्किँदा दुई जनाको मृत्यु भएको छ भने एक जना घाइते भएका छन्।कङ्कालिनी मन्दिरबाट भलुवातर्फ जाँदै गरेको को १० प ५६२ नम्बरको मोटरसाइकल र विपरीत दिशाबाट आइरहेको बा ५५ प ६६३९ नम्बरको मोटरसाइकल एकआपसमा ठोक्किएपछि दुर्घटना भएको हो।दुर्घटनामा परेर बा ५५ प ६६३९ नम्बरको मोटरसाइकल चालक सप्तरी शम्भुनाथ नगरपालिका–११ राजपुर निवासी १९ वर्षीय अविनाश मण्डल र को १० प ५६२ नम्बर मोटरसाइकल चालक कञ्चनरुप नगरपालिका–१ बैरवा निवासी ३४ वर्षीय ओमप्रकाश पञ्जियारको ज्यान गएको इलाका प्रहरी कार्य
काठमाडौं— काठमाडौंको चन्द्रागिरि नगरपालिका–४ स्थित गोदामचौरमा आपसी विवाद हुँदा एकजनाले चक्कु प्रहार गरेका छन् । चक्कु प्रहारबाट ४६ वर्षीय सुकबहादुर लामा घाइते भएका छन् । उनको चिउँडोमा चोट लागेको छ ।चक्कु प्रहारमा संलग्न २५ वर्षीय महेश्वर लामालाई प्रहरीले पक्राउ गरेको छ । युवकले मदिरा सेवन गरेर आपसी विवाद हुँदा चक्कु प्रहार गरेका हुन् । घाइतेलाई उपचारको लागि ललितपुर स्थित बीएण्डबी अस्पतालमा भर्ना गरिएको छ । घटनाबारे प्रहरी वृत्त थानकाले अनुसन्धान गरिरहेको जिल्ला प्रहरी परिसर काठमाडौंले जनाएको छ ।
विराटनगर— झापा र मोरङका दुई फरक स्थानहरूबाट प्रहरीले लागू औषध ब्राउन सुगरसहित तीन जनालाई पक्राउ गरेको छ।गोप्य सूचनाको आधारमा जिल्ला प्रहरी कार्यालय झापा र लागू औषध नियन्त्रण ब्युरो काँकरभिट्टाबाट संयुक्त रूपमा खटिएको प्रहरी टोलीले झापाको भद्रपुर नगरपालिका–५ स्थित चेकजाँचको क्रममा भारतबाट नेपाल प्रवेश गर्दै गरेको प्रदेश ०१–०३० च ७७९३ नम्बरको कार जाँच गर्दा कारको सिटमुनि लुकाएर ल्याउँदै गरिएको ४७ ग्राम ६९० मिलिग्राम ब्राउन सुगर बरामद गरेको हो।साथै उक्त कारका चालक काठमाडौं महानगरपालिका–२६ का २४ वर्षीय निवेश कुँवर र कारमा सवार लमजुङकी २२ वर्षीया नोजिना रानामगरलाई प्रहरीले नियन्त्रणमा लिएको छ।उता म
झापा— झापाको मेचीनगर नगरपालिका–६ स्थित काँकरभिट्टा बसपार्क क्षेत्रबाट अवैध हतियारसहित एक भारतीय नागरिक पक्राउ परेका छन्। पक्राउ पर्नेमा भारत पश्चिम बंगाल, सिलिगुढीका ३५ वर्षीय जय प्रकाश कुमार पाठक रहेका छन्।विशेष सूचनाको आधारमा इलाका प्रहरी कार्यालय काँकरभिट्टाबाट खटिएको प्रहरी टोलीले प्रहरी नायव उपरीक्षक (डीएसपी) राजन लामाको कमाण्डमा उक्त पक्राउ गरेको हो। टोलीले चेकजाँचका क्रममा शंकास्पद रूपमा भेटिएको एक गाडी नियन्त्रणमा लिएको थियो।जाँचका क्रममा गाडीको सिटमुनी लुकाएर राखिएको एक थान कालो रंगको म्यागजिनसहितको एयर पेस्तोल, पाँच राउन्ड एयर बुलेट र दुई थान खुकुरी बरामद गरिएको प्रहरीले जनाएको
काठमाडौं— नेपाली बजारमा आज सुनको मूल्य तोलामा पाँच सय रुपैयाँ बढेको छ । मूल्य बढेसँगै आज छापावाला सुनको भाउ प्रतितोला एक लाख ९५ हजार दुई सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ ।महासंघका अनुसार गत शुक्रबार सुनको भाउ प्रतितोला एक लाख ९४ हजार सात सय रुपैयाँ रहेको थियो ।शुक्रबारको तुलनामा आज असली चाँदीको भाउ तोलामा १० रुपैयाँ वृद्धि भएको छ । मूल्य बढेसँगै आज चाँदीको भाउ प्रतितोला दुई हजार एक सय ६० रुपैयाँ कायम भएको छ ।गत शुक्रबार चाँदी प्रतितोला दुई हजार एक सय ५० रुपैयाँमा कारोबार भएको थियो ।
काठमाडौं— नेपाल आयल निगमले पेट्रोल, डिजेल र मट्टितेलको मूल्य बढाएको छ।निगमका अनुसार, पेट्रोलमा प्रतिलिटर एकले वृद्धि भएको छ भने डिजेल र मट्टितेलमा प्रतिलिटर रु दुईले वृद्धि भएको छ।निगमका अनुसार नयाँ मूल्य आज राति १२ बजेदेखि लागू हुनेछ। नयाँ मूल्य अनुसार अब काठमाडौं, पोखरा र दीपायलमा पेट्रोलको मूल्य प्रतिलिटर एक सय ६० हुनेछ। यस्तै, डिजेल र मट्टितेलको मूल्य प्रतिलिटर एक सय ४५ पर्नेछ।
काठमाडौं— नेपाल राष्ट्र बैंकले मधेस प्रदेशको आर्थिक अवस्थाबारे अध्ययन गर्दै विभिन्न चुनौती र समाधानका उपायहरू सार्वजनिक गरेको छ।राष्ट्र बैंकको प्रतिवेदनअनुसार मधेसमा आर्थिक गतिविधि अझै पनि अनौपचारिक रूपमा सञ्चालन हुँदै आएका छन्, जसले गर्दा राजस्व संकलनमा असर परेको छ। त्यसैले आर्थिक गतिविधिलाई औपचारिक बनाउँदै राजस्वको दायरा बढाउनुपर्ने सुझाव दिइएको छ।स्वास्थ्य क्षेत्रमा गुणस्तरीय सेवा, दक्ष जनशक्ति र आवश्यक उपकरणको अभावका कारण सीमा क्षेत्रका नागरिक भारतसम्म उपचार गराउन जान बाध्य छन्। यसले भारतीय रुपैयाँको माग पनि अत्यधिक बनाइरहेको छ। प्रदेशका अस्पतालमा स्रोतसाधन, चिकित्सक र स्वास्थ्य उपकरणको अभ
कञ्चनपुर— भारतको उत्तराखण्ड राज्यको उद्यमसिंह नगरबाट बन्धक बनाइएका ३५ नेपाली युवाहरुलाई उद्धार गरिएको छ। आकर्षक रोजगारीको प्रलोभनमा पारेर डोटी, दाङ, ताप्लेजुङ, स्याङ्जा, उदयपुर, पाँचथर, पोखरालगायत जिल्लाका १६ देखि ४१ वर्ष उमेर समूहका युवाहरूलाई बन्दी बनाइएको प्रहरीले जनाएको छ ।उनीहरूलाई विभिन्न शीर्षकमा रकम असुल गरिएको र यातना दिएको खुलेको छ। नेपाली दूतावास, उत्तराखण्ड प्रहरी र ‘किन इन्डिया’ नामक सामाजिक संस्थाको सहयोगमा असार ५ गते उनीहरूको सकुशल उद्धार गरिएको प्रहरीको भनाइ छ ।उक्त घटनामा संलग्न कैलालीको धनगढीका वीरेन्द्र शाही ठकुरी र भारतका दुई जनासहित तीन लाई नियन्त्रणमा लिएर थप अनुसन्धान भइ
सोलुखुम्बु— सोलुदूधकुण्ड नगरपालिका–११ तिङ्लामा करेन्ट लागेर एक प्राविधिकको मृत्यु भएको छ।मृत्यु हुनेमा सोलुदूधकुण्ड–७, भित्ताखर्कका ३५ वर्षीय रबिन बस्नेत रहेका छन्। केन्द्रीय विद्युत प्रसारण लाइनको ट्रान्सफर्मर मर्मतका क्रममा करेन्ट लागेर उनी गम्भीर घाइते भएका थिए।घटनापछि बस्नेतलाई तत्काल जिल्ला अस्पताल फाप्लु पुर्याइएको भए पनि उपचारकै क्रममा उनको मृत्यु भएको जिल्ला प्रहरी कार्यालय सोलुखुम्बुका प्रमुख डिएसपी मनोजित कुवँरले जानकारी दिए।बस्नेत गरुढ सेक्युरिटी सर्भिसमार्फत विद्युत प्राविधिकको रूपमा कार्यरत थिए।
Copyright © 2021 / 2026 / Esoul Media (P) Ltd. / All Rights Reserved.
